Welcome to Urdubiography
Home >> Pak History >>Women Day  

 

 

 

 

Women Day

8th March the international day for women. There are lots of story behind celebrating the women day. This day remember us the struggle of women for their rights and 8 March is celebrated as the symbol of unity and struggle of women. From 1908 to 1960, women day was celebrated in the world on different dates. From 1975 to 1995 four international conferences was held in Mexico, Nairobi, Copan Hagan and Beijing. The basic concepts of these conferences were highlighting the problems of women and find their solution. Now a day women are reaching at all the professions they are doctors, pilots, writers, actor, directors, chefs, scientists, politicians and many more. In this page, you will read Women Day , Khawateen (Aurat Ka Almi Din ), Women Day History In Urdu.

Women Day History In Urdu

Khawateen (Aurat) Ka Almi Din

Islam den e fitrat hai jis mein ese zawabit paye jate hain jo insani mizaj aur zaroriyat ke aan mutabiq hain. Islam aurat (woman) ki izat aur toqeer ka dars deta hai. Aurat women) ki izat o waqar ka tahafuz is hawale se bhi aham hai ke aik aurat (woman) ki betoqiri bayak waqat kai hawalon se masher ke dosre afrad ko baraherast mutasir karti hai. Aik aurat (woman) bayak waqat kisi ki beti, kisi ki behan, kisi ki maa aur kisi ki bewi hoti hai. Is tarah aik fard ke kai khandan baraherast mutasir hote hain. Isi fitri zarorat ke pesh e nazar Islam aurat (woman) ki izat o ahteram ki taked karta hai. Kyun ke ye Hawa ki beti ka mamla hai, imtiaz ka nahi, niswani nazakat aur hifz e maratib pesh e nazar hai kuch aur nahi. Har musalman ko is baat par kamil iman rakhna chaheye ke islam insani hoqoq ka alam badar aur mashi aur samaji masawat ka dai hai. Islam masher ke tamam afrad ke hoqoq ki zamanat deta hai aur kisi fard ya giroh ya jins ki bunyad par imtiaz Islam ki roh ke khilaf hai. 8 March duniya bhar mein auraton (women) ke leye itehad, yak jehti aur jehd e musalsal ki alamat hai. Ye din khawateen ke hoqoq ki jid o jehad ki yad delata hai.

8 March kyun manaya jata hai? Darasal almi yom e khawateen ke paas e manzar se mutaliq bataya jata hai ke America ke shehar New York mein khawateen (women) ne apni takhuwa ke masail par ahtejaj kiya, jise ghur sawar daston ke zarye sakhti se kuchal deya gaya. Phir 1908 mein America ki socialist party ne khawateen (women) ke masail hal karne ke leye Women National Commission banaya, jis ne khawateen (women) ke almi din ke leye sifarishat mauratab kein, ta ke auraton (women) ke haq e ray dahi ke leye aik munazam muhim ka aghaz kiya jaye. Us waqat America mein socialist kafi mtadad mein mujod the. Social democratic woman society ne 8 March 1908 ko New York mein auraton ke hoqoq ke leye aik ijlas munaqed kiya, jis ke nateje mein American socialist community ne 1909 mein February ke akhiri hafte mein khawateen ka alami din manane ka elan kar deya. Socialist khawateen ne 1909 aur 1910 mein khawateen ke aki ijlas munaqid kiye aur women national commission ne 1910 mein socialist national congress ko sifarish pesh ki ke February ke akhiri itwar (Sunday) ko khawateen (women) ka almi din qarar deya jaye. Phir August 1910 mein Copan Hagan mein socialist conference munaqid ki gayi jis mein tajwiz de gayi ke is din ko almi satah par bhi auraton ka din qarar diya jaye.

Conference ke doran ye tajwiz manzor kar li gai aur is tarah khawateen ka almi din wajod mein agaya. Lekin abhi khawateen ke din ki tarikh te karne ka marhala baqi tha. Is ke bais 1910 se 1917 tak duniya ke mukhtalif mumalik mein “Yom e khawateen” mukhtalif tarikhon mein manaya jata raha, jab ke America mein ye din February ke kakhiri hafte mein hi manaya jata raha.

