Welcome to Urdubiography

 

 

Haseena Wajid

Haseena wajid Photo

Sheikh Hasina Wajid was born on 28 September 1947. She is a prime minister of Bangladesh. Haseena Wajid is the Daughter of Sheikh Mujeeb ur Rehman. Her Father is a founder of Bangladesh. Haseena Wajid married with Dr. MA Wazed Miah in 1968. Her Husband died on 9 May 2009. Opposition party did not participate in the election, because they got the blackmailing and arrestment to Haseena Wajid. So finally, Hasina Wajed had succeeded in the parliamentary elections. In this page youcan see the information and news about the prime minister of Bangladesh, Haseena Wajid.

Prime Minister of Bangladesh Sheikh Haseena

Bangladesh ke founder Sheikh Mujeeb ur Rehman ki sahabzadi apni inteqami khou par qaboo pane mien musalsal nakaam dikhai de rahi hain. Miss Haseena Wajid ne na sirf tamam opposition jamaton ko dara dhamka kar unhe qaid o band mien rakh kar, unhe election ke amal se bahar rakh kar past ke parliamentary intekhabat mien kamiyabi hasil kar li hai. Wo Islam pasandon bil khusoos jamaat Islami ko dewaar se lagane ki policy par bhi amal peyra hain. Mubsireen yeh sawal utha rahe hain ke aaya Haseena Wajid siyasi madbar politician hone ke bawajood siyasi mukhalfeen se is qadar khaiyf kyun hain ??? lekin inhe is ka jawab nahi mil raha hai.

December 2013 mien jamat e Islami ke markazi rehnuma Abdul Qadir ko phansi diye jane ke bad yeh umeed ki ja rahi thi ke Haseena Wajid aur in ke sathiyon ka gussa qadre thanda ho chukka ho ga. Lekin ab lag raha hai ke jamat e islami ke 75 sala Ameer Maulana Mutee ur Rehman Nizami samait aik darjan se zaiyd aeham siyasi karkuno ko phansi ki saza suna kar Bangladesh ko danista taur par tabahi ki janib dhakela ja raha hai. Abdul Qadir ki phansi par Bangladesh ke siyasi aur samaji halqon hatta ke zaraey iblaagh ne bhi maslehatan khamoshi ikhteyar kar rakhi thi, lekin taza sazaon ke faisle ke bad zaraey iblaagh ne bhi zaban khol di hai.

Bengali zaraey iblaagh ne ab ki baar Haseena Wajid ki policy par karhi tanqeed karte hue jamaat ke sarbarah Maulana Mutee urRehman Nizami aur in ke deegar sathiyon ko saza e maut sunae jane ki khule alfaaz mien muzammat ki hai. Siyasi, samaji aur iblaaghi halqon ki janib se miss Haseena Wajid ko yeh mashwara diya ja raha hai ke wo apna zehni muaaiyna karaey, kyun ke jis qisam ki siyasi inteqami policy inho ne apna rakhi hai wo kisi bhi soorat mien mulk o qaum ke mafaad mien nahi hai.

Opposition ke musalsal aehtejaaj, siyasi inarki aur Haseena Wajid ki inteqami siyasat ke natijey mien maeshiyat badtareen tabahi se do chaar hui hai. Mulk bhar mien karobar zindagi mutassir hua hai. Haseena Wajid ke iqdamaat ke baiys gher jamhori quwwaton ko siyasat mien madakhlat ka mauqa mil sakta hai. Bengali siyasat se ba khabar halqon ka khayal hai ke Haseena Wajid danista taur par mulk ko fauj ke hawale karne ki sazish kar rahi hain. Agar inhe halaat ki nazakat ka mamooli sa bhi idraak ho to yeh andaza lar lena chahiye ke agar ab ki baar fauj ne iqtedar sambhala to Haseena Wajid apni zindagi ke baqiya ayyam mien siyasat ke qabil bhi nahi rahengi.

More Links

 

 

 

 

 

 

Copy right 2012-2014 www.urdubiography.com