Welcome to Urdubiography
Pak History >Mountains of Pakistan

 

 

Mountains of Pakistan

Nature gave the very beautiful, huge and high mountains and peaks of our Country, who computation the very huge mountains of the Whole World. It has a very beautiful view of our Country. It raises the beauty of our Country. One hundred and one peaks above 7000 meter in Pakistan. From 2003, we are celebrating the International day of Mountains in 11 December. The expedient of this year is “ Mountains,,, is a Key way of better Future… ” Koh e Himalaya, it means of the house of Ice. Koh e Himalaya is a highest mountain of the World. It has many ice peaks above 4600 meters. The western part of Koh e Himalaya is located in Pakistan. Koh e Karakorum situated in between the borders of Pakistan, China and India. Koh e Karakorum is known as a K2. It is a highest mountain of Pakistan and the second highest peak of the whole World. In this page, you can see the information about the Mountains of Pakistan (Pakistan Pahar) In Urdu.

Mountains of Pakistan In Urdu (Pakistan Pahar)

Ashfaq Ahmed Zawiya ( Doam ) mien raqam taraz hain. Insaan ki khidmat ke liye sare mountain, barhi barhi pagrhiyan bandhe har roz subha uth kar sooraj ki khushaamad karte hain ke ALLAH PAK ke wastey 2, 3 kirnein hamari taraf phenko. Humen insaan ko pani bhejna hai. Sooraj bohat pareshan hai, wo kehta hai ke meri sari kirnein le lo. Lekin ae paharho !!! insaan ko kisi na kisi soorat pani pohanchna chahiye. Paharh zindagi ke liye na gurez hain. Hum chahe satah samander par rehte ho ya bulandi par, paharhon se jurhe hain aur in se kae tariqon se mutassir hote hain. Yeh paharh he hain jo duniya mien meethe peen eke pani ka ziyada tar hissa farahum karte hain. Janwaron aur paudon ki wasee anwaa ko maskan muhayya karte hain. Duniya mien osatan 10 mien se aik insaan ka ghar kisi na kisi paharh par hai. Din ba din hone wali mahauliyati tanzili, mausam ki tabdeeli, dhamaka khez kaan kani, hathiyaron ke barhte hue istemal aur ghurbat ki wajah se mountains par maujood hayat ko khatraat lahaq ho gaey hain. Zindagi ke liye paharhon ki aehmiyat, un ki taraqqi o tahaffuz ke mawaqey ujagar karne aur duniya bhar ke paharhon par masbat tabdeeli lane ke liye 2003 se aqwam e muttehda ke zer e aehtemam har saal 11 December ko “ Mountains ka aalmi din ” manaya jata hai. Is din ke hawale se har saal aqwam e muttehda aik mauzoo deti hai, is saal ka mauzoo “ Paharh…….Aik behtar Mustaqbil ki Kunji ” hai.

Qudrat ne hamare mulk ko khobsurat, wasee, oonche oonche pahari silsilon aur chotiyon se nawaza hai. Jin ka shumar duniya ke buland tareen paharhon mien kiya jata hai. Yeh dilkash paharh, kahin jangalat to kahin baraf se dhake hain aur kahin neele aasmaan ko chote, khushgawar aru qabil e deed manazir pesh karte hain. Yehi wajah hai ke in ko sir karne aur dekhne ke liye hazaron sayyah aur koh peyma Pakistan aate hain. Aaye paharhon ke aalmi din ke mauqey par watan e azeez ke chand buland o bala, khobsurat paharhon par chalte hain.

7000 meter se buland 101 chotiyan aur duniya ki 30 buland tareen chotiyon mien se 13 Pakistan mien hain. 11 wasee pahari silsile, juzwi ya kuli taur par Pakistan mien waqey hain,jin mien silsila Karakorum, silsila Hindukash, silsila Koh pamer, silsila hindu raj, silsila koh e suleman, silsila koh e safaid, silsila koh e namak, silsila toba kakar, silsila makran, silsila kerther shamil hain.

