Welcome to Urdubiography
Home >> Showbiz >>Lance Naik Muhammad Mahfooz Shaheed  

 

 

 

Havaldar Lalak Jan Shaheed

Havaldar Lalak Jan Shaheed was born in 1967 in village Yasin. After completing his school, he joins the Pakistan Army. He was a very brave man. In Kargill war, he was posted on tiger hill with 130 Army men. He fought very bravely and for his bravery Pakistan Government has awarded him, the biggest awarded of Pakistan Army Nishan e Haider. In this page, you will read Havaldar Lalak Jan Shaheed In Urdu.

Havaldar Lalak Jan Shaheed In Urdu

1967-1999

Marka e Kargill ke dosre Nishan e Haider, Havaldar Lalak Jan Shaheed 1967 mein shumali elaqajat ke zile Ghazir ke gaoon Yaseen mein peda howe. School ki taleem hasil karne ke bad wo Pakistan Army mein shamil ho gaye aur Havaldar ke uhde tak ja pohanche.

Northern light infantry ke junior afsar ki hesiyat se ap ne marka e Kargill mein hissa liya. Unhon ne razakarana tor par mahaz ki agli safon mein larne ke leye apni khidmat pesh kein aur is position mein larte howe dushman ke kai hamle pipa kiye. Us waqat tiger hil par Pakistan ki northern light infantry ke 130 jawan ka qabza tha jin ke aik rukun Havaldar Lalak Jan Shaheed the.

2nd July 1999 ke roz bharti foj ne tiger hill par aik aur bara hamla kiya. Goliyon ki barsat ke doran Havaldar Lalak Jan Shaheed ki company ke quaid, Sobedar Sikandar ne unhen kaha ke wo tiger hill se neche utrein aur bharti fojiyon ke raste main barodi surangein bicha dein. Sab jante the ke ye kaam kitna mushkil hai lekin ye bhi sab jante the ke unhen larne ke leye bheja gaya hai. Isi haqiqat ko mad e nazar rakhe, Lalak Jan pahari par chayi dhund aur apne sathiyon ki firing ki aar mein pahari se niche uthre aur pahari elaqe mein rehne se hasil hone wali tabiyat ka faidah uthate howae unhon ne is tarah barodi surangein bichaein ke agar bharti aage barhne ki koshish karte to un se takraye bagheir na rehte. Surangein bicha kar wo wapis lot aaye.

Is ke bad dushman ko dawam mein lane ke leye supahiyon ne apni firing aahista aahista kam karte howae bilkul rok di. Taqreban 2 ghante bad un ki taraf se koi jawab na milne par hosla pa kar bharti foji aage barhe aur Havaldar Lalak Jan Shaheed ki bichai hoi surangon ke shikar ho gaye. Bhartiyon ko bhari nuqsan howa. Agarcha wo is waqiye ko manzar e aam par nahi laye lekin andaza hai ke is tabahi mein un ke 400 ke lag bagh jawan mare gaye.

Bhartiyon ke shaded hamle jari rahe. Pakistani company ne kai din unhen roke rakha lekin tadad ki qillat aare ai. Hote hote tamam jawan Shaheed ho gaye aur sirf Havaldar Lalak Jan Shaheed aur un ke teen sathi baqi reh gaye. Senior sathi hone ke nate Havaldar Lalak Jan Shaheed ne apne sathiyon ki Kaman sanbhal li aur unhen hidayat ki ke wo kisi aik jagah ruke bagheir musalsal firing karte rahein. In 4 fojiyon ne mehaz apni maharat aur hosle ke bal par dushman ka aik aur hamla paspa kar deya.

Aindah dinon mein hone wale hamlon mein Havaldar Lalak Jan Shaheed ke do aur sathi Shaheed ho gaye aur sirf aik sathi bacha. Donon sathi zakhmi bhi the aur Lalak Jan ka bayan bazo goli lagne se nakarah ho chuka tha. Thori der bad un ke akhiri sathi bhi Shaheed ho gaye. Is ke bad azam o himat ke naqabil e yaqen muqable mein, akele Lalak Jan ne bharti foj ke do units ko 4 ghante tak rok kar rakha. Bila akhir bharti foj peche hatne par majbor ho gaye.

Bharti fojiyon ke peche hatne ke bad, 50 se 60 Pakistani foji Havaldar Lalak Jan Shaheed ki madad ko pohanch gaye. Un fojiyon ki Kaman Captain Amir ke hath mein thi, Lalak Jan ki halat dekh kar unhon ne unhen wapis jane ko kaha. Havaldar Lalak Jan Shaheed ne kaha ke wo hospital ke bistar par apni jan nahi dena chahate, un ki khawahish hai ke un ki jan medan e jang mien kaam aaye.

Usi waqat bhartiyon ne aik aur hamla shuru kiya. Ziyadah tar fire aik khufiya banker ki taraf se araha tha, jise baraherast nishana banana mumkin na tha. Zarori tha ke koi jawan banker tak pohanch kar ese nazdik se tabah kare. Zakhmi Havaldar Lalak Jan Shaheed ne is mission ke leye apni khidmat pesh kar dein. Captain ne phele ye kaam unhen dene se inkar kar deya lekin Havaldar Lalak Jan Shaheed kisi na kisi tarah unhen qail karne mein kamyab rahe.

Havaldar Lalak Jan ne aik barod ka thela pusht par bandha aur AK 47 sanbhal kar Bharti gola bari ke darmiyan tiger hill se utre aur kisi ki nigah mein aaye bagheir khofiya banker tak ja pohanche. Ye banker sirf banker hi nahi balke ammunition dump bhi tha. Jab Lalak Jan ne ese uraya to aik zabardast dhamaka howa aur bharti foj ka gola barod barbad ho gaya. Isi doran Lalak Jan bharti fojiyon ki nazar mein aagaye. Fojiyon ne un par fire khol deya.ne jawabi fire kiya, unhen goliyan lagein lekin Shaheed hone se phele wo aik tawel waqat tak bhartiyon ko jawab dete rahe aur unhen roke rakha.

15 December ko do khososi commando partiyan Lalak Jan Shaheed ka jasd e khaki wapis le kar aayein. Jab un ka jism mila to tab bhi un ki gun un ke sene se lagi hoi thi. Lalak Jan Shaheed shumali elaqajat se Nishan e Haider hasil karne wale phel sipahi the. Jurat o bahaduri ki esi masalein pori duniya mein tariq mein khal khal hi dekhne ko milein gi. Jab take se sapot zindah hain dushman humari sarzameen ki tarfa meli nigahon se dekhne ki himat nahi kar sakta.


 

 

 

 

 

 

 

 

@Copy right 2012-2014 www.urdubiography.com