Welcome to Urdubiography

 

 

Aitzaz Ahsan

Chaudhry Aitzaz Ahsan was born on 27 September 1945 in Muree, Rawalpindi. Chaudhry Aitzaz Ahsan is a lawyer and politician. He got his education first from Acheson College and then fron Government Lahore. Aitzaz Ahsan studied law from Cambridge University England. In 1975, he was elected as the member of National Assembly from Gujarat; Aitzaz Ahsan got the ministry of information, planning and development. Aitzaz Ahsan fougth a long fight against the injustices in Pakistan form dictators. Aitzaz Ahsan is not only the politician but also he is social worker. He is the founder of Human Rights Commission of Pakistan, Aitzaz Ahsan is also a writer His book “Sindh Sagar aur Qayam e Pakistan” was first published in English and then in Urdu, he is a co writer of “Divided by Democracy.” In this page, you will read Aitzaz Ahsan, Aitzaz Ahsan Biography, Aitzaz Ahsan History In Urdu and Roman Urdu.

Aitzaz Ahsan Biography

Chaudhry Aitzaz Ahsan Photo
Chaudhry Aitzaz Ahsan Pakistan ke namwar wakeel aur siyasatdan, barrister in law 27 September 1945 ko Muree zila Rawalpindi mein paida howae. Ibtedai taleem ke leye Acheson College Lahore aur phir Government College Lahore mein zere taleem rahe. Bad azan qanon ki taleem hasil karne ke leye Cambridge University England chale gaye. Cambridge se wapsi par Aitzaz Ahsan ne CSS ke imtehan mein shirkat ki. Unhon ne us waqat ke Foji dictator General Ayoub Khan ki hukumat ke khilaf shaded tanqeed ki. Pakistan ki tarikh mein wo phele aur wahid talibe aalm the jinhon ne CSS ka imtehan pass karne ke bawajod mulazmat hasil karne se inkar kar deya. Un ka moqif tha ke wo kisi Foji hukumat mein mulazmat nahi kar sakte.

Aitzaz Ahsan ne apne siyasi career ka aghaz 70 ki dehai mein us waqat kiya jab Gujarat se Peoples Party ke rukun quomi assembly Chaudhry Anwar Saman ko qatal kar diya gaya. Ye March 1975 ki baat hai. Unki nashist par Chaudhry Aitzaz Ahsan bila muqabla muntakhib howae. Aitzaz Ahsan sobai kabina mein aitelaat, mansobabandi aur taraqi ki wizarat mili. 1977 mein Peoples Party ki hukumat ki taraf se intekhabaat mein dhandhili ke khilaf Pakistan quomi itehad ki tehrik chali to Lahore mein wokala ki aik rally par police fringing ka waqeya ronuma howa to Aitzaz Ahsan ne ehtijajan wazaraat se istifa de diya. Natejatan Peoples Party ki qayadat ne unhen party discipline ki khilafwarzi karne par party se nikal diya.

General Zia ul Haq ne ewan e iqtedar par qabza kiya to Aitzaz Ahsan tehrik e bahali e jamhoriyat ke sargaram rukun ban gaye. Unhon ne phir aik bar Peoples Party mein shamoliat ikhteyar kar ki. Is doran mutadid bar giraftar howae. Unhen siyasi qedi qarar de kar baghair koi muqadma chalaye jail mein rakha gaya. 1988 mein Aitzaz Ahsan Lahore se Peoples Party ki taraf se quomi assembly ke rukun muntakhib howae. 1990 mein phir aik bar quomi assembly pohanchne mein kamyab howae. Tahum 1993 ke intekhabat mein unhen shikast se dochar hona para. Wo sabiq Pakistani Wazir e Azam Benazir Bhotto ki kabina mein mukhtalif uqaat mein dakhla, qanon o insaf, narcotics control aur taleem ke wazir rahe. 1994 mein wo Pakistani senit ke rukun banne. Unhen quaid e ewan muntakhib kiya gaya. 1996 se 1997 tak wo quid e hizbe ikhtelaf ke munsab par faiz rahe. 2002 ke intekhabaat mein Peoples Party ke ticket par aap Lahore aur Bahawalnagar mein quomi assembly ki do nashiton se jeet gaye.