Koh E Himalaya

Sanskirat lafz Himalaya ke maeyne “ Baraf ka Ghar ” hai. Azeem silsila e Himalaya ka maghrabi hissa Pakistan mien hai. Yeh sisila continental Hind ko Tibbati satah martafa se alag karta hai. Yahan satah samander se 4600 meter buland kae barfili chotiyan sayyahon ko dam bakhud karne ke liye maujood hain. Pakistan ki dosri aur duniya ki 9 buland tareen choti “ Nanga Parbat ” silsila Himalaya ka hissa hai. Jis ka matlab Urdu mien Nanga Paharh hai. Is ki wajah yeh hai ke paharh ke saamne ke rukh par aik aisa maqam hai. Jahan baraf nahi tikti aur paharh saaf dikhai deta hai. Ise qatil paharh bhi kaha jata hai, kyun ke 20 century mien kisi bhi paharh ko sir karne ke koshish mien marne walon ka sab se ziyada tanasub isi paharh par raha. Ise maqami taur par Shetan ka paharh bhi kehte hain. Ise aik Austrian Herman Behal ne sab se pehle 3 july 1953 ko sir kiya. Fairy medo ya Pariyon ka meydan nanga parbat ko dekhne ki sab se khobsurat jagah hai. Himalaya silsila ka aik aur khobsurat paharh Makra choti hai. 3586 meter buland Makra choti Kaghan mien waqey hai. Halan key eh koh e pemai ke liye aik aasan choti hai, lekin tofano ke baiys koh e pemare bhi jate hain. Is ki choti se koh e Himalaya ka aik intehai khobsurat nazara dekhne ko milta hai. Is paharhi se river Kanhar ko pani milta hai. Is ke ilawa Pir Panjal Koh e Himalaya ka aik paharhi silsila hai, jo Jammu Kashmir aur Bharat ki riyasat Hamachal Pradesh se guzarta hai. Gul Mar gaur Pehal Gaam ke famous tafreehi maqamaat isi paharhi silsile meinwaqey hain. Pir Panjal ke paharhon mien waqey 10200 ft buland “ Ganga Choti ” Baagh, Azaad Kashmir mien aik khobsurat paharh hai, jo sayyahon ke liye bepanah kashish rakhta hai.

Koh E Karakoram

Pakistan, China, India ke borders ke darmiyan waqey is mountain mien 7000 meter buland 60 chotiyan hain. Aam taur par is ko Himalaya ka hissa samjha jata hai lekin yeh is se alaghai. Duniya ke gher qatbi hisse mien yahan se ziyada glacier paaey jate hain. 70 kilometer par phela Siachin Glacier aur 63 kilometer par Biafo Glacier qatbi region se bahar duniya ka bil tarteeb dosra aur teesra taweel glacier hai. Silsila Karakoram Tectonic Plato ki study mien scientist ke liye khusosi aehmiyat ka hamil hai. K2 ka naam to aap ne suna he ho ga. Pakistan ki buland tareen aur duniya ki dosri buland tareen choti silsila Karakorum mien hai. Duniya ki is khatarnaak tareen choti par charhna intehai dushwar hai. Kae log ise sir karne ki koshish mien apni jaan gawa chuke hain. Kharab mausam aur dushwar raaston ki wajah se ise khonkhuwar paharh bhi kehte hain. K2 ki bulandi par pohanchne ke liye chand he dushwar tareen raaste hain. Bohat ziyada bulandi ki wajah se oxygen ki kami ho jati hai. Jo oper charhne walon ki mushkilaat mien izafa kar deti hai. Bohat kharab aur kisi bhi waqt tabdeel hone wala mausam, toofan, sardi, amoodi, dhalanein, hauslon ko past karne ke liye yahan maujood hain. Ise 2 Italian Koh pemao Lucidly aur Companony ne 31 July 1954 ko sir kiya. Ise mount gadon Austin aur shahgori bhi kehte hain.

Is ka naam K2 Karakoram 2 rakha gaya, kyun ke silsila koh e Karakoram mien yeh choti dose no.par thi. K2 par charhne ki pehli mohim 1902 mien nakami par khatam hui. Is ke bad 1909, 1934, 1938, 1939 aur 1953 wali koshishen bhi nakaam hui. 31 July 1954 ki Italian mohim bil aakhir kamiyab hui. 23 saal bad August 1977 mien aik Japanese koh paima Achiro Yushezawa is par charhne mien kamiyab hue. Is ke saath Ashraf Amaan pehle Pakistani the jo is par charhe. 1978 mien aik American team is par charhne mien kamiyab hui. K2 ko Mount Everest ke muqabley mien ziyada mushkil aur khatarnak samjha jata hai. K2 par 246, jab ke Mount Everest par 2238 afraad charh chuke hain. Isi silsile mien 7500 meter buland phisso pek, 7611 meter buland Shaspair pek, 7795 meter buland Batora pek hain. Batora glacier gher qatbi region mien duniya ka panchwa barha glacier hai. 7788 meter buland Rakaposhi isi silsile mien shamil hai. Yeh maqami aabadi mien Domni yani Dhund ki Maa ke naam se bhi mashoor hai. Yeh duniya ki ki 27 aur Pakistan ki 12 buland tareen choti hai aur Hunza ke qareeb Karakoram highway se saaf dikhai deti hai. Ise sab se pehle 1958 mien 2 Britain koh paima Mike Bancs aur Tom Petty ne sir kiya. Gashar Baram I, Gashar Baram II, Gashar Baram III, naami glacier bhi silsila Karakorum ka hissa hai. Gashar Baram I, Pakistan ki teesri aur duniya ki 11 buland tareen choti hai. Darasal yeh balti zaban ke 2 alfaaz Raghasha ( Khobsurat ) aur Baram ( Paharh ) ka majmooa hai, yani khobsurat paharh.


Quaid-e-Azam Liaquat Ali Khan Fatima Jinnah
Zulfiqar Ali Bhutto Major Aziz Bhatti Shaheed Abdul Sattar Edhi

 

 

 

 

 

@Copy right 2012-2014 www.urdubiography.com