Welcome to Urdubiography

 

 

 

Tipu Sultan

Tipu Sultan Photo

Tipu Sultan was the tiger of Mysore. He was born on 20 November 1750 in Devanahalli, Bangalore, India on Friday. Tipu Sultan got transit in the languages of Arabian, Persian, English, French, Urdu and Tamil beside Islamic technology. He was a very bold and brave personality. At that time of period Tipu Sultan got the mastery in archery, tilting, swimming, gladiator, measure sword, musketeer etc. He was a great tactician. Tipu Sultan was the son of Hakim Mysore Haider Ali. He died on 4th May 1799 in fought with Brython. Tipu Sultan was a first hero and first martyr of independent war of Hindustan. In the end of this topic we showed you the rules of Tipu Sultan, which was issued by Tipu Sultan. In this page you can see the biography about Tipu Sultan In Urdu and Roman Hindi.

19 century ke aakhir mein aalim e Islam ke aik bohat barhe aalim Syed Jamal Uddin Afghani ne Aalim e Islam ka naraa lagaya. Turkey ke Sultan Abdul Hameed Khan Sani ne in ki sarparasti ki, bad mein pehli aalmi jung ke dauran yehi naraa Turkish ka jangi naraa ban gaya. Haqiqat yeh hai ke aalim e Islam ko muttehid karne ka khayal junobi Hind ki aik choti si Islami riyasat ( Mysore ) ke farma rawan ko is narey ke maqbool aam hone se 100 baras pehle aa chukka tha ke aalim e Islam ko muttehid kar ke taghoti taqaton ka muqabla kiya jae. Inho ne is silsile mein Turkey ke Sultan Saleem Salas se khat o kitabat bhi ki ke Basra ki bandargah se turkey apna behri berha khaleej faris ke raaste junobi hind bheje. Inho ne Afghanistan ke farmarawa Zaman Shah ko bhi likha tha ke wo angrezon ke khilaf in ki madad ko aae. Zaman Shah in ki madad ke liye Afghanistan se chal kar Punjab pohanche the ke kisi nagurez wajah se inhe wapis jana parha. Hakim Mysore ne Iran ke farmarawa se bhi qareebi dostana talluqaat qaiym karne ke liye khat o kitabat jari rakhi. Phir France ke hukmaran Napoleon Bonaparte ke pas sifarat bheji ke wo in ki madad ke liye fauj bhejen, ta ke angrezon ko hind se be dakhal kiya ja sake. Yeh farmarawa koi aur nahi bal ke Sher Mysore Sultan Fateh Ali Tipu ( Jo Tipu Sultan ke naam se famous hue ) the. Is lihaaz se bilashuba Tipu Sultan ko Aalim e Islam ka ittehad ke nazariye ka founder kaha ja sakta hai.

Tipu Sultan Biography In Urdu

Tipu Sultan 20 November 1750 ba mutabiq 20 Zil Hajj 1163 hijri ko jumma ke din Bangalore se 20 mile shumal mein Devanahalli ke maqaam par paida hue.Bachpan he se Tipu Sultan jarri, hurriyat pasand aur sahib liaquat the. Inho ne islami uloom ke ilawa Arabian, Persian, English, French, Urdu, Tamil aur Canter languages par bohat jald aboor hasil kar liya tha aur us zamaneke fanon sippa giri, shamsher zani, teer afgani, neza bazi, tafung andazi, teraki waghera mein bhi kama huqqa maharat hasil kar li thi. Sun balogh tak pohanchte pohanchte Tipu Sultan harab o zarab ke desi aadaab aur razam o paikar ke angrezi tariqon se bhi khob waqif ho chuke the. Wo apne walid Hakim Mysore Haider Ali ki tarah pakke hurriyat pasand the. Inho ne apne walid ke sath kae mehmaat mein hissa liya. Wo jante the ke angrez inhe chain se bethne na denge. Angrezon ne marhaton aur nizaam deccan ke sath sazbaz kar rakhi thi. Tipu Sultan se takht e nasheen hone ke bad angrezon se nabard aazma hone ke silsile mein turkey, Iran, Afghanistan aur France ke hukmarano se khat o kitabat ki, lekin angrezon ne mukhtalif sazishen kar ke pehle turkey ko Ross se larhaya aur phir Afghanistan aur Iran mein khana jangi kara di. Dosri taraf Hindustan mein angrez Tipu Sultan se muqabley ke liye aage barhe. Saltanat Mysore ke darul hukomat Seringapatam ka muhasira hua. Aakhirkar Tipu Sultan ko sulah karni parhi. Aadhi saltanat angreson ke hawale ki aur 3 crore 30 lakh tawaan adaa kiya. British hukomat ne Lord Wellesley ko barr e sagher ke maftoha ilaqe ke nigraa bana kar bheja. Jis ne aehad muaawnat mutarrif karwaya. Lord Wellesley darasal in aehad o muaawnat ka maujjid nahi tha. Lekin is ne barhi tadad mein Hindustan ke riyasti hukmarano ke sath is qisam ke muaahede kiye, jin se company ki saltanat ko faida pohancha. Is liye yeh policy isi ke naam se mausoom ki jati hai. Aehad e muaawnat ki aeham sharaiyt yeh thein.

