Welcome to Urdubiography
Home >> National Heroes >>Chaudhry Aslam  

 

 

Chaudhry Aslam

Chaudhry Aslam joined police force as ASI on 31 November 1984. He was symbol of terror for criminals. In the 1992 operation in Karachi, he was known as Encounter Specialist. He was attacked by the criminals many times. He was appointed as the SSP CID in 2010. He leaded the Liyari Operation very bravely. Chaudhry Aslam got martyrdom in a boom attack form Taliban on 9 January 2014.

Chaudhry Aslam Biography

Chaudhry Aslam Photo

Talban ke hamle mein shaheed hone wale SSP CID Chaudhry Aslam jaraim pesha afrad ke leye dehshat ki alamat samjhe jate hain. 31 November 1984 ko ASI ki hesiyat se bharti hone wale Chaudhry Aslam Khan ne 1992 mein Karachi mein hone wale operation ke doran encounter specialist ki hesiyat se shurat pai. Liyari Gang war ke sarghana Abdul Rehman Baloch ki halakat aur under world don Shoaib Khan ki giraftari bhi Chaudhry Aslam ke hathon hoi. Vespa scoter se CID ke head quarter mein Prado par aane wale Chaudhry Aslam ne zindagi ke bohat se nasheeb o faraz dekhe. Chaudhry Aslam ka taluq KPK ki tehsil Manserah se tha. Unhon ne Karachi ke mutadid thanon mein bator HSO khidmat sar anjam dein. 1992 se Chaudhry Aslam ka uroj Shuru howa aur is operation mein unhein “encounter specialist” ke naam se shuhrat mili.

Chaudhry Aslam par mawara e adalat ke qatal ke ilzamat bhi lage. 2007 mein Chaudhry Aslam aur un ki team par aghwa barae tawan ki wardaton mein mulawis aham mulzimMashoq Barohi ko jail police muqable mein halak karne ka muqadama darj kiya gaya aur un samet 53 pollice afsaran aur ahalkaron ko giraftar kar liya gaya tha, jin mein Irfan Bahadur, Sarwar Commando aur Nasir ul Hassan Shaheed ka naam qabil e zikar hai. 2010 mein unhein CID ke sarbarah ki zimedariyan sonpi gayein.

Chaudhry Aslam Khan ne Liyari Task Force ke sarbarah ki hesiyat se Liyari mein jaraim pesha anasir ke khilaf mutadid karwaiyan bhi kiein, jis par Liyari Gang war ke mujodah sarbarah Uzair Jan Baloch ne bhi qatal karne ki dhamkiyan de thein. Chaudhry Aslam ka naam Talban aur inteha pasandon ke leye bhi dehshat ki alamat samjha jata. Chaudhry Aslam par is se qabl bhi hamle howae the, un par phela hamla 4 January 2006 mein Gizri ke elaqe mein howa un par dosra hamla 19 September 2011 ko un ki rehaishgah par howa. 20 July 2013 ko Essa Nagri ke elaqe mein Chaudhry Aslam ke Conway ko boom se urane ki koshish ki gai thi aur un par chotha hamla 9 January 2014 ko howa jis mein Chaudhry Aslam apne do muhafizon samet shaheed ho gaye. Shahadat wale din hi unhon ne Manghopeer mein hone wale police muqable mein teen shiddat pasandon ko halak kiya tha.

More Links

Mohtarma Fatima Jinnah Liaquat Ali Khan General Pervez Musharraf

 

 

 

 

 

@Copy right 2012-2014 www.urdubiography.com