Welcome to Urdubiography

 

 

 

Maulana Husain Ahmad Madni

Maulana Husain Ahmad Madni was born on 6th October 1879. He is one of the great Islamic scholars in the Sub continent. Maulana Husain Ahmad Madni Father named was Habibullah. Maulana received early education from his Father. Maulana’s Father was very great Islamic Scholar. He went to Darul Uloom Deyoband at the age of thirteen. Maulana Husain Ahmad Madni studied under Mualan Mehmood ul Hassan, Mualana Zulfiqar Ali, Maulana Abdul Ali Mohdis Dehalwi, Maulana Khalil Ahmed Saharanpuri, Mufti Aziz ur Rehman and Mualana Habib ur Rehman Usmani. His Father migrated to Medina Munawarra with his Family in 1898. Maulana Husain Ahmad Madni has five daughters and three sons. He awarded the alias of Sheikh ul Arab ul Ajam at the age of 24. Maulana Hussain Ahmad Madni spent 17 years to teach the Hadith in Medina Munawarra. In this page you can see the information about Maulana Husain Ahmad Madni.

Maulana Husain Ahmad Madni Biography

Maulana Husain Ahmad Madni Photo

Deyoband ke aik jaid aalim, walid ka naam Habibullah tha. Jo Maulana Fazal ur Rehman Ganj Moradabad ke khalifa mijaz the. Aap hussaini Syed hain. Aap ke mauris e aala ka naam Shah Noor ul Hassan tha. Ibtedai taleem apne walid se hasil ki. Jo aik buland paya buzurg aur aalim e deen the. 13 saal ki umar mein darul uloom deyoband mein Alhadees Maulana Mehmood ul Hassan ki khidmat mein bhej diya gaya. Deyoband mein aap ne jin usatza se ilm hasil kiya. Un mein Maulana Mehmood ul Hassan, Maulana Zulfiqar Ali, Maulana Abdul Ali Mohdis Dehalwi, Maulana Khalil Ahmed Saharanpuri, Mufti Aziz ur Rehman aur Maulana Habib ur Rehman Usmani the.

1316 / 1898 mein aap ke walid ne maa aehl o ayaal Medina Munawarra ko hijrat ki. Us waqt Medina Munawarra mein 2 kutub khane bohat mashoor the. Aap ne un kutub khano se pora pora istafada hasil kiya. Adbiyat ki takmeel aap ne Medina Munawarra ke Muaammer adeeb Maulana Sheikh Aafandi Abdul Jalil se ki, jo ulmae hijaz mein aik numayan hesiyat rakhte the.

Tehseel ilm ke sath he aap ne Medina Munawarra humen dars o tadrees ka silsila shuru kar diya. 1318 / 1900 mein Hindustan mein tashreef lae. 2 saal yahan qayam pazeer hue. 1320 / 1906 mein wapis Medina Munawarra chale gae. Is martaba aap ka halqa dars bohat wasee hua aur talba ka aik jamm e ghafeer aap ke gird jama ho gaya. Door daraz ke mumalik se tashnigan ilm aap ke halqa dars mein shirkat ke liye aane lage. Aap ke dars ki shohrat arab ke ilawa deegar mumalik tak ja pohnchi aur 24 saal ki umer mein aap ko Sheikh ul Arab ul Ajam ke laqab se nawaza gaya.

Aap tasoof mein Maulana Rasheed Ahmed Gangohi se bait the. 1898 mein hazrat ne aap ko charon silsilon mein bait farma liya. Isi arsey mein aap ke walid Medina Munawarra hijrat kar ke chale gae the. Is liye Sheikh ne hukum diya tha ke Makka Mukarrama mein chonke Haji Imdadullah Maha Jarmaki tashreef farma hain, isi liye in he se zikar o shukar ki talqeen hasil kar lena. Chunache Haji Sahab ne aap par nihayat shafqat farmai.

Maulana Husain Ahmad Madni taqriban 16, 17 baras tak Masjid e Nabwi mein hadees ka dars dete rahe. Jab Makka Shareef ne angrezon ki shatirana aur pur fareb sazish mein aa kar Turkon ke khilaf ilm e baghawat buland kar diya.

1914 mein Sheikh ul Hind Maulana Mahmood ul Hasan Sahab bhi hijaz tashreef le gae. Angrez har qeemat par Sheikh ul Hind ko giraftar karna chahte the aur chonke wo hudood e haram mein dakhil ho chuke the. Is liye inhe sirf Shareef Hussain ki hukomat he giraftar kar sakti thi, magar Shareef Mecca angrezon ki ungliyon par naach raha tha. Main un logon ko maa un ke rufqaa Maulana Husain Ahmad Madni, Maulana Azeez Gul aur deegar sathiyon ke giraftar kar ke island malta mein bhej diya gaya. Maulana Husain Ahmad Madni ne apne ustaad ki mayyat mein sarhe 4 saal ka arsaa qaid mein guzara. Aap ne isi arsey mein Quran Pak hifz kiya. Malta se rehai pane ke bad aap apne ustaad mohtaram ke sath Hindustan aae. Chonke us waqt Hijaaz, Iraq, Sharq Ardan, tukron ki soorat mein Bartanwi toliyat mein diye ja chuke the aur aap ke nazdeek azad millat islamia ke nuqta e nazar se mumalik islami ki azadi ka wahid zariya tha. Is liye aap ne Medina Munawara jana mufeed khayal na kiya aur Hindustan mein qiyam farmaya.

Sheikh ul Hind Mahmood ul Hasan ne aap ko darul uloom ki sadar madarsi ke liye namzad kiya. Maulana Husain Ahmad Madni darul uloom deyoband ki masand sadarat par mustaqil taur par jalawa afroz hue. Aap ne darul uloom mein dars hadees diya aur 31 saal tak darul uloom mein uloom naboo ki khidmat karte rahe.

Masand irshad hidayat par beth kar Maulana Husain Ahmad Madni ne jo kaam kiya wo itna ziyada hai ke herani hai. Aik Sheikh ul Hadees, Siyasi leader aur madbro mufakkir apni bepanah masrofiyat se itna waqt kaise nikaal leta the ke mustar shadeen par bhi tawajja de sake aur apne lakhon mureedon ke halat o kawaif maloom kar ke in ki tarbiyat kar sake.

Khuddari, zauq e ibadat, atbaa shariyat, azzm o istaqlal, saadgi o be takallufi, ehsaas farz mansabi, tawaza o inkesari, fiyazi o mehman nawazi, eisaar o qurbani, qana’at o istaghna aap ki wo safaat hain. Jinho ne aap ki shakhsiyat ko bohat buland maqaam ataa kiya. Aulad mein aap ke 3 bete aur 5 betiyan hain.

More Link


 

 

 

Copy right 2012-2014 www.urdubiography.com