Welcome to Urdubiography

 

 

Gamal Abdel Nasser

Gamal Abdel Nasser  Photo

Gamal Abdel Nasser was the founder of Pan – Arab Nationalism. He was born on 15th January 1981 in Iskandariya, the historical city of Egypt ( Misar ). His father was a clerk in post office. Gamal was 8 years old, that his Mother was passed away and then his Father got second marriage. He went to his maternal family for complete his education. After graduation he passed all entry tests for police department, but unfortunately some kind of problems he was not selected for this job. Gamal Abdel Nasser selected as a prime minister of Egypt ( Misar ) in 1954 and then he selected as a president of Egypt in June 1956 and acquired on this feudal till 8 years. He was a very simple and noble personality. Gamal Abdel Nasser was a very bold and honest man in his career. He died on 28th September 1970 in Egypt ( Misar ). In this page you can see the information about Gamal Abdel Nasser.

Gamal Abdel Nasser Biography In Urdu

Misar ke tarikhi shehar Iskandariya mein 15 January 1981 ko janam lene wale Gamal Abdel Nasser ke walid post office clerk the. Abhi gamal sirf 8 saal ke the ke in ki Maa ka inteqal ho gaya aur Baap ne dosri shadi kar li. Gamal Abdel Nasser ko taleem mukammal karne ke liye in ke nanhiyaal bhej diya gaya. Wo pehli martaba siyasat se mutarrif hue. Inho ne road par aik muzahira dekha, jis ko muntashir karne ke liye police tashaddud kar rahi thi. Muzahire ka maqsad maloom na hone ke bawajood gamal sahib ne police se larhne ke liye muzahireen mein shamil ho gae, chunache inhe bhi deegar muzahireen ke hamrah arrest kar liya gaya. Agli raat inho ne jail mein guzari, jahan inhe maloom hua key eh muzahira samraji nizaam ke khilaaf tha aur in ke sath arrest hone wale young agent party ke rukun the. Abdel Nasser ne forun is party mein shamoliyat ikhteyar kar li aur phir bohat jald party ka magazine shaey karne ki khidmat sar anjaam dene lage.


Gamal Abdel Nasser ne graduation mukammal karne ke bad police department join karne ke liye tamam test pass kar liye. Interview ke waqt in ke samaji maqam o martaba ka jaiza lene ka marhala aan pohancha. Interview committee ka sarbarah Pasha naami aik general tha. General ne pocha, tumhara Baap kya karta hai ??? Nasser sahib ne jawab diya, Wo post office mein clerk hain. General ne thori dair tawaquf kiya, kuch aur kaha… Phir to mere bache !!! tum police ke liye mauzoo nahi. Tahum yeh nakami bhi Abdel Nasser ke liye sadd e rah na ban saki. Inho ne 6 months tak qanoon parha, phir aam taleem tark kar ke military academy ka rukh kiya. Wahan nazam o zabt ke military frame work mein inhe apni inqelabi fikar ko parwan charane ki azaadi mehsoos hui, ab wo mustaqil ke liye behtar mansoba bandi kar sakte the. Gamal Abdel Nasser fauj mein colonel ke rank tak pohanche.


1952 mein jis raat fauj ne Shah Farooq ka takhta ulta, bohat se officers ne raaey di ke Humen Shah par muqaddama chala kar phansi de deni chahiye. Lekin colonel Nasser ka jawab tha, ke agar ise phansi he deni hai to muqaddama chalane ki zehmat kyun karte ho. Wo Shah Farooq ki zindagi ke liye 9 hours tak behas karte rahe. Abdel Nasser ki wakalat sirf Shah Farooq ke liye nahi thi, bal ke un tamam ke liye thi, jin ki zindagi ko inqelab ke natije mein khatraat lahaq ho gae the. Gamal Abdel Nasser ne apne sathiyon se kaha, main ne tareekh mein parha hai aur yehi sabaq bar bar seekha hai ke khoon rezi bil aakhir mazeed khoon rezi ko janam deti hai.


Gamal Abdel Nasser ko tareekh se bohat dilchaspi thi, bilkhusoos ittehad Germany aur inqelab France se mutalliq jo books parhi, unho ne in ke rawaiyye par gehra asar dala. Ghaliban isi wajah se inqelab Misar ke dauran ziyada khoon rezi dekhne mein nahi aai. Jab Gamal Abdel Nasser ne apne sathiyon ki madad se Shah FArooq ka takhta ulta to wo khud zair zameen ruposh leader ke taur par pas manzar mein rahen aur general Najeeb ko aik maqbool face ke taur par pesh pesh rakha.


1948 ki pehli Arab, Israel Jang mein Gamal Abdel Nasser un logon mein shamil the jin ka rabtaa Israel ke faujiyon ne faloja mein Misri fauj se kaat diya tha, lekin wo hathiyar daley bagher bahaduri se larhte rahe. Gamal Abdel Nasser ne us jang mein muhasira karne wale isral ke faujiyon se front line par kahre ho kar guftugo kit hi. Is tajurbey se inhe arab qaum ke ittehad ke hawale se aik naya ehsaas mila aur inho ne sirf misar ke bajae pori arab duniya ki halat badalne ke barey mein sochna shuru kiya. Is tarah Gamal Abdel Nasser ki soch Misar ki sarhadon ke bahar tak wasee ho gai.


