Welcome to Urdubiography
Home >> Pak History >> Dr. Mahmud Hussain  

 

 

Dr. Mahmud Hussain

Dr. Mahmud Hussain was an Educationist par excellence.He was born on 15th July 1907 in district Farrukhabad, Uttar Pradesh. Mahmud Hussain received his early education from Government High School Aligarh, George School Kaimganj and Jama Millia Islamia Delhi. In 1932 Mahmud Hussain received the degree of PhD from University of Heidelberg in Germany. He married with Muhtarma Sultan Jahan Begum in 1933. Mahmud Hussain had six brothers. He performed ministry as a minister of education in 1952. After one year Dr. Mahmud Hussain inducted on the designation of president department and professor of history department. He allocated as a Vice Chancellor of Dhaka University in 1960. In 1971 Mahmud Hussain allocated as a vice chancellor of Karachi University. He got first attack of heart in 1969. Mahmud Hussain died on 12, April 1975 cause of paralyzed and then suddenly attack of heart attack. In this page you can see Doctor Mahmud Hussain Biography In Urdu.

Dr. Mahmud Hussain Biography

Husool e ilm ki khuwahish aur farogh ilm ka jazba… insaan ko kitna azeem bana sakta hai. Is ki aik misaal dr. Mahmud Hussain ka hawala hai. Karachi university ke liye khidmaat se le kar Jama Millia, malir ke qeyam tak… inho ne farogh ilm ki jo anthak aur naqabil e faramosh dastanein raqam ki. In ka aiteraf aaj bhi aqeedat o aihteram se kiya jata hai. Jis tarah baaz log apni tamam zindagi buildings aur property banane mein guzaar dete hain, isi tarah Doctor sahib ne apni zindagi ke aakhri saanson tak farogh ilm ke masaai jari rakhen. In ka mizaaj intehai dheema tha aur wo bohat kam aamez the. Inkesari in ki shakhsiyat ke waqar ko barhati thi, in ki wuzadari dosron ko jhukne par majboor kar deti thi. Sirf in par he kya mauqoof, pora gharana ilm ka khazana tha. Agar bohat he ikhtesar se kaam liya jae to chand satron mein in ka aur in ki khidmat ka zikar kuch yun kiya ja sakta hai.

Mahmud Hussain 15 July 1907 ko UP ke zilla Farrukhabad ke ilaqey Kaimganj mein paida hue. Wo abhi is duniya mein tashreef lae he nahi the ke walid ka inteqal ho gaya aur 4 saal ki umer ko pohanchte he waldah bhi inteqal farma gai thin. Chunache in ki parwarish aur taleem o tarbiyat Chacha, Chachi aur barhe Bhaiyyon ne ki. Ibtedai taleem Government High School Aligarh, George School Kaimganj aur Jama Millia Islamia Delhi mein hasil ki. Matric ke bad Inter aur Graduation bhi isi idarey se kiya. Is ke bad aala taleem ke liye Germany chale gae aur university of Heidelberg se 1932 mein PhD ki degree hasil ki, jis ka mauzoo tha “ Islahaat aaiyn Hind 1919 ”.

1933 mein Dr. Mahmud Hussain ki Muhtarma Sultan Jahan Begum se shadi hui, jo khandan mein Biya ke naam se pukari jati thin. Mahmud Hussain ne bhi tamam umer inhe isi naam se yaad kiya. Mahmud Hussain ke 6 bhai the, in ki koi behan nahi thi aur Mahmud Hussain tamam bhaiyyon mein sab se chote the. In ke aik barhe bhai Dr. Zakir Hussain Hindustan mein mansab sadarat par bhi faiz rahe, jo aik maroof mahir e tale, mufakkir, siyasi rehnuma bhi the. Dr. Mahmud Hussain ke barhe sahabzade Anwar Hussain Kuwait university mein professor rahe aur Pakistan aane ke bad sarkari TV se munsalik ho gae. Jab ke dr. sahib ki aik sahabzadi Saqba Khanum jo General retire Rahimuddin Khan se shadi kar le Saqba Rahim kehlai. Aik maroof Adeeba hain aur khas taur par inho ne bachon ke adab par bohat kaam kiya.

