Welcome to Urdubiography
Home >> Pak History >>Begum Maulana Mohammad Ali Jauhar  

 

 

Begum Maulana Mohammed Ali Jauhar

Begum Maulana Mohammad Ali Jauhar was born on 1885 in a religious family at Rampur. She was an enthusiastic woman leader of the actuation of Pakistan. The real name of Begum Maulana Mohammad Ali Jauhar was Amjadi Bano. She married with the great leader of actuation of Independence Maulana Mohammed Ali Jauhar at the age of 17th. She participated in working committee of all India National congress in December 1921 at Ahmadabad as a member of UP. Begum Maulana Mohammad Ali Jauhar died on 28 March 1947 before the independence day of Pakistan. In this page, you can see the information about Begum Maulana Mohammed Ali Jauhar.

Begum Maulana Muhammed Ali Jauhar

Begum Maulana Muhammad Ali Jauhar jin ka asal naam Amjadi bano tha. Tehreek e Pakistan ki pur josh khatton rehnuma thin. Begum Maulana Muhammad Ali Jauhar ne na sirf khuwateen bal ke mardon mein bhi jazba e azaadi ki rooh phonki, jis ki lehar mein british samraaj khas o khashaak ki tarha beh gaya. Begum Maulana Muhammad Ali Jauhar 1885 mein Rampur ke aik mazhabi gharane mein paida hui. Begum Maulana Mohammad Ali Jauhar ke walid Azmat Ali Khan aik buland auhdey par faiyz the. Amjadi bano bachpan he mein Maa jaisi hasti se mehroom ho gai thin. Amjadi bano ki parwarish dadi aur phuppiyon ne kit hi. Ibtedai taleem ghar par he hui. Ghar mein deeni aur mazhabi kitabon ka zakheera hone ke sabab mazhab ka mutalla khasa wasee tha. 1902 mein jab 17 saal ki thin, Amjadi bano ki shadi tehreek e Azaadi ke azeem rehnuma Maulana Mohammed Ali Jauhar se hui, jo un dino Oxford mein zer e taleem the. Maulana Mohammed Ali Jauhar se shadi ke baad sarasar unhe ke rang mein rang gai. Maulana Abdul Majid Daryabadi ne tehreer hai ke “ Amjadi Begum har jalsey, har safar aur khilafat conferences mein Maulana ke sath shareek rehti. Inho ne All India National Congress ki working committee ke ijlaas munaqida December 1921 mein Ahmadabad mein UP ke numaiynde ki hesiyat se shirkat ki.”

Begum Maulana Muhammad Ali Jauhar ka sab se barha karnama Bi Amma, Maulana Muhammed Ali Jauhar ki Waldah ke sath mil kar Hindustan ki khuwateen mein siyasi bedari paida karna tha. Wo 1917 ke All India Muslim League ke salana ijlaas mein shareek hue. In ko 1920 mein all india khilafat khuwateen committee ka secretary muntakhib kiya gaya. Is dauran tehreek e khilafat ke liye Bi Amma aur Begum Maulana Mohammad Ali Jauhar ne 40 lakh rupey ki raqam jamaa ki. Melcom Hilly ne qanoonsaaz assembly mein Maulana Mohammed Ali Jauhar ki fard e jurm ginate hue kaha tha, ke in ke gahr ki aurtein tak chanda jamaa karti aur shorash barpa karti phirti hain. Qaumi mahaz par Hindustani khuwateen ki khidmat ka tazkare mein 29 November 1921 ke young india mein Gandhi Ji ne Amjadi Begum ke liye Aik Bahadur Khawateen ke unwaan se khusosi taur par likha ke Begum Mohammed Ali ke hamrah kaam karte hue mujhe bohat aeham tajurbat hue hain. Guzishta saal unho ne public kamon mein apne shohar ki madad karna shuru kiya. Ibteda samarna fund ke liye chanda karne se hui. Tab se wo hamare taweel aur dushwar tareen bahadur, aasaam aur Bengal ke safar mein bhi shareek rahe. Main pore wasooq se keh sakta honk e in mein taqreer ka malka apne shohar se kisi tarha bhi kam nahi. Madaras mein samadar sahil par zabardast awami jalsa hua. Unho ne oonchi awaz mein taqreer bagher na reh saka ke wo sahi maeyno mein bahadur shohar ki bahadur biwi hain.

Maulana Mohammed Ali Jauhar jab tak jail mein rahe, un ke kaam jail se bahar un ki waldah aur biwi anjaam deti rahi. 1930 mein Begum Mualana Mohammed Ali Jauhar apne shohar ke sath London Round Table conference mein shareek hui. Bad mein jab Quaid e Azam ne aal india muslim league ki tanzeem nau ki to unho ne Quaid e Azam se bharpor tawwun kiya. Unho ne all india muslim league mein shamoliyat ikhteyar ki aur muslim league ki working committee ki rukun bhi muntakhib ho gai. In ki muslim league mein shamoliyat ke bad wo hazaron ka rukun bhi muslim league mein shamil ho gaye, jo Maulana Mohammed Ali Jauhar ke paristar the. 1937 mein all india muslim league ke salan ijlaas munaqida lukhnow ke mauqey par khawateen jalsa Begum Maulana Mohammad Ali Jauhar ki sadarat mein munaqid hua. Muslim league ne apne salana ijlaas December 1938 munaqida Patna mein jab khawateen muslim league qaiym ki aur khawateen ki committee muqarrar ki to us committee ki sadar wahi muntakhib hui. All India muslim league ke tareekhsaaz ijlaas Lahore munaqida March 1940 ke mauqe par all india khawateen muslim league committee ka salana ijlaas 23 March ko Habibiya Hall, Islamia College Lahore mein munaqid hua. Jis mein Hindustan bhar ki mumtaz muslim khawateen ne shirkat kiaur is ijlaas mein in ko khawateen ka rehnuma aur president chuna gaya.

March 1940 mein all india muslim league ke tareekhi ijlaas jis mein qaradad Lahore pesh hui thi. Jo baad mein qarardad e Pakistan ke naam se mausoom hui. Begum Maulan Mohammed Ali Jauhar ne na sirf yeh ke sargarmi se hissa liya. Bal ek wo barresagher ki wahid khatoon rehnuma thin. Jinho ne is mauqe par taqreer karte hue qarardad ki bharpor taiyd ki thi. Tamam muqarrarin mein wo wahid muqarrara thin, jinho ne qarardaad Lahore ko “ Qarardad Pakistan ” kaha tha. 1941 mein all india muslim league ke ijlaas munaqida madaras mein qaradad Lahore ko Qarardad Pakistan he tasleem kar liya gaya tha. 1946 ke aam intekhabat mein Begum Maulana Mohammad Ali Jauhar ne aeham kirdar ada kiya tah aur wo khud bhi UP ke aik halqey se all India muslim league ke ticket par bila muqabla muntakhib hui thin, lekin bad qismati se Pakistan ke qiyam se airf chand maah qabal 28 March 1947 ko Begum Maulana Mohammad Ali Jauhar ka inteqal ho gaya.


Benezir Bhutto Bilquis Edhi Fatima Jinnah
Begum Rana Liaquat Imam Bibi Asma Jahangir

 

 

 

 

@Copy right 2012-2014 www.urdubiography.com