Welcome to Urdubiography

 

 

 

Ibn Al Haytham

Ibn Al Haytham (Alhazan) was born on 1, July 965 AD in Basra, a city of Iraq. His full name was Abu Ali Al Hassan Bin Haytham. But he was famous with the name of Ibn Al Haytham. Ibn Al Haytham was a great Muslim scientist. When he was adult, Ibn Al Haytham worked in a office, but he was very fond of studies. He went Misar and lives there till his death. His very famous book is Al Manazir Book; it is a topic of light. The time period between the 9th and 13th century was a golden time of Arabic scientists, that time one of very famous name was Ibn Al Haytham. Ibn Al Haytham is called as a founder of advance scientific. There are 237 tasaneef in different professions in Science. In this page you can see the information about the great Muslim scientist Ibn Al Haytham.

Ibn Al Haytham Biography In Urdu

Ibn Al Haytham ka pora naam Abu Ali Al Hassan Bin Haytham hai, lekin wo Ibn Al Haytham ke naam se mashoor hue. In ki paidaish ghaliban 354 hijri aur wafaat 430 hijri ko hui. Abu Ali Al Hassan Ibn Al Hassan Al Basri, Iraq ke shehar basra mein paida hue. In ki ibtedai zindagi ke halaat maloom nahi aur bad ke halaat ke barey mein bhi maurkhin mein ikhtelaf raae paya jata hai. Is ke roznamchon se sirf yeh maloom hota hai ke wo bachpan se he ghor o fikar ka aadi tha. Barhe hue to aik dafter mein mulazim lag gae, lekin in ka jee dafter ke kamon se ziyada parhne mein lagta tha. Yehi wajah thi ke wo Riyazi, Tabiyat aur Tib ke mutalle mein gharq rehte the. In ke zamane mein musalman duniya mein mazhabi firqon aur makatib fikar ki bharmar thi. Ibn Al Haytham ko is bat se bohat uljhan hui. Wo janna chahte the ke kya sahi hai aur kya ghalat. Aakhirkar wo is natije par pohanche ke yeh tamam uljhao shakook o shabhahat ki wajah se hai, jis ki buniyad kam ilmi hai. In ke khayal mein sachai mein inteshar mumkin nahi, kyun ke sach sirf aik hai.

Wo tabiyat, riyazi, engineering, falkiyat aur adwiyat ka mayanaz mohqiq the. Wo misar chale gae the aur apni wafaat tak wahin rahe. 996 mein wo fatmi khilafat misar ke darbar se munsalik ho gaya. Inho ne daryae neel par aswaan ke qareeb 3 taraf band baandh kar pani ka zakheera karne ki tajveez pesh ki, lekin na kafi wasaiyl ki wajah se use tark karna parha. Ab isi jagah misar ka sab se barha dam yani aswaan dam qaiym hai. Qafti ki akhbar ul hukmaa mein Ibn Al Haytham ki zabani yeh alfaaz naqal kiye gae hain. Agar main misar mein hota to is neel ke sath wo amal karta ke is ke ziyada aur nuqsan ke tamam halaat mein nafaa he hota hai. In ke kehne ka maqsad yeh tha ke wo neel ke pani ko aabpashi ke liye saal ke 12 mahine dastiyab kar sakte the.

Ibn Al Haytham ne neel ke tool o arz ka survey shuru kiya aur jab aswaan tak pohanche, jahan us waqt Al Sadul Aali dam qaiym hai aur is ka bharpor jaiza lene ke bad inhe andaza hua ke in ke zamane ke imkanaat ke hisaab se yeh kaam na mumkin hai aur inho ne jald bazi mein aik aisa dawa kar diya, jise wo pora nahi kar sakte the. Chunache Al Hakim ke paas ja kar maazrat kar li, jise Al Hakim ne qabool kar ke inhe koi mansab ataa kar diya.

Ibn Abi Asbia ‘ Aewan ul Anba fi tabqat ul atbaa mein likhte hain ke Ibn Al Haytham fazil ul nafs, samajhdar aur uloom ke fankaar the. Riyazi mein in ke zamane ka koi bhi scientist in ke qarib bhi nahi bhatak sakta tha. Wo hamesha kaam mein lage rehte the. Ibn Al Haytham na sirf kaseer ul tasneef the, bal ke zahid bhi the. Aam taur par yeh samjha jata hai ke qadeem yunan aur Europe mein nishat e sania ke darmiyan mein koi barhi scientific peshraft nahi hui. Lekin sirf is liye ke maghrabi Europe tareeki mein dooba hua tha. Is ka matlab yeh nahi ke duniya mein dosri jagahon par bhi koi kaam nahi ho raha tha. 9 aur 13 saddi ke darmiyan ka arsaa Arabic scientist’s ka sunehra daur tha. Us daur ke naamon mein Ibn Al Haytham ka naam shayad sab se roshan hai. Ibn Al Haytham ko jaded scientific zabta amal ka founder kaha jata hai.

Ibn Al Haytham ki book Kitab ul Manazir basaryat ki duniya mein aik kuleedi rakhti hai. Kyun ke Ibn Al Haytham be batlimos ke nazariyat qabool nahi kiye. Bal ke inho ne batlimos ke roshni ke hawale se bohat sare nazriyat ki mukhalfat ki aur inhe radd kar diya. In ki roshni ke hawale se dariyaftein jadeed science ki bunyad bani. Misaal ke taur par batlimos ka nazarya tha ke dekhna tab he mumkin hota hai. Jab aankh ki shoaa kisi jism se takrati hai. Bad ke scientist ne is nazarye ko mann o aan qabool kiya, magar Ibn Al Haytham ne bool Al Manazir mein is nazariye ki dhajjiyan bikher di. Inho ne sabit kiya ke muaamla is ke bilkul bar aks hai aur shoaa aankh se nahi bal ke jism se dekhne wale ki aankh se takrati hai.