Gamal Abdel Nasser ki siyasi zindagi mein haqeeqi tabdeeli aik dramatic scene ke sath us waqt aai, jab wo Iskandariya mein taqreer kar rahe tha. In par 6 goliyan chalai gai, lekin wo qatan na ghabarae aur wahin khare rahen. Goliyan in ke right left se guzarti rahin, barasti goliyon mein inho ne logon se mukhtabi ho kar kaha, “ Mere hum watno !!! jahan ho, wahin maujood raho. Main mara nahi, zinda hon aur agar main marr bhi jata hon to tum mein se har aik Gamal Abdel Nasser hai. Yeh parcham kabhi zameen bose na hoga. ” Gamal Abdel Nasser ka yeh iqdaam naqabil e yaqeen jurrat o bahaduri ka muzahira tha. Yehi waqeya in ki zindagi mein naya morh laya aur is ke bad log Gamal Abdel Nasser ke barey mein nihayat pur josh ho gae.


General Najeeb ko April 1954 mein bartaraf kar diya gaya aur Gamal Abdel Nasser prime minister ban gae. June 1956 mein Gamal Abdel Nasser president muntakhib hue aur 18 baras tak is mansab par faiz rahe. Misri awam ki himayat ke sabab ab wo aik azaad shair the. Nehar Suez ka qabza waguzar karane ke liye England se larhai, Baghdad packet ko mustarid karna, British prime minister Sir Anthony Eden se tanazaa, Aswan Dam ki tameer ka khuwab, Nehar Suez ko nationalize karna… in jaise tamam waqeyaat in ki hurriyat fikar ke akkas the.


Gamal Abdel Nasser ko nehar suez ke waqey mein zabardast ben ul aqwami siyasi fatah hasil hui. Pori aran duniya ke awam nehar suez ke difaa mein uth khare hue, pipe lines kaat di gai. West Europe oil ko taras gae, arab duniya aeham changes se guzar rahi thi. Abdel Nasser ki maqboliyat itne urooj par chali gait hi ke wo har arab mulk ki dakhli siyasat mein dakhil ho gae the. Gamal Abdel Nasser ki haami siyasi parties arab mulkon mein nashonuma paane lagi thin. Arab mumalik mein Abdel Nasser ke naam par banne wali un parties mein se kuch mashkook bhi thin, tahum Gamal Abdel Nasser ka kehna tha, “ Dekhen, jise main muntakhib karon, use to control kar sakta hon lekin main use control nahi kar sakta, jo mujhe muntakhib kar le… ” inho ne yeh jawaaz Saudi Arabia ke sabiq Shah Saud Bin Abdul Aziz ko pesh kiya tha, jinhe Gamal Abdel Nasser ke haq mein uthne wali aiyasi lehar ke hawale se tashwish lahaq thi.


Gamal Abdel Nasser ko arab duniya ke hukmaran tabqon ki khuwahishat ke barkhilaaf awaam ki wasee tar himayat hasil thi, kyun ke wo Misar ke logon ke bajae Arab ke logon ke huqooq ki baat karte the. Yehi soch inhe British aur America ke sath mahaaz aaraai ki taraf le gai, yahan tak ke inho ne Soviet union ko bhi lalkaar diya. Gamal Abdel Nasser ne aik aise khuwab ko sharminda e tabeer kiya, jo har Arab ke liye pasandeeda tha. Inho ne misar aur shaam ka ilhaaq kar ke ise “ Muttehda Aram Jamhoria ” bana diya, is tarah goya aik wasee tar arab ittehad ka sang e bunya rakh diya gaya tha.


Gamal Abdel Nasser ka tarz e zindagi nihayat he sada tha. Inho ne kabhi aurat, daulat aur dastarkhuwan mein zarorat se ziyada dilchaspi nahi li. Jab wo iqtedar mein aae to ayyar siyasatdano ne inhe bhi bad unwaniyon mein mulawwis karne ki koshish ki lekin buri tarah nakaam hue. Abdel Nasser ki gharelo zindagi bhi bohat sada thi. Khane pine mein in ka zauq Misar ke riwayati pakwano tak mehdood tha. Jahan tak daulat mein in ki dilchaspi ka muaamla tha. Is barey mein bhi hurf geeri ki gunjaish nahi. Yaad rah eke mehaz 5 marks ki kami ki wajah se in ki beti ko aik aala taleemi idarey mein dakhla nahi diya gaya, lekin Gamal Abdel Nasser ne apni beti ki sifarish karna gawara nahi kiya.


1967 ke bohran ke bad jo waqeyaat runoma hue, inho ne Gamal Abdel Nasser ko zakhmi shair bana diya tha, in ke zakham phir kabhi mandmal na ho sake. 28 September 1970 bamutabiq 27 Rajab ( Shab e Mairaaj ) 1390 hijri ko Gamal Abdel Nasser ne daai ajal ko labbaik kaha aur arbon ka yeh hero is jahaan fani se rukhsat hua…

Baqaul Shair…

“ Sooey Sidra Rifat

Dar Aa’an shab ke Peghambar barifat ”

Mafhoom : Us raat ko aalam e bala gae, jis raat Mohammad Rasool ALLAH S.A.W.W. gae the.


More Links

 

 

 

 

 

Copy right 2012-2015 www.urdubiography.com