Welcome to Urdubiography
Home >> Showbiz >>Lance Naik Muhammad Mahfooz Shaheed  

 

 

Lance Naik Muhammad Mahfooz Shaheed

Lance Naik Muhammad Mahfooz Shaheed was born on 25 October 1944. He joined Pakistan army on 1962. In 1971 war, Muhammad Mahfooz Shaheed was in the Punjab regiment and posted at Wagah. Muhammad Mahfuz Shaheed fights with bravery. He got on Martyrdom 8 December 1971. In this page, you will read Lance Naik Muhammad Mahfooz Shaheed Biography In Urdu.

Lance Naik Muhammad Mahfuz Shaheed In Urdu

Lance Naik Muhammad Mahfooz Shaheed Photo

Lance Naik Muhammad Mahfuz Shaheed 25 October 1944 ko Pind Malkan (mujodah Mahfuzabad) zila Rawalpindi mein peda howe. 25 October 1962 ko ap bari foj mein shamil howe. 1971 ki Pak bharat jang mein Muhammad Mahfuz Shaheed 10 Punjab ki regiment ki A company ke sath wabasta the jo Wahgah Atari sector ke muhaz par mutaien thi. 17 aur 8 December ki darmiyani shab ko un ki company ko “pur kanjri” ke gaoon par qabza karne ka hokum mila. Lance Naik Muhammad Mahfooz Shaheed ki platoon is hamle mein har awal daste ke tor par aage thi aur is ka number teen tha. Hamle ke waqat A company bharat ki position se sirf 70 gaz dor thi.doran e jang aik esa marhala aya ke Muhammad Mahfuz Shaheed ki machine gun dushman ke aik gole ki zarb se tabah ho gai.

Iss nazuk muqe par unhon ne apne hawas barqarar rakhe aur apne Shaheed sathi ki machine gun utha kar phir barsar e pekar ho gaye. Muhammad Mahfooz Shaheed ne dushman ki company ko bhari nuqsan pohanchya to jawabi tor par hamle mein dushman ne goliyon ki barish shuru ka di jis ke nateje mein Muhammad Mahfuz Shaheed ki tangein zakhmi ho gaein lekin unhon ne hosla na hara aur sirf machine gun ke sahare hi dushmanon ka muqabla karte rahe. Isi doran bharti supahi un par bal pare. Lance Naik Muhammad Mahfooz Shaheed ne aik bharti ke gala ghotne ki koshish ki to aik dosre bharti supahi ne apni gun se unhen Shaheed kardeya.

1971 ki Pak bharat jang ke bad jab Pakistan commander aur bharti commander ki mulaqat hoi to bharti commander ne kaha ke:

“Main ne bohat se jangein lari hain magar jis bejigri, bahaduri, shujaat aur jazbe se us jawan ko larte dekha, kisi ko nahi dekha. Us ne farz shanasi ka esa muzahira kiya jis ne humein us ki azmat ka mutraf bana deya.”

Lance Naik Muhammad Mahfooz Shaheed ki zindagi mein 25 October ko bari ahmiyat hasil thi kyun ke ye un ki waladat ka din bhi tha aur foj mein bharti hone ka bhi. Muhammad Mahfuz Shaheed middle weight boxing mein champion ka darja rakhte the. Boxing mein maharat ki wajah se un ke sathi unhen Pakistani Muhammad Ali ke naam se pukarte the.

Jam e Shadat nosh karte waqat Muhammad Mahfooz Shaheed ke hath mein bharti foj ki garden thi. Ap ne is jang mein apni LMG machine gun ke sath dushman ki do regiments ko akhiri dum tak roke rakha.

Sabika general Tika Khan ne Muhammad Mahfooz Shaheed ko khiraj e tehseen pesh karte howe kaha:

“Shaheed ne pori foj ke leye aik shan dar missal qaim kardi hai aur pori quom Shaheed par fakhar karti hai.”
Jis school mein Muhammad Mahfooz Shaheed ne taleem pai thi us ke head master Qazi Dost Muhammad ke mutable par un ke gaoon “Pind Malkan” ka naam badal kar “Mahfuzabad” rakh deya gaya.



 

 

 

 

 

 

 

@Copy right 2012-2015 www.urdubiography.com