1. Riyasat angrezon ki marzi ke khilaf kisi dosri riyasat se kharji talluqat qaiym nahi kar sakti maslan sulah, tijarat waghera.

2. Angrez fauj ka aik dasta rakhna hoga. Is ke akhrajaat riyasat bardaasht karegi.

3. Riyasat par aik angrez resident rakha jae.

4. Angrezon ke ilawa deegar European aqwaam ( Bilkhusoos France ) ke afraad ko nahi rakha jaega.

5. Riyasat ke androni muaamlaat mein company dakhal nahi degi.

6. In tamam sharaiyt ke awaz company, riyasat ko beroni aur maqami baghawaton se nimatne mein madad degi.

Tahum Tipu Sultan ne angrezon ke pesh karda aehad muaawnat ko qabool karne se inkaar kar diya. Angrez afwaaj Bombay aur Madaras se Mysore ki taraf barhe. Aik martaba phir sarangi patam ka muhasira hua, ghaddar apna kaam pora kar chuke the. In mein Mir Sadiq, Ghulam Ali langra aur Purnima qabil zikar hain. Angrez afwaaj jab Seringapatam mein dakhil hui, to in gaddaron mein se kisi ne Tipu Sultan se kaha “ Huzoor e wala, ata’at qabool kar lijiye, riyasat bach jaegi aur aap ka takhat o taaj bhi qaiym rahega ”. Is par Tipu Sultan ne khatam aalood ho kar jo jawab diya. Wo hamesha tareekh ke auraaq mein sunehre maqole ke taur par jagmagata rahega. Inho ne kaha “ Sher ki aik din ki zindagi, geedar ki 100 sala zindagi se behtar hai ”.

Tipu Sultan aik sahe mujahid aur pakke musalman the. Fajar ki namaz ke bad Quran Pak ki tilawat karte aur sara din bawazu rehte. Khud aalim the aur aehl e ilm ki qadar karte the. In ka kutub khana Hindustan ke barhe kutub khano mein shumar hota tha. Shujaat aur bahaduri mein in ka koi hum sir na tha. Sher in ka pasandeeda janwar tha. Shayad isi liye angrezon ne inhe Sher Mysore ka laqab diya tha. Islami hammiyat in mein ba darja atam maujood thi. Is ke sath sath wo tassub se bhi pak the. Is ka sab se barha sabot yeh tha ke Purnima jaise Hindu in ke wuzra mein shamil the. Tipu Sultan is haqiqat se waqif the ke European aqwaam ki bartari ka raaz sanat o tijarat ki tarraqi mein posheeda hai. Chunache inho ne tajir, sanatkar, mahajin aur saraaf ki bharpor hausla afzaai ki. Hukomat ke liye inho ne mukhtalif mehakma qaiym kiye, jin ki tadad 99 ke qareeb thi. Har mehakma ka aik mayor muqarrar kiya. Bahria ka mustaqil mehakma qaiym kiya. Fauji qawaid ke liye kitab “ Fatah Al Mujahideen ” likhwai. Funn jahazsazi par tawajja di. Magnetic mountains se jahazon ko bachane ke liye iron ki jagah copper ke pained ka istemal Tipu Sultan he ki eijaad hai. Tipu Sultan ne apni riyasat mein kuch islahaat bhi ki, maslan.

1. Sharab, bhang aur dosri manshiyat kia istemal ko mamnoo qarar diya.

2. Qehbagiri aur gharelo kamon ke liye londiyan rakhne ki mumanat ki.

3. Qadeem wedak nazariya “ Kaseer ul shohra ” ke riwaj ko khatam karne ki bhi koshish ki.

4. Malabar ke baaz ilaqon mein aurtein kamar se oper ke hisse ko dhakti nahi thin, chunache Tipu Sultan ne hokum jari kiya ke koi aurat neem barhana ghar ke bahar na nikle.

5. Mysore shehar ke qareeb kali devi ke mandir mein insani bhent charai jati thi, Tipu Sultan ne insaan kashi ko gher qanooni qarar diya.

6. Shadi biyah aur tehwaron ke mauqe pa rakhrajaat ki had muqarrar ki ke koi gaon apni daulat ka 1 % se ziayd hidda tehwaron par kharch nahi kar sakta.

7. January aur July 1784 ke darmiyani arsey mein aik nae taqweem ( Calendar ) ka ujraa kiya, jis ka naam “ Maulodi ” rakha. Jo Peghambar Islam Sallallaho Alaehe Wasallam ki hijrat ke saal se nahi, bal ke Hazrat Mohammad Mustafa S.A.W.W. ke maboos hone ke saal se shuru hota tha aur is ke daur ke har talib e ilm ke liye is taqweem se waqif hona zaroori tha.

4 May 1799 ko Tipu Sultan ne angrezon se larhte hue jam e shahadat nosh kiya. Wo Hindustan ki jang e azaadi ke pehle hero aur pehle Shaheed tha. Wo zindagi bhar angrez Samraaj ke mukhalif rahe aur inho ne firangiyon ke ghalbe se mulk ko bachane ki khatir bil aakhir apni jaan de di. Dushman par in ka roab aur dabdaba itna ziyada tha ke arsaa daraz tak angrez Maae apne bachon ko Tipu Sultan ka naam le kar darati rahin.

More Link


 

 

 

Copy right 2012-2014 www.urdubiography.com