Ibn Al Haytham ki tasaneef ki sahi tadad ke barey mein bhi ikhtelaf raae hai. Inho ne jin ullom par kaam kiya, un mein mutazkara bil uloom ke ilawa, mantaq, ikhlaqiyat, siyasiyat, shairi, mauseeqi aur uloom al kalam shamil hain. In ki beshtar tasaneef napaid hain. In ki sab se ziyada mashoor kitab Al Manazir hai, jis ka mauzoo roshni hai. Roshni ki mahiyat aur haqiqat ke barey mein ibn al haitham ke nazaiyat qabil qadar hain. Inho ne nazariyat qaiym karne ke liye tajurbey ko aehmiyat di.

Ibn Al Haytham ajsaam ko 2 qismon mein taqseem karta hai. Noor afshan ajsaam aur be noor ajsaam. Noor afshan ajsaam jism ki sift roshni kharij karna hai. Maslan sooraj ya chiragh. Be noor jism ki apni koi roshni nahi hoti, lekin agar noor afshan jism is par roshni dale to yeh aarzi taur par roshan ho jata hai. Maslan Chand. Yeh aarzi noor kehlata hai. Be noor ajsaam 3 tarah ke hote hain.

Shaffaf jism : Jis mein se roshni guzart to hai lekin mukammal. Maslan hawa, pani, sheesha waghera.

Neem shaffaf jism : jin mein se roshni guzarti to hai, lekin mukammal taur par nahi. Maslan bareek kaprha, raghra hua sheesha waghera.

Gher Shaffar Jism : Jin mein se roshni bilkul nahi guzar sakti, maslan lakrhi, pathar waghera.

Ibn Al Haytham kehte hain ke koi chez mukammal taur par shaffaf nahi hoti. Har shaffaf jism mein aik darja na shaffafi ka hota hai. Is ka khayal hai ke roshni jab bhi kisi jism mein se guzarti hai to taqseem hoti hai. Isi liye wo jism lateef tar ho jata hai. Taqseem ke is amal mein aik aesi had aati hai, jab mazeed taqseem na mumkin ho jati hai. Is marhale par roshni khatam ho jati hai. Ibn Al Haytham ke nazdeek rangon aur noor mein mumaslat paai jati hai.

Ibn Al Haytham ka iak tajurba zamana jaded ki kae aeham ijadaat aur daryafton ka pesh khema bana. Inho ne aik andhere kamre ki deewar mein aik chota sa soorakh kar ke is se roshni andar pohanchai. Soorakh ke aen samne aik aisa pardah latka diya. Jis par soorakh ke aane wali roshni aur us ki roshni mein nazar aane wali chezon ka aks parh sake. Inho ne dekha ke roshni mein nazar aane wali chezon maslan insaan, darakht, patton waghera ka parde par ulta aks parhta hai. Halan ke wo chezen seedhi hain.

Ibn Al Haytham pehle shakhs the. Jinho ne deed ke fail ki wo wazahat ki jo jaded basaryat ki bunyad hai aur abhi tak mustand samjhi jati hai. Basaryat se mutalliq istelahaat bhi Ibn Al Haytham ki marhoon minnat hain. Inho ne khala ke wajood aur nazarya kashish e saqal par bhi behas ki. In ka kehna tha ke zameen se 10 meel tak hawa ki the maujood hai, in ke khayal mein ashiya ke wazan mein fiza ki lutafat aur kasafat ki munasbat se kami beshi hoti rehti hai. In ke nazdeek shafaq ki ibteda aur inteha us waqt hoti hai, jab sooraj ufaq se 9 darje neeche ho. In aali martabe scientist ne apni tamam zindagi khoj mein guzar di. Wo intehai qana’at pasand waqeya hua tha. Rupees, paisa se inhe koi dilchaspi nahi thi. Musalmano ne in ki qabliyat ko bohat bad mein tasleem kiya. Science ke mukhtalif shobon mein in ki 237 tasnifaat shumar ki gai hain.

Ibn Al Haytham ne Tib, Falsafa aur Ilahiyat par bhi tasaneef chori hain. Tareekh mein likha hai ke 1150 mein khalifa Al mutasanjid ne falsafa ki tamam kitabein dhond dhond kar nazar e aatish karne ke liye qazi muqarrar kiya. In ki kitabein waste karne par jo Maulvi muqarrar hua wo chair pe charha aur falsafa ke khjilaf taqreer ki. Phir bari bari jildein hath se le kar sharamnaak taleem ka zikar kiya aur kitabein aag mein jhonkte gae. Memon ka azeez Rabi Yahodas waqey ka aeni shahid tha. Wo likhte hain ke inho ne Ibn Al Haytham ki aik book Maulvi ke hath mein dekhi. Jin dairon ke zariye Ibn Al Haytham ne aflaaki ki wazeh kiya tha. Inhe dikha kar Maulvi ne kaha, yeh dekh lo kis qadar ranj ki baat hai, kis qadar aafat hai aur kitni barhi musibat hai. Yeh keh kar inho ne book ko phar dala aur aag mein jala diya.

More Link


 

 

 

Copy right 2012-2014 www.urdubiography.com