Welcome to Urdubiography

 

 

Ghulam Murtaza Shah Syed

GM Syed was born on 17th January 1904 in Sann, district Dadu. GM syed was a real name is Syed Ghulam Murtaza Shah. His Father name was Syed Mian Muhammed Shah. He was a political leader. Ghulam Murtaza Syed admitted in Sindhi school Sann in July 1910. Then after 5 classes, he studied the Holy Quran Pak. Ghulam Murtaza Syed received the education of Arabic and Persian from Qazi Mian Mohammed Hashim and English from Hamid Ali and Ustad Naraindaas. Ghulam Murtaza Syed was a pioneer person of Jiye Sindh. He was a vice president of District local board Karachi in 1924, and then from 1928 till 1936 he worked as a director of Karachi Sindh Provisional cooperative society. In 1938, he joined the all India Muslim league. Ghulam Murtaza Syed became President of Sindh Muslim league in 1942. GM Syed died on 25 April 1995.

GM Syed Biography

GM Syed Photo

Tehreek e Pakistan ke rehnumaomein GM Syed aur Maulvi Fazal ul Haq 2 aise rehnuma hain. Jin ke dauran e tehreek kar muaamlaat par Quaid e Azam se siyasi ikhtelafaat rahe. 1945 – 46 ke intekhabaat ke dauran aur qiyam e Pakistan ke bad G M Syed ke badle hue siyasi nazariyat ke sabab wo aik mutanaza siyasatdaan ki hesiyat se famous hue.tahum G M Syed ki shakhsiyat ke is pehlo se koi inkaar nahi kar sakta ke 1938 se 1945 tak in ka shumar All India Muslim League ke markazi rehnumao mein tha. Wo all india muslim league working committee ke rukun bhi the. Is ke ilawa inho ne 1943 mein Sindh assembly mein qarardad Pakistan pesh ki aur us ko m,anzoor karwane mein bhi nihayat aeham role ada kiya.

Sain GM Syed ka asal naam Syed Ghulam Murtaza Shah tha. Wo 17 January 1904 ko qasba Sann zilaa Dadu mein peyda hue. In ke walid ka naam Syed Mian Muhammed Shah tha. G M Syed ko july 1910 mein Sindhi School Sann mein dakhil kiya gaya, phir mila maktab goth sann mein Faqeer Mohammed ki shagirdegi ikhteyar ki, lekin kuch arsey bad he January 1913 mein dobara sindhi school mein dakhil kar diya haya. Inho ne school se 5 jamatein pass ki, lekin goth mein mazeed parhai ke liye bandobast na hone ke sabab taleem khatam kar di. G M Syed ne phir Quran Pak ki taleem hasil karna shuru ki aur is ke sath sath he Qazi Mian Mohammed Hashim se Arbi aur farsi ki taleem hasil ki. Angrezi ki taleem Hamil Ali aur is ke ilawa Ustaad Naraindaas se bhi angrezi ki taleem hasil ki.

Isi tarha GM Syed ne Sindhi, Arabic, Persian aur English ki taleem hasil kar li magar imtehani nuqta e nazar se sari taleem adhori rahi aur kisi mein maharat hasil na kar sake. G M Syed jab 15 saal ke the to 1919 mein Jalya Nawala Baagh ka ilmnaak waqeya zahoor pazeer hua. Is ke sath he barresagher mein tehreek khilafat ka aaghaz hua. Inho ne pehle samaji zindagi ki ibteda ki aur phir siyasi zindagi mein qadam rakha. Inho ne 1919 mein samaji islaah ki aik anjuman apne shehar mein qaiym kar ke samaji zindagi ka aaghaz kiya. February 1920 mein Pir Turrab Ali Shah aur Jaan Mohammed Junejo ki koshishon se Larkana mein Sindh ke buzurg Pir Rashd Ullah Jhnade wle ki zer e sadarat “ Sindh KHilafat conference ” ka ijlaas hua tha. Jis mein aap ne bhi shirkat ki. Is ijlaas mein Maulana Abu Alkalaam Azaad, Maulana Abdul Bair Firangi Mehli, Maulana Shaukat Ali aur Sheikh Abdul Majeed Sindhi ne shirkat kit hi. Is ke bad inho ne apne village mein 17 March 1920 ko Mualvi Hakeem Fateh Mohammed Sewhani ki sadarat aqik conference munaqid ki. G M Syed Gandhi Ji se pehle mulaqat Sann station par April 1921 mein hui. Jab wo Hyderabad se Dadu ja rahe the. Inho ne khilafat tehreek ka us waqt tak sath diya, jab tak ke Hindustan mein tehreek e khilafat ka wajood raha. March 1922 mein inho ne Sindh ke peero aur sadaat ki aik anjuman qaiym ki. Is anjuman ka maqsad buri rasmon se ijtenaab, bid’aaton ki rok tham, kifayat shuaari aur taleem ko aam karna tha.

