Welcome to Urdubiography
Home >> Poets >> Hameed Nizami  

 

 

Hameed Nizami

Hameed Nizami was born on 3 October 1915. He was the founder of Nawa e waqat newspaper and one of the pillars of Pakistani Journalism. In 1937, Hameed Nizami made the Punjab Muslim Students Federation and elected as the president of the federation. With his newspaper, he fought against all the wrong policies of Governments and for that he face lots of problems even the deceleration of the Nawa e waqat has been canceled in 1951. Hameed Nizami was died on 22 February 1962 from heart attack. In 1987, the Punjab Government has awarded Hameed Nizami gold meddle. In this page, you will read Hameed Nizami Journalist, Biography ,Hameed Nizami Pakistan Movement, In Urdu and Roman Hindi.

Hameed Nizami Biography

Hameed Nizami Photo
Nawa e waqat ke bani, tehreek e Pakistan ke sargaram karkun aur Pakistani sahafat ka sang e bunyad rakhne wale Hameed Nizami 3 October 1915 ke roz Sanghla Hill Zila Sheikhopura mein paida howae. Yahein se matric kiya, mazeed taleem ke leye Lahore aye aur phir yahi ke ho kar reh gaye. Islamiya College railway rode se B.A karne ke bad aap ne Punjab University se M.A English ki degree hasil ki. Doran e taleem un ka sab se bara karnama Punjab ke Muslim talba ki tanzeem hai.

Hameed Nizami ne Allama Iqbal ke mashware pr apne ahbab ke sath mil kar 1937 mein “Punjab Muslim Student Federation” ki bunyad rakhi aur is ke saddar muntakhib howae. 1942 mein dosri bar federation ke saddar muntakhib howae. Likhne likhane se Hameed Nizami ko shuru se hi dilchaspi thi. Matric ke baad hi Hameed Nizami ne urdu nazmein aur afsane likhne ka aghaz kar diya tha. Aap ki yehi salahiyat 1937 mein aap ko Islamia College ke magazine “crescent” ka naib mudeer banwane mein

madadgar sabit hoi. Ye fariza aap ne 1938 tak nibhaya. Jab qarardad e Pakistan manzoor hoi to un dinon Hameed Nizami ke halke phulke mazamin adbi jaraid “Humayon” “adbi duniya” aur “sheraza mein shaya ho rahe the.” Un ke likhe howae afsane aur qalmi khake adbi halkon mein aik khas shuhrat rakhte the lekin un ki manzil afsana aue khaka nigari na thi. Siyasat ke sath sath aap sahafat mein bhi dilchaspi rakhte the aur tehrik e Pakistan ke doran aap ne mehsos kiya ke Punjab Muslim League aur tehreek e Pakistan ko Taqwiyat phochane ke liye aik musar akhbar hona chaheye chunacha unhon ne March 1940 mein 15 roza Nawa e waqat jari kiya jo bad mein roz name ki sorat ikhteyar kar gaya. Nawa e waqt aur tehrik e Pakistan lazim o malzom ban gaye.

Hameed Nizami ke almana adariyon ne musalmanan e hind ko sahi fikri simt di. 1946 ke aam intekhabat mein Muslim Leaguei umeedwaron ke haq mein, aur bad izan Khirzar Hayat wazarat ke khilaf ihetejaji tehreek mein Hameed Nizami Marhom ne qayadat ka haq ada kiya. Purane waqton mein jab hukumat kisi khbar ki zamanat zabt karti to mali nusan awam ke chande se pora kiya jata, lekin 1947 mein Nawa e waqat ki dobara zamanat zabt hone par bhi Hameed Nizami ne chande ka kashkol uthana quomi gherat ke munafi tasawor kiya aur apne mali wasail se zar e zamanat dakhil karaya.

Qayam e Pakistan ke baad har hukumat ki ghalat policyon ko hadaf e tanqeed banate rehna un ke akhbar ki policy aur un ki zindagi ka maqsad thera aur wo intehai jurat aur bebaki se azadi e sahafat aur jamhuriyat ki jung larte rahe. Un ki haq goi o bebaki ki padash mein Nawa e waqat ko kai bar bandishon ka samna karna para magar un ke paye istaqlal mein larzish na ai.

25 January 1949 ko jab Punjab assembly tor kar Governor raj nafiz kiya gaya to Hameed Nizami ne mulk ke mafad mein General Gracey ko Pakistan ke Commander In chief ke uhde se subogdosh karne ka mutalba kar deya. Hukumat un se naraz ho gai aur 11 April 1951 ko Nawa e waqat ko allot shudah press zabt kar leya gaya aur Punjab ke tamam chape khanon ko Nawa e waqat shaya na karne ki hidayat kar di gai. Is doran press qawanin mein tarmim kar ke Nawa e waqat ka deceleration mansokh kar diya gaya. Hameed Nizami ne ghabhara kar hawasbakhta hone ke bajaye aik naye roznama “jihad” ka aghaz kar deya jo Nawa e waqat ki tarah logon mein bohat maqbol howa. Hukumat ne jhunjhala kar is akhbar ka deceleration bhi mansokh kar diya. Bila akhir Hameed Nizami ki koshishein rang laein aur June 1952 mein Nawa e waqat ka deceleration bahal ho gaya. Aap ne Ayoub Khan ke mashal law ke khilaf bhi sada e haq buland ki. 22 February 1962 ko dil ka dora parne se aap ki wafat hoi. 1987 mein pas az marg hukumat e Punjab ne aap ki khidmat ke etiraf mein aap ko “tehreek e Pakistan gold meddle” se nawaza.

Ibne-Safi Allama Iqbal Ahmed Nadeem Qasmi
Habib Jalib Mirza Ghalib Parveen Shakir

 

 

 

 

@Copy right 2012-2014 www.urdubiography.com