Chaudhry Aitzaz Ahsan Supreme Court of Pakistan ke Senior wakeel hain unhon ne do sabiq wazra e azam Benazir Bhotto aur Nawaz Sharif ke muqadmaat lare. Jamhoriyat ke leye khimaat ki bunyad par unhen Pakistan ke tamam jamhoriyat pasand tabqat mein ghair mamoli qadar o manzilat hasil hai. 9 March 2007 ko Pervez Musharaf ki sorat mein Pakistan ki Foji dictator ship ne Supreme Court ke Chief Justice Mister Justice Iftikhar Chaudhry ko bartaraf kiya to Aitzaz Ahsan ne is fasle ko Challenge kiya. Mister Justice Khalil ur Rehman Ramde ki sarbarahi mein Supreme Court ke 13 rukni full banch ne is case ki samat ki, Aitzaz Ahsan ke dalail ne apna aap manwaliya aur muziz adalat ne Pervez Musharaf ke iqdam ko ghair aaini qarar dete howae Chief Justice ko bahal kar deya.

3 November 2007 ko Foji Amir Pervez Musharaf ke emergency ke nafaz ke elan ke bad aap ko giraftar kar leya gaya. Zaraye ka khena hai ke in doran unhen qaid e tanhai aur badtareen tashadud se guzara gaya. Natijatan American senit ke 33 arkan ne General Pervez Musharaf ko khat likha aur Aitzaz Ahsan ko reha karne ka mutalba kiya. Is se bakhubi andaza hota hai ke unhen pori duniya mein izat aur ehteram ki nagah se dekha jata hai. Bad mein unhen ghar par nazar band kar deya gaya. Eid ke muqe par teen din ke leye rihai mili, magar us mudat mein Islamabad jate howae giraftar kar leya gaya. Kaha jata hai ke hirasat ke doran hukumat ki taraf se unhen peshkash ki gai ke judges ki bahali ki tehrik se alag ho jaein to unhen riha kiya ja sakta hai tahum unhon ne is peshkash ko paye haqarat se thura deya. 31 January 2008 ko aap nazar bandi tor kar bahar aagaye jis ke bad un ki nazar bandi ke ehkamat wapis le leye gaye. Magar phir dobara nazar band kar deya gaya.

Benzir Bhotto ki shahadat ke bad aap ka naam Peoples Party ki sarbarahi ke leye bohat se halkon ne tajwiz kiya magar qayadat Asif Ali Zardari aur Bilawal Bhutto Zardari ko muntaqil kar di gai. 2008 ke aam intekhabat mein unhon ne hissa lene ka fasla kiya tha tahum bad azan unhon ne wokala ke quomi convention ki taraf se intekhabi boycott ke fasle ke bad apne khaghat e namzadgi wapas le leye. Wokala ka moqif tha ke Musharaf ke zere saya intekhabaat jaiz nahi. Bila akhir un ki aur wokala ki mushtarka koshishon ke natije mein amiriyat ko shikast hoi aur Chief Justice Iftikhar Muhammad Chaudhry 16 March 2009 ke roz bahal kar deye gaye.

Aitzaz Ahsan hama phelo shakhsiyat ke hamil hain. Wo siyasatdan ke elawa insani hoqoq ke aalam bardar bhi hain. Wo human rights commission of Pakistan ke bani aur naib sadar hain. Mutadid aalami idaron ne un ki khidmat ka eteraf karte howae unhen awards se nawaza. Wo October 2008 tak Supreme Court bar association ke sadar ki zimedariyan bhi ada karte rahe. Aitzaz Ahsan musanif bhi hain. Un ki kitab “Sindh sagar aur qayam e Pakistan” phele English aur phir Urdu mein shaya hoi. Isi tarah wo “divided by democracy” mein Lord Maghnad Desai ke sath sharik munsif hain.

More Link


 

 

 

 

Copy right 2012-2014 www.urdubiography.com