9th April 1971 ko Karachi university ke vice chancellor muqarrar hone wale dr. Mahmud Hussain ke shandar career aur mulk o qaum ke liye in ki khidmat par agar tairana nazar bhi dali jar to har satah par ilm o khidmat ka zamzama behta dikhai deta hai. Aap 1947 mein Pakistan ke aaiynsaaz assembly ke member muntakhib hue. 1949 mein Dhaka se muntaqil ho kar Karachi mein mustaqil sakonat ikhteyar kar li aur Pakistan ki wafaqi kabina mein difaa, amoor kharja aur daulat mushtarka ke naib wazeer muqarrar hue, bad mein wo riyasati aur qabaily amoor ke wazeer mumlikat bhi rahe aura moor Kashmir ki wazarat par bhi faiz rahe.

Taleem ke shobey mein dr. Mahmud Hussain ki khidmaat ka andaza is baat se lagaya ja sakta hai ke 1952 mein inho ne wazeer e taleem ki hesiyat se khidmaat anjaam den, aik saal bad Karachi university ke shoba tareekh ke professor aur saddar shoba ke mansab par faiz hue, 1960 mein inhe Dhaka university ka vice chancellor muqarrar kiya gaya. Tahum 3 saal bad he Karachi university se wabastegi inhe dobara wahin wapis le aai. 60 saal ki umer ho jane ke bad dr. sahib ki khidmaat ke pesh e nazar inhe Karachi university mein mukhtalif manasib par 2 martaba tausee di gai aur 1971 mein inhe Karachi university ka vice chancellor muqarra kar diya. University ke liye gar anqadar khidmaat par in ki markazi library ko dr. Mahmud Hussain se mausoom kiya gaya.

Har chand ke doctor Mahmud Hussain ka aeham hawala qaumi o taleemi khidmat he hain, tahum in ki zindagi mein usoolon ki pabandi, nazam o zabt aur khas qisam ka rakh rakhao bhi qabil taqleed tha aur mazhab se in ki wabistagi ka andaza is baat se bhi lagaya ja sakta hai ke inho ne 3 martaba Hajj Baitullah aur 2 martaba Umrah ki sa’adat hasil ki. Urdu, Persian, German aur English zabano par aboor rakhne wale dr. Mahmud Hussain ke tehreer karda masodaat mein senkaron matbooa o gher matbooa maqaley shamil hain, tahum in ki qabil e zikar matbooa tasnifaat o talifaat mein muaheda imrani ( tarjumah ) The Quest of Empire, fatah almujahideen, The Dreams of Tipu Sultan, Arab Duniya, libraries aur librarian waghera shamil hain. Zindagi ke aakhri dino tak taleemi khidmaat anjaam dene wale dr. Mahmud Hussain dil ke aarzey mein mubtila ho chuke the. Inhe pehla heart attack 1969 mein us waqt parha, jab wo apne barhe bhai aur bharat ke sabiq saddar Doctor Zakir Hussain ke janaze mein shirkat ke liye Delhi gae, phir 5 April 1975 ki sapehar Karachi university mein waqey office mein in par pehle paralyze attack hua aur phir heart attack hua. 12 April 1975 bamutabiq 27 Rabi Ul Awwal 1395, ko bawaqt nisf shab duniya e ilm o adab ki yeh azeem shakhsiyat is duniya se rukhsat hui. Dr. Mahmud Hussain ki namaz e janaza Maulana Ehtesham ul Haq Thanwi ne parhai thi.


Benezir Bhutto Bilquis Edhi Fatima Jinnah
Begum Rana Liaquat Imam Bibi Asma Jahangir

 

 

 

 

@Copy right 2012-2014 www.urdubiography.com