Welcome to Urdubiography

 

 

 

Condoleezza Rice

Condoleezza Rice Photo

Condoleezza Rice is also known as the warrior princess. She was born on 14th November 1954 in Birmingham, the city of American estate Alabama. Condoleezza Rice joined the classes for French language and playing piano at the age of 3. She graduated in political science at the age of 19 in 1974 and after that she received the degree of MA in political science in 1975 from Notre Dame University. Condoleezza Rice was teaches political science as an associate professor from 1981 till 1987 and then till 1993. George Bush selected her as a National security advisor of America in 2001. Condoleezza Rice nominated as a secretary of estate in 16th November 2004. She won the Walter J Gorse award for best teacher in 1984. In 1986 and 1997 council of foreign relation gave her the best teacher award. Condoleezza Rice the honorable degree of doctorate from the University of Notre Dame. In 2004 and 2005 she adjudged the very powerful woman of the World. Condoleezza Rice selected on second number in the list of times gazette after the chancellor of Germany named Angela Merkel. In this page you can see the information about Condoleezza Rice.

Condoleezza Rice History

Apne mulk ke liye gher mamooli safarti khidmaat anjaam dene aur aeham kamiyabiyan hasil karne wali 57 sala Condoleezza Rice ko in ke mazboot aesaab aur amomi sakht mauqqif ke pesh e nazar ( The warrior Princess _ Jungjoo shehzadi ) bhi kaha jata tha. In ki zehanat aur bawaqar andaaz ka aiteraaf ben ul aqwami satah par kiya gaya lekin in ke hawale se kya yeh baat hairat angaiz aur dilchasp nahi ke “ Siyah Farm Jungjoo Shehzadi ” ne sari umer shadi is liye nahi ke wo zaati zindagi mein baaz to hamaat ka shikaar thin. In ki private zindagi ke is kamzor pehlon ki tasdeeq Marcus Mabry ne bhi ki hai. Jo duniya ki mumtaz tareen shakhsiyat ki sawanah hayaat likhne ke hawale se pehchane jate hain aur inho ne Condoleezza Rice ki biography bhi tehreer ki hai. Condoleezza Rice auhd o shabaab mein aik naujawan American footballer Rick Upchurch se raah o rasam rakhti thin lekin aik arsey tak saath rehne ke bad inhe yeh bataya gaya ke mazkoora naujawan se in ki shadi kamiyab nahi hogi, chunache inho ne is se laa talluqi ikhteyar kar ke shadi na karne ka faisla kar liya, par wo taa haal qaiym hai.


Apne waldain ki ekloti Condoleezza Rice 14 November 1954 ko American estate Alabama ke shehar Birmingham mein paida hui. 3 saal ki umer mein inho ne French language aur piano bajane ki classes mein admission le liya tha. 15 baras ki umar mein jab inho ne apne barey mein khud faisle karne shuru kiye to inho ne is haqiqat ka bhi saamna kiya ke musalsal koshishon ke bawajood wo piano bajane mein itni maharat hasil nahi kar sakin ke inhe “ Professional Pianist ” qarar diya ja sake, chunache Pianist banne ka khayal dil se nikaal kar inho ne shobaa siyasiyat ka rukh kar liya. Har chand wo gaahe ba gaahe apne shauq ka izhaar aala satah taqribaat mein piano baja kar kar liya karti thin aur shurka ki daad o tehseen bhi hasil karti thin lekin inho ne apni tamam tawajja shoba siyasiyat ki taraf he rakhi. Riyasat Colorado ke shehar Denver mein dehi aur qudrati husun se bharpor ilaqey mein palne barhne wali Condoleezza Rice ne 1974 mein 19 saal ki umar mein political science mein graduation kar liya. 1975 mein Notre Dame University se isi mazmoon mein MA kiya aur usi dauran American estate department se wabistegi ikhteyar kar li. Apni siyasi soch ke hawale se pehle wo democrats ke sath thin lekin us waqt ke president Jimmy Carter ki policies se ikhtelaaf rakhne ke baiys Condoleezza Rice ne bad mein “ Republican Party ” ke sath wabistegi ikhteyar kar li, jo in ke walid ki bhi pasandeeda jamaat thi. Estate department se wabistegi ke sath sath wo aik muallima ki hesiyat se bhi faraiyz anjaam deti rahin. 1981 se 1987 tak aur phir 1993 tak wo associate professor ki hesiyat se political science parhati rahin.