1924 mein G M Syed, district local board Karachi ke naiyb sadder muntakhib hue aur 1928 se 1936 tak Karachi Sindh provincial and cooperative society ke director rahe. 1937 mein wo Sindh assembly ke rukun muntakhib hue. 1925 mein inho ne congress mein shamoliyat ikhteyar ki. Phir jamiyat ulamae hind mein bhi shamil hue. Us zamane mein Sindh ke deegar rehnumao ke sath mil kar Sindh ki Bombay se alehdgi ke liye jaddojehad karte rahe. Congress ne ibteda mein Sindh ki alehdgi ki himayat ki aur bad mein jan mukhalfat shuru ki to wo congress se badzan ho gaey. Hindu maha sabha bhi Sindh ki alehdgi ki shadid mukhalfat thi. G M Syed ne jab yeh dekha ke Sindh ki Bombay se alehdgi mushkil hoti ja rahi hai to unho ne is masley ko mulkgeer hesiyat den eke liye use kul hind forum mein le jane ka faisla kar liya. Pehle all india educational conference mein aur phir all india muslim league ki majlis aamla mein yeh masla uthaya gaya. Muslim league ne is mutalba ki kul hind satah par himayat shuru kar di. Jis se jahan aik taraf Sindh ki alehdgi ke mutalbey ko taqwiyat mili to dosri taraf sindhi musalmano mein muslim league ki maqboliyat mein bhi izafa hua aur aik waqt aisa bhi aaya ke jab Bombay se Sindh alehdgi ki tehreek sirf sindhi musalmano ki tehreek ban kar reh gai aur bil aakhir 1936 mein Sindh Bombay se alehda ho kar aik naya sooba ban gaya. 1935 ke india act ke tehat jab 1937 mein barresagher Pak o hind mein intekhabaat hue aur soobai wazartein qaiym hui to hindu aksariyati soobon mein congress ne hukomatein banai.
Congress ki wazarton ke qiyam ke bad barhe peymane par hindu muslim fasadaat rounuma hue to musalmano ke alehda watanke qeyam ki zarorat aur ziyada wazeh hoti gai.

Alehda watan ke haq mein barresagher mein sab se pehle qarardad manzoor karane ka sehra sooba e Sindh ki awaam ke sir baandha. G M Syed ne 1938 mein muslim league mein shamoliyat ikhteyar ki aur pore Sindh mein muslim league ko munazzam kiya. October 1938 mein Sindh soobai muslim league ne apne Karachi ke ijlaas mein musalmano ke liye aik alehda watan ki qarardad manzoor kit hi. Is ke bad March 1940 mein all india muslim league ke salana ijlaas munaqada Lahore mein “ Qarardad Lahore ” manzoorhui, jis mein musalmano ke liye aik alehda watan ka mutalba kiya gaya aur jo bad mein “ Qarardad e Pakistan ” ke naam se mausoom hui. March 1940 ke tareekhi ijlaas mein jin sindhi zamaa ne shirkat ki un mein Allah Bakhsh Soomro, Pir Ali Bakhsh, Sir Abdullah Haroon, Sir Ghulam Hussain Hidayat Ullah ke ilawa G M Syed bhi shamil the. Wo 1941 mein all india muslim league working committee ke rukun muqarrar hue. April 1942 mein Sir Abdullah Haroon ki wafaat ke bad G M Syed Sindh muslim league ke president bana diye gaey.

