Welcome to Urdubiography
Home >> Pak History >>  

 

 

 

 

Nasira Javed Iqbal

Nasira Javed Iqbal Photo


Nasira Javed Iqbal was born on 21st November 1940 in Lahore. She is a justice retired Doctor. Dr. Nasira Javed Iqbal is a successful woman. Nasira Iqbal is the daughter in law of the great poet Dr. Allama Iqbal. She started his education from the Queen Mary College in 1946 and same college she passed the matric examination in 1956 and received the scholarship on merit. Dr. Nasira Iqbal passed the intermediate exams from Kinnaird College in 1958 and received the national talent scholar medal, and received first position in graduation in Arts and received the scholarship for University in 1960. In 1983 she passed the masters in Law from Punjab University. After that she went to London and same subject Dr. Nasira Javed Iqbal received the degree of post graduation from Harvard Law School in 1986. Nasira Iqbal married with justice Jawed Iqbal after her graduation in 1964. She has two sons named Waleed Jawed Iqbal and Muneeb Jawed Iqbal. Nasira Javed Iqbal received many successful awards. In 2009 she selected for the president of Lahore high court bar. In this page you can see the information about Doctor Nasira Javed Iqbal Biography In Urdu.

Nasira Javed Iqbal Biography


Duniya mein ziada tar taadad aise logon ki hoti hai jo ke gumnami ke andheron mein janam lete hain aur phir be naam o nishaan he is duniya se chale jate hain. Jab ke dosri taraf kuch log aise hote hain, jo kisi maqsad aur mission ke liye apni pori zindagi waqf kar dete hain aur apna naam sunehre alfaaz mein likhwa kar logon ke dilon par naqsh chor jate hain, aur jab tak zinda rehte hain logon ke dilon par raaj karte hain. In he mein se aik justice retired Doctor Nasira Iqbal.


Justice retired doctor Nasira Iqbal 21 November 1940 ko Lahore mein paida hui. Wo 3 behan bhaiyon mein teesre number par hain. Doctor sahiba ka khandan aik maroof ishat o tijarti idarey ka maalik hone ki wajah se khate peete gharano mein shumaar hota tha. Doctor Nasira Iqbal ne apni taleemi sargarmiyon ka aaghaz 1946 mein Queen Mary College se kiya. 1956 mein isi college se Matric imtiyazi numbers se kamiyab kiya. Inho ne 1958 mein Kinnaird college se intermediate aur 1960 mein first class first position hasil karte hue arts mein graduation kiya. 1983 mein doctor Nasira Iqbal Punjab university se law mein masters karne ke bad London chali gai aur 1986 mein Harvard Law school se law mein post graduation kiya. 1994 mein apne watan aa kar inho ne Punjab university se qanoon malkiyat huqooq Danish mein khusosi diploma kiya.


Doctor Nasira Iqbal ne zindagi ke har morh par khud ko behtareen sabit kiya. In ki zindagi ka behtareen lamha kaun sat ha ??? Is barey mein wo kehti hain ke in ki zindagi ka sab se yaadgar lamha wo tha ke jab wo Harvard university se LLM ki degree wasool kar rahi thin. Doctor sahiba ki shadi graduation ke bad shair e mashriq Allama Iqbal ke farzand Justice Jawed Iqbal ke hamrah 1964 mein anjaam paai. Shair e mashriq ki bahu banne ke bad bhi inho ne apni taleem ka maidaan na chora aur shadi ke bad bhi aala taleem hasil karti rahi.


Doctor Nasira Iqbal ke 2 bete Waleed Jawed Iqbal aur Muneeb Jawed Iqbal hain. Doctor sahiba apne waldain ki zindagi ko apne liye mashall raah samajhti hain. In ka pasandida mulk Turkey hai. Tahum wo Europe, America wa deegar mumalik ka safar bhi kar chuki hain. Doctor Nasira Iqbal ka pasandeeda pehnawa yani libaas, shalwar qameez aur dupatta hai. Wo duniya ke kisi bhi khitte mein hon, inhe apne watam ki saqafat aur yahan ka libaas nahi bholta. Wo azaad khayal aur taraqqi pasand hone ke bawajood mazhab se gehri qurbat rakhti hain. Inhe angrezi aur French zabano par aboor hasil hai.


Doctor sahiba ko mauseeqi se bhi lagao hai. Jab bhi waqt milta hai wo Madam Noor Jahan, Malka Pukhraj aur Nusrat Fateh Ali Khan ke songs sunti hain. In ka kehna hai ke khane peene ke muaamle mein inhe koi khaas maharat hasil nahi hai. Inho ne school o college ke zamane mein badminton aur table tennis khoob khela hai. Lekin ab in ke mutabiq in khelon ko khelne ka dil nahi karta. Doctor Nasira Iqbal ke doston ka halqa wasee nahi hai. Inhe siyahat ka shauq hai aur nagar nagar ghoomna acha lagta hai.


Doctor Nasira Iqbal ne zindagi mein bohat si kamiyabiyan hasil ki hain. Inhe zindagi ke har morh par inamaat o aezazaat se nawaza jata raha hai. Matric ka imtehan imtiyazi positon mein hasil karne par merit par scholarship di gai. Inter ka imtehan paas karne par inhe national talent scholar medal se nawaza gaya. Is ke ilawa BA ke imtehan mein pehli position hasil karne par inhe university scholarship mili. Is ke ilawa peshawarana zindagi ke dauran doctor Nasira Javed Iqbal ko mutaddid aezazaat mil chuke hain. 2009 mein inhe Lahore high court bar ki sadarat ke liye muntakhib kiya gaya. Doctor sahiba duniya ke mukhtalif mumalik bashamool Bharat, Norway, Dubai, America, Canada, China, Kuwait, Australia, Iran, Uman, Misar aur Bosnia mein mukhtalif conferences, seminars aur workshops mein shirkat kar chuki hain. Gharz yeh ke doctor Nasira Javed Iqbal ne apni salahiyaton ki bunyad par wo karhaae numayan anjaam diye hain, jis ne inhe khaas logon ki fohresat mein shamil kar diya hai.


Benezir Bhutto Bilquis Edhi Fatima Jinnah
Begum Rana Liaquat Imam Bibi Asma Jahangir

 

 

 

@Copy right 2012-2015 www.urdubiography.com