Welcome to Urdubiography

 

 

 

Malala Yousafzai

Malala Yousafzai is a known person now. However, when she born in the house of Ziauddin Yousafzai was not know that his daughter would be known as the role model of the young girls. In October 2012 she was shoot at the head by Taliban, she was first treated in Peshawar then in Rawalpindi and then she was send to the Queens Elizabeth hospital England for the treatment. She became healthy in few months but in this period Malala draw attention of the whole world. She awarded from more then 25 awards from the whole world.In this page, you will read Malala Yousafzai Biography In Urdu and Roman Hindi.

Malala Yousafzai Biography In Urdu

Malala Yousafzai Photo


Ye 1997 ke awail ki baat hai, jab sawat ke shehar Mangora ke aik basi Ziauddin Yousafzai ke aangan mein rehmat e Khuda wandi ki aik kali khili. Ziauddin Yousafzai bhi chahata tha ke is bar us ke ghar beti paida ho. Jab us ke ghar beti ne janam liya to us ne apni is beti ka naam bohat piyar se Malale ke naam par Malala rakha. Malala Yousafzai ne zamana e talib e elmi mein jab BBC ki web site par taleem ke masail par apni diary likhna shuru ki to us ki

tehriron ko larkiyon ki taleem ke haq mein aik tawana awaz kaha gaya. Yun Malala Yousafzai aik marof likhari to ban gai magar usse mutanaza bhi bana diya gaya kyun ke isi arse (2009) mein tehrik e Talban Pakistan larkiyon ke schools booms se urra rahe the aur Malala ko dhamkiyan bhi mil rahi thein.

Isi asna mein jab Pak foj ne Sawat mein karwai ki to elaqe se Talban ki ijaradari khatam ho gai, Talban ka supah e salar Fazal Ullah Afghanistan farar ho gaya, larkiyon ke school dobarah khul gaye magar October 2012 mein school jate howae Talban ne taleem ke haq mein awaz buland karne wali kam umar Malala Yousuf Zai ke sar mein do goliyan dagh den magar qudrat ne usse bacha liya. Malala Yousafzai ko tashweshnak halat mein Pishawar hospital laya gaya, kuch dinon bad behtar ilaj ke leye Rawalpindi laya gaya. Halat zara sanbhali to sabiq Saddar Asif Ali Zardari ne Malala ko hawai ambulance ke zarye Birmingham (England) bhej diya, jahan Malala ko Malka Elizabeth hospital mein dakhil kara diya gaya. Sar mein goli lagne se England jane tak Malala pori duniya ki tawaja ka markaz ban gai aur nai nasal ki kam umar tareen role model bhi.

Bila shuba Malala Yousafzai is waqae se phele bhi aik honahar larki thi aura b bhi hai, jis ne duniya bhar mein Pakistan ko aik nai shanakht di haimagar social media par us ki zat ko ghalat rang bhi diya gaya ke wo ghair mulki taqaton ke leye kaam kar rahi hai aur elm dushmanon ne us ki awaz ko dabane ki esi hi kai koshishein kein magar wo thi ke aage hi barhti chali gai. Phir aik din tehrik e Talban Pakistan ki taraf se ye bhi kaha gaya ke “Malala bach gai hai, usse hum dobarah marne ki koshish karein ge.” Ab ye pori quom ko sochna ho ga ke agar hum Pakistan ko waqai aman ka gehwara banana chahate hain to humein Malala ka sath dena chahiye ya us ka sath chor dena chahiye?

Phir aik kitab bhi Malala ke naam se English mein shaya hoi, jis ka naam hai “main Malala hun.” Ye kitab bhi matnaza their, ab tak is par behas ho rahi hai. America ke Saddar Barak Obama se mulaqat, United Nations mein khitab, aman ke Nobel inaam ke leye namzadgi aur nakami ke elawa bohat si degar baatein Malala ki zat ko ab bhi behas ka markaz banaye rakhti hain. Malala Yousafzai aman ka Noble Prize inaam to na jeet pai magar ab tak wo duniya bhar se taqreban 25 awards le chuki hain. Noble comity ke arkan ka kehna hai ke Malala ka mustaqbil roshan hai, ese dobarah namzad kiya ja sakta hai.

Hoqoq e niswan ke leye awaz uthane par Malala Yousafzai kai mulki aur ghair mulki ezazat ke leye naamzad hoi. Malala Yousafzai ko Pakistan ka phela ezaz bara e aman diya gaya. New York times ne Malala Yousafzai par dastawezi film bannai. Malala Yousafzai ne Pakistan ke Foji jawanon se appeal ki ke agar humare Foji bhai humein tahafoz farahum karein to hum larkiyan apni darsgahon ko ja sakti hain. 2009 mein Malala Yousafzai ki mulaqat khososi tor par Americi safer Hall Brook se bhi hoi. October 2011 mein Desimand Toto ne Malala ko bachon ka aman award diya. 2 mah bad December 2011 mein Malala Yousafzai ko “youth peace” award diya gaya. January 2012 mein aik secondary school ka naam Malala ke naam par rakha gaya aur October 2012 mein Malala Yousafzai ko Tamgha e Shujaat diya gaya. Financial times ne unhein woman of the 2013 qarar diya.

More Link


 

 

 

Copy right 2012-2014 www.urdubiography.com