1917 mein Russia ki khawateen ne apne hoqoq manwane ke leye gharon aur factoryon se sarkon par akar aik pur josh muzahira kiya. Ye waqeya 8 March ko (Gregorian calendar ke mutabiq 23 February ko) pesh aaya. Is muzahere mein khawateen ne mehgayi, khurak ki qilat aur almi jung ke bais paida hone wale masail par bhi shaded ahtejaj kiya. Is tarikhi waqeye ne khawateen ki duniya badal di. Is muzahire ke bad peter grad mein hartaal hoi aur khawateen (women) ka ye ahtejaj is had tak phel gaya ke aik hafte ke andar Zar Nicolas dom medan chor kar bhagne par majbor ho gaya. Almi satah par rosi khawateen ki is jurat ko saraha gaya aur Russia mein 8 March ko khawateen ka din qarar de diya gaya. 1921 mein Bulgaria ke communitist international women sectariat mein sharik khawateen ne qarardad manzor ki ke almi satah par 8 March ke din ko khawateen (women) ka almi din qarar deya jaye. 51 baras tak almi yom e khawateen apne is paas e manzar ke bais socialist day ke tor par manaya jata raha.

1960 ki dehai ke akhir mein khawateen ki tehrikon mein aik naya ubhar aaya to 8 March ko almi yom e khawateen ke tor par manane ka mutalba aik pur zor tehrik ki shakal mein samne aaya aur socialist mumalik ke sath un mimalik mein bhi 8 March ko khawateen ke din ke tor par manaya jane lag ajahan ye din dosri tarikon ko manaya jata tha. Shuru mein socialist paas e manzar ke bais America ki taraf se is tajwiz ki mukhalfat ki jati rahi, tahum 1981 mein wahan bhi 8 March ko khawateen ka din tasleem kar leya gaya. 1975 se 1995 tak khawateen ki char (4) almi conferences munaqid hoein, jin ka maqsad duniya bhar ki khawateen ki numaindagan ko aik plate form par akhatta kar ke un ke masail ki nishan dahi karna tha. In conferences mein khawateen ke infaradi masailse le kar almi satah tak ke masail par tafsil se giftogo ki gai, aur sifarishat par mushtamil elamiye bhi jari keye gaye. Ye conferences Mexico, Nairobi, Copan Hagan aur Beijing mein munaqid ki gaein aur in mein duniya bhar ki khawateen ne shirkat ki.

Sadyon porani riwayat itni bazbot hoti hain ke unhein koi riyasati qanon badal nahi sakta. Humare mulk ki aurat hudod o qawanin ke mamle mien imtiazi soloq samet degar mamlat mein insaf ki talib hai. Humare masher ki aurat wani, Quran se shadi, zabardasti shadi, gherat ke naam par qatal, teen bayak waqat talakon aur wirasat se mehromi jese ghambeer masail ka shikar hai. Zarirat is amar ki hai ke in tamam qawanin par nazar e sani ki jaye jo auraton ke hoqoq ke tahafuz ki zamanat nahi dete, is ke elawa naye qawanin waza karne ki ashad zarorat hai ta ke Hawwa ki beti apni hurman nasibi ka rona na ro sake. Hawwa ki beti azal se zulm aur nainsafi ki chaki mein pisti hali arahi hai. Duniya mien aurat jahan nazakat ki alamat hai, wahan mazlomiyat ka istaarah bhi hai. Wafa ka pekar to hai magar mehromi ka mazhar bhi hai. Fitrat ka sacha aks hai lekin samaj ki bereham zanjeron mein jakri hoi bhi hia, aala martabe ki haq dar hai magar paon ki joti samjhi jati hai, sarapa rehm o karam hone ki bona par boriyat ka roop hai magar zamana is se larzan bhi hai, sadyon se zulm o sitam ka takhta e mashak hai lekin sabar ka pahar bhi hai. Watan e aziz mein aurat se rawa rakhe jane wale ghair munsifana aur imtiazi sulok ka rawaya qabill e muzamat hai.