Sooba e Sindh ko yeh aezaaz bhi hasil hai ke barresagher ke 11 soobon mein wo pehla sooba hai. Jis ki assembly mein March 1943 mein qarardad e Pakistan manzoor hui. G M Syed ne is mauqey par nihayat aeham kirdar ada kiya. Inho ne khud assembly mein qarardad pesh karte hue kaha ke “ Hindustan ke musalman alehda qaum hain aur alehda qaumiyat ke tehat alehda watan ka mutalba karte hain.” December 1943 mein all india muslim league ke salana ijlaas munaqada Karachi mein inho ne istaqbaliya committee ke chairman ki hesiyat se kaha. “ Jo musalman Hindustan ke aqliyati soobon mein rehte hain. Wo wahan se hijrat kar ke Sindh aaey, kyun ke inhe wahan taraqqi ke mawaqey kam milenge. Yahan aa kar hamari madad karen, musalman aapas mein mil kar apni taraqqi ke liye kaam karen.” 1945 mein Sindh muslim league ke salana intekhabat munaqid hue. Jin ke natijey mein G M Syed sadar aur Syed Ghulam Haider Shah general secretary muntakhib hue. Inho ne Quaid e Azam ki tehseen aur tehreek e Pakistan ki himayat mein mutaddid mazameen likhe. 1945 – 46 ke intekhabat ke mauqey par ticket ki taqseem ke asley par G M Syed aur all india muslim league ki markazi parliament board ke darmiyan tanaza peyda ho gaya, jahan aik taraf G M Syed ko Party ticket nahi mila, wahin dosri taraf markazi parliament board ne G M Syed ke manzoor karda 4 ashkhaas ko bhi muslim league ke ticket dene se inkaar kar diya. Is par inho ne sakht raddeamal ka izhaar karte hue muslim league s alehdgi ikhteyar kar li. 1946 mein muslim league se alehdgi ke bad ke bad “ progressive muslim league ” qaiym ki. December 1946 ke soobaiu intekhabat mein G M Syed aur in ke group ko muslim league ke umeedwron ke muqabley mein zabardast shikast ka saamna karna parha.

Qiyam e Pakistan ke bad 13 May 1948 ko Khan Abdul Ghaffar Kha’n ke sath mil kar aik nae siyasi jamaat “ Peoples Party of Pakistan ” banai. Jis ke wo secretary general bane. 1945 mein G M Syed ne “ Pakistan National Party ” ke qeyam mein hissa liya aur phir 2 saal bad 1956 mein Pakistan National awaami party ke qiyam mein numayan hissa liya. 1954 mein wo Sindhi adbi board ke sarbarah muqarrar hue. Inho ne 1 unit ki mukhalfat ki, lekin phir 1955 mein 1 unit qeyam par maghrabi Pakistan assembly ke rukun bhimuntakhib hue. 1966 mein “ bazm soofiyae Sindh ” ki bunyad rakhi aur 3 saal bad “ Sindh muttehda mahaz ” banaya. Jis ke kae barson tak wo sadder rahe. 1972 mein Jiye Sindh tehreek ki bunyad rakhi jis ka aeham maqsad “ Sandhu Desh ” ka qeyam tha tahum G M Syed ko Pakistan ki mukhtalif hukomaton ne in ki siyasi sargarmiyon ko mulk ke liye nuqsan dey samajhte hue aik taweel arsey tak nazar band rakha aur bil aakhir wo isi nazar bandi mein 25 April 1995 ko wafaat paa gaey.

 

More Links

 

 

 

 

 

Copy right 2012-2014 www.urdubiography.com