Chalaki se hasil ki jane wali tawajja aur munfat aarzi aur waqti hoti hai, lekin zehanat ke asraat aur samraat dairpa hote hain, chunache Condoleezza Rice ko bhi apni zehanat ke daur ras samraat mile. 1985 mein in ki shohrat soviet union se mutalliq muaamlat par gehri nazar rakhne wali khatoon mohqii kit hi, in dino inho ne Stanford University mein takhfeef aslaah ( Arms Control ) ke mauzoo par aik lecture diya, jis mein George Bush bhi shareek hue the. Condoleezza Rice ka wo lecture itna maussir sabit hua ke president George W Bush jab president bane to inho ne 2001 mein rice ko America ki national security advisor bana diya. Phir 16 November 2004 ko president George Bush ne American sifaratkari ke aeham tareen mansab “ Secretary of Estate ” ke liye inhe namzad kar diya, taqriban 2 maah bad jab us mansab par taqriri ki tauseeq ke liye senate ke arkaan ki raaey shumari hui to 85 centers ne rice ke haq mein aur 13 ne in ke khilaaf vote diya. Is tarah wo 2005 se 2009 tak is mansab par faiyz rahen aur us dauran wo aik se ziyada martaba Pakistan ke tour par bhi aae lekin American secretary of estate, jise hamare han wazeer e kharja kaha jata hai, ke auhdey tak pohanchne ke liye Condoleezza Rice ka safar seedha sada ya aasaan na tha. Inhe beshumar mushkil marahil aur dushwariyon se guzarna parha, is ke bawajood in ka taweel peshawarana safar mutaddid kamiyabiyon, kamraniyon aur aezazaat se ibarat hai.


Colin Pawl ki jagah American secretary of estate ki zimmedariyan sambhalne wali Condoleezza Rice ne 2001 mein jab national security advisor ka mansab sambhala tha to inhe 2003 mein Iraq bheja gaya, in ki zimmedari thi ke wo Iraq mein is group ko mustehkim karen jo American muaawnat se wahan aman qaiym karne ki koshish kar raha tha. Tahum bad mein barhe paimane par tabahi phelane wale hathiyar baraamad na hone par Condoleezza Rice ko zabardast tanqeed ka saamna karna parha. Isi tarah Afghanistan mein dairpa aman ke qiyam ke liye in ki koshishein kitni kamiyab hui ??? Afghanistan ki maujoda soortehal is sawaal ka jawaab khud de sakti hai. Condoleezza Rice par is hawale se bhi tanqeed ki jati hai ke inho ne he America ke khilaaf sargarmiyon mein mulawwis alqaida ke arkaan ke khilaaf “ water boarding ” jaise azziyat rasani ke jadeed aur mohlik tariqe istemal karne ki tajveez Bush administration se manzoor karai thi.


1984 mein Condoleezza Rice ko behtareen teacher ka “ Walter J Gores Award ” diya gaya. Council of foreign relations ne 1986 aur 1997 mein inhe best teacher ke award se nawaza. University of Notre Dame ne Doctorate ki aezaazi degree ataa ki, is ke ilawa mutaddid mauqqir idaron ne Condoleezza Rice ko taa hayat fellowship, aezaazi rukniyat aur isi noiyat ke beshumar aezazaat ataa kiye. Condoleezza Rice ko ben ul aqwami talluqat se mutalliq aeham mauzoaat par behtareen maqaley tehreer karne ka aezaaz bhi hasil hai.


Condoleezza Rice ke khayalat ke tanazur mein in ka shumar America ke qadamat pasand aur riwayaat pasand logon mein kiya ja sakta hai, maslan George Bush ki sadarti mohim ke dauran wo aelania kaha karti thi ke “ Isqaat Hamal ” par pabandi aaiyd honi chahiye. Main is tajveez ki zabardast haami hon aur aik gher fitri amal ki zabardast mukhalif. Rice ne isqaat hamal ke khilaaf mohim chalane wale logon aur tanzeemon ko fund dene ki himayat karte hue kaha tha. “ Mujhe yaqeen hai ke jo log mazboot ikhlaqi iqdaar rakhte hain, wo aise logon ki zaroor himayat karenge. ”


Condoleezza Rice ko awaiyl umer mein apni “ Siyah Rangat ” ke baiys nasli imtiaz ke waqeyaat ka bhi saamna karna parha tha. Inhe hotel mein kam darjey ka kamra diya jata. Departmental stores mein goron ko fauqiyat di jati aur restaurant mein inhe qadrey veeraan nashiston par khana khana parhta tha. Lekin Condoleezza Rice ne usi waqt yeh tey kar liya tha ke wo apni shakal o shubahat aur siyah rangat ke baiys nazar andaaz hote rehne ke bajae apni taleem aur salahiyaton se logon ko mutawajja aur maraoob karengi aur aakhirkar aisa he hua. Rice ben ul aqwami shohrat yafta jaridey “ Times ” ki shaey karda 100 aeham tareen afraad ki salana list mein 4 martaba shamil ki gai. 2004 aur 2005 mein inhe duniya ki sab se taqatwar khatoon qarar diya gaya, jab ke 2006 mein inhe mazkora list mein Germany ki chancellor Angela Marker ke bad dosre number par rakha gaya.


More Link


 

 

 

 

 

Copy right 2012-2015 www.urdubiography.com