Ghar janib dari se dekha jaye to mazi mein Pakistan mein insani hoqoq ki sorat e haal qabill e tariff nahi rahi, insani hoqoq ki pamali ki sorat mein auratein ziyadah mutasir hoein. Mulk mein khawateen ko beshumar mashi aur samaji masail ka samna hia. Lekin jis kaam ko hangami bunyadon par karne ki zarorat thi wo 1979 mein nafiz keye jane wale hodod o qawanin par nazar e sani bhi thi. Hodod o qawanin ke nafaz ke silsile mein baz qanoni peshediyon ki wajah se begunah khawateeen jailon mein band thein. Adalat mein jurm sabit hone se phele unhen mushkilat ke chungal se guzarna parta jahan un ki asmat ki chadar barha tar tar hoti. Zana biljabar ke case mein aurat ko zaniya qarar diya jata aur jail ki salakhon ke peche behj deya jata. Lehaza hodod o qawanin mein pai jane wali khamiyon ko dor karna bohat zarori tha. Khawateen ki hoqoq ki pamali ko rokne ke leye aik bill jise “hoqoq e niswan 2006 ka naam deya gaya, quomi assembly ne 15 November 2006 ko manzor kar leya. Ye bill aain ka hissa ban chukka hai. Phele nafiz shuda hodod ordinance mein pai jane wali khamiyon ki nishandahi gahe bagahe mukhtalif halkon ki taraf se hoti rahi hai.

1979 ke hodod o qawanin mei naguzir taramim ke leye Islami nazariyati council, jaed ulma aur mazhabi scholars ne rehnumai ki jis ki badotal tahafuz e hoqoq e niswan ka tarikhi bill pass howa. Ye naya musawida e qanon mustaqbil mein Pakistan mein aurat ke muqam aur hoqoq ke taiyon mein bunyadi ahmiyat ka hamil hia. Kyun ke humare masher mein mardon ki bala dasti qaim hai. Is ke elawa jagirdarana culture aur aurat ki kamzor mashrati hesiyat ki wajah se hodod o qawanin ko bator hatyar istemal kiya ja raha tha. Zana bijabr ka nishana banne wali aurat ki ye zimedari thi ke wo zana biljabr ko sabit karne ke leye char (4) mard gawah pesh kare warna use zana bilraza ki mujrim qarar de kar jail behj deya jata jis ke bad masaib ka na khatam hone wala aik silsila shuru ho jata.

Duniya ke har mullk mein aain ki bunyadi amarat insani hoqoq par khari hoti hai. In mein sheriyon ko khush haali, azadi, masawat, izzat e nafas jise bunyadi hoqoq shamil hain. Riyasat is dastawez ke zarye is baat ko tasleem karti hai ye wo har qemat par sheriyon ko ye hoqoq faraham kare gi aur in hoqoq par amal dar aamad ko yaqeni banane ke leye har mumkin iqdamat kare gi. auraton ke hoqoq ki jab baat aati hai to 8 March ka din is hawale se khasi ahmiyat ikhteyar kar jata hai ke har saal is din pori duniya mein is haqeqat ko tasleem kiya jata hai ye auraton ke hoqoq bhi insani hoqoq hain aur ye ke mashi aur mashrati taraqi sanfi masawat ke baghair mumkin nahi.

8 March ko agar auraton (women) ko un ke hoqoq dene ki baat hoti hai to har satah par is azam ka izhar bhi zarori hai ke bahesiyat insan aurat (woman) ko izat aur masawi hesiyat dena ho gi,uart ke khilaf hone wali istehsaal aur har shakal ke tashdud ko jar se ukharna ho ga.kyun ke khawateen par hone wala tashdud khawateen ki taraqi mein rukawat ka bais banta hai. Shehar ki aurat zehani tashdud ka shikar hai to dehat ki aurat jismani tashadud ka. Aurat par har kisi ka tashadud khatam karne ke leye sirf qawanin bana dena hi kafi nahi, balke unhen behtar banana aur un par baqaidah amal dar aamad ko yaqini bana bhi zarori hai. 8 March ka din mehaz taqarir karne ka din nahi balke ye din duniya bhar mein auraton ke hoqoq ki bahali ka din hai.s agar hum chahate hain ke humari khawateen ke halat behtar hon to is ke leye mardon ko bhi apna musar kirdar ada karna pare ga aur unhen apni sochon mein tabdeli lani ho gi ke tamam tar pabandiyon ka nishana sirf aurat hi ko na banaya jaye aur unhen mazhabi tor par jo hoqoq hasil hain, kam iz kam wo to unhen deye jaein. Aham baat ye bhi hai ke apne hoqoq ke hosol aur tahafuz ke leye mardon ki taraf dekhne ke bajaye khawateen ko khud bhi aik dosre ke hoqoq ka tahafuz karna ho ga.

Benezir Bhutto Bilquis Edhi Fatima Jinnah
Begum Rana Liaquat Imam Bibi Asma Jahangir

 

 

 

@Copy right 2012-2014 www.urdubiography.com