Welcome to Urdubiography

 

 

 

Allama Raghib Ahsan

Allama Raghib Ahsan was born on 1905 in very poor family. His Father Riyaz Uddin Ahmed worked as a labor in Post Department in Calcutta. Allama studied at his district and he started his political life from opposition committee and then this purpose he went to jail. After the redemption from jail, he received MA degree and worked as a professional journalism. After the death of Maulana Mohammed Ali Jauhar,Allama Raghib Ahsan known as Mohammed Ali Sani in Hindustan. He received a Gold Medal of the Actuation of Pakistan from the Government of Punjab in 1990. Allama Raghib Ahsan died on 28 November 1975 in Karachi.

Allama Raghib Ahsan In Urdu

Allama Raghib Ahsan Aalim, sahafi aur tehreek e Pakistan ke rehnuma the. Allama Raghib Ahsan ne apni pori zindagi musalmano ki falah o behbood aur unhe aqwaam e aalam mein sahi maqam dilane ke liye waqf ki. Allama Rsghib Ahsan ka aabai watan zilaa Giya ( Bahar ) tha. Allama Raghib Ahsan aik ghareeb gharane mein 1905 mein peyda hue. Aap ke walid Riyaz Uddin Ahmed Calcutta mein mehakma e daak mein mulazim the. Allama ne wahin taleem paai aur apni siyasi zindagi ka aaghaz khilafat committee mein shamoliyat se kiya aur isi silsile mein jail bhi gaey. Alipur Jail mein in ki mulaqat Calcutta corporation ke us waqt ke Meyar Mohammed Usman se hui. In dono ne aehad kiya ke wo aala taleem hasil karenge aur angrez ki mulazmat ke bajae us ke khilaf jahad karenge. Bad azaa inho ne jail se rihaai ke bad M.A. kiya aur is ke bad sahafat ka pesha ikhteyar kar ke “ Star of India ” ke adarti amley mein shamil ho gaey.

Maulana Mohammed Ali Jauhar ki sohbat ne Allama Raghib Ahsan mein aisa zor qalam peyda kiya ke un ke inteqal ke bad Hindustan mein aap ko Muhammed Ali Sani kaha jane laga. Aap Maulana Mohammed Ali Jauhar ke news paper “ Comrade ” ke aezazi mudeer bhi the. Aap ne kabhi makhloot intekhab ko qabool nahi aur hamesha judagana intekhab ke hami rahe. Allama Raghib Ahsan ne 1931 mein “ all india youth league ” ki bunyad rakhi aur usi dauran “ Meesaq fikar Islamiat o istaqlaal millat ” ke naam se aik fikar angez o dastawez musalmano ke huqooq ke liye murattab ki. 1933 mein Allama Iqbal ne apne aik khat mein Allama Raghib Ahsan ke mutalliq likha ke “ Maulana Raghib Ahsan ki qabliyat o salahiyat ki tasdeeq karte hue mujhe be had musarrat hui hai. Yeh un ginti ke chand qabil tareen aur intehai honehaar naujawano mein se hain, jin se mujhe milne ka mauqa mila hai. Mujhe kamil yaqeen hai ke wo Islam aur Hindustan ke liye aik qeemti sarmaya sabit honge.” 1936 mein Allama Raghib Ahsan ne Calcutta muslim league ki bunyad rakhi aur is ki yanzeem sazi mein nihayat sargarmi se hissa liya. Hussain Shaheed Seharwardi ko is ka president aur Syed Mohammed Usman ko general Secretary muqarrar kiya.

Allama Raghib Ahsan ki azmat, feham o farasat ka andaza is haqiqat se bhi hota hai ke wo Maulana Mohammed Ali Jauhar ke jitney chaheete the, utne he Quaid e Azam Mohammed Ali Jinnah ke bhi piyare the. Halan ke Mohammed Ali Jinnah aur Mohammed Ali Jauhar mein siyasi ikhtelafat bhi qaiym rahe. Allama Raghib Ahsan, Hindustan ki markazi assembly ke rukun bhi the aur Quaid e Azam ke sath mil kar jaddojehad azaadi mein numayan hissa liya. 1945 – 46 ke intekhabaat mein muslim league ki shandar kamiyabi ke bad April 1946 mein muntakhib numaiyndon ka convention Delhi mein munaqad hua tha. Is ijlaas mein Quaid e Azam Mohammed Ali Jinnah ne Allama Raghib Ahsan ko khiraj e tehseen pesh karte hue kaha tha. “ Karoron mere andhe maqlad hain, lekin Hindustan ke tool o arz mein muslim leagues mein sirf aik Raghib Ahsan hain jo Islam aur Pakistan ke usool ki mohabbat mein mujh par bebaki ke sath tanqeed ki jurrat karte hain. Raghib Ahsan muslim league aur tehreek e Pakistan ke zinda zameer hain aur Raghib Ahsan par mujhe fakhar hai. ”

Allama Shabbir Ahmed Usmani ne aap ko “ Saif ul Millat ” ka laqab aur Hussain Shaheed Seharwardi ne Allama Raghib Ahsan ko “ Pakistan ki tank force ” kakhitaab diya tha. Qiyam e Pakistan ke bad Allama Raghin Ahsan, 1957 mein Islamic law commission ke rukun muqarrar hue. Aap central Iqbal committee ke vice president aur “ Suleman Nadwi committee of Islam ” Karachi ke bunyadi rukun the. 1965 ke intekhabat mein Allama Raghib Ahsan ne Madr e Millat Mohtarma Fatima Jinnah ke haq mein aur president Ayub Khan ke khilaf mashraqi Pakistan mein be had kaam kiya. Qiyam e Pakistan ke bad Allama Raghib Ahsan ne Pakistan hijrat karte hue Mashraqi Pakistan ke shehar Dhaka mein mustaqil sakonat ikhteyar ki aur phir Bangladesh ( sabiq mashraqi Pakistan ) ke qiyam ke bad aik dafa phir Dhaka se hijrat karte hue Karachi aa gaey. Bad azaa isi shehar mein 28 November 1975 ko inteqal kar gaey. 1990 mein hukomat e Punjab ne aap ki khidmat ke aiteraaf mein “ tehreek e Pakistan ” ka gold medal diya.

More Links

 

 

 

 

 

Copy right 2012-2014 www.urdubiography.com