Welcome to Urdubiography

 

 

Helen Zille

Helen zille was born on 9th March 1951 in Hillbrow,South Africa. She is 62 years old. Helen zille is a mayor of Cape Town a City of South Africa. She selected the Member of Parliament in March 2006. Democratic Alliance received the 42 % votes in the Municipal Elections in 2006. Before she joined the politics, she worked as a political reporter of the news paper “ Rand Daily Mail ”. Helen zille was involved in the “Black Sash” party as a solid member. She was a member of National and Provisional Assembly, before starting the work as a mayor in Cape Town. Helen Zille received the award of best lady of South Africa in 2003. Helen made houses for the people of Cape Town. She endeavored day and night for the termination of crimes and drugs and preparation of football 2010, as well as the financing and construction of the stadium of Cape Town. She reduced the crime by 90% in the City of Cape Town. Helen Zille included the Cape Town in the best Cities of the Whole World. In this page, you can see the information about the Mayor of Cape Town Helen Zille.

Helen zille Mayor of Cape Town

Helen Zille Photo

Irastu ne kaha tha ke City ka matlab yeh nahi hota hai ke wo ziyada aabadi wala ho. 200 saal pehle guzarne wale American poet Walt Whitman ka manna tha ke azeem shehar wohi kehlaega jahan ke mard o zan azeem tareen honge. Chahe wahan chand totey phote jhonprey he kyun na hon aur Bill gates ka kehna hai ke jab tak hum shehar ke sarey bachon ko taleem na den. Jab tak hamara shehar saaf suthra na ho jaey. Hamare liye karne ke kamon mein kami nahi ho gi.

Arastu aur Walt Whitman ki yeh batein junobi Africa ke shehar Cape Town ki mayor Helen zille ne achi tarah play baandh len. Jab wo March 2006 mein yahan ki maqami hukomat ki sarbarah muntakhib hui. Aur phir aesi kamiyab hukmaran sabit hui ke duniya ki behtareen mayor qarar paey. Jab inho ne shehar ki zamamkar sambhali to abhi cape town junobi Africa ke baqi ilaqon ki tarah 16 baras qabal ki khana jangi ke asraat se nijaat nahi pa saka tha. Yahan ke logon ka sab se barha masla apni zindagi ki hifazat thi. Wo kehte the ke inhe sirf zinda rehne ka haq he de diya ajey. Mulk mein sab se ziyada qatal aur daketiyan bhi isi shehar mein hoti thin. Gang rape aur tashaddud ke deegar waqeyat mein bhi yeh shehar khob badnaam tha. Mulk ke criminal justice system aur police par log is qadar bad aitemad the ke wo apne sath hone wali wardaton par muqaddama darj karwane ko waqt ka ziya samajhte the ya un ka maana tha ke unhe jaraiym pehsa afraad ki taraf se mazeed ziyadati ka nishana banna parhega aur police bhi inhe lotegi.

Safaid fam khatoon ne apni mayor ship ke dauran haqeeqi maeyno mein logon ki zindagiyon mein farq peyda kiya. Wo khud white fam thi tahum in ke models Desmond Tutu and Nelson Mandela jaise azeem sayyah fam rehnuma the. 2006 ke baldiyati intekhabat munaqid hue to democratic alliance ne Cape Town mein 42 % vote hasil kiye. Yeh African national Congress ko milne wale votes se kuch ziyada the. Nelson Mandela ka talluq bhi African national congress se tha. Mayor ka muqabla hua to Helen Zille deegar choti jamaton ki himayat hasil karte hue mehaz 3 izafi votes ke sath kamiyab ho gai. Inhe 106 votes mile the. Helen Zille ko mayor banne ke bad pehle din se he zabardast mushkilaat aur barhi rukawaton ka saamna karna parha. Province mein African National congress hukmaran thi. Mukhalif hukomat ne new policy ke tehat mayor ke ikhteyaraat mein khasi kami kar di. Ab wo mayor committee ke 10 arkaan ka taqarrur apni marzi se nahi kar sakti thi. Is ke bajae yahan mutanasib numaiyndegi ke tariqa nafiz kar diya gaya. Is se aik tanaza khara ho gaya jise democratic alliance aur African national congress ne bad azaa hal kar liya.

Siyasat mein qadam rakhne se pehle Helen zille “ Rand Daily Mail ” naam ke news paper ki siyasi reporter bhi rahin. Wahan kaam karte hue wo nasal parasti ki mukhalif akhbaar navees ke taur par famous hue. Yeh wohi thi jinho ne nasal parasti ke mukhlif Siyah fam rehnuma Steve Byco ki dauran hirasat halakat ke waqeya ko be naqab kiya tha. Is se pehle police ka dawa tha ke steve ne apne aap ko khud zakhmi kiya tha, jis ki wajah se in ki halakat hui. Helen zille “ Black Sash ” naami tanzeem ki rukun ke taur par sargaram role adaa karti rahin. Yeh nasal parasti ke khilaf jaddojehad karne wali safaid faam khuwateen ki tanzeem thi. Us dauran Helen zille cape Town University mein director of communication ke taur par mulazmat kar rahi thi.

Helen zille bataur mayor Cape Town ki zimmedariyan adaa karne se pehle qaumi o soobai assembly ki rukun bhi rahin. 2003 mein inhe behtareen South African lady ka aezaaz bhi mil chukka tha. Apne vision aur tajurbey ke sath inho ne cape Town ke basiyon ki zindagi kaise badly ??? Mulahiza kijiye.

Khatoon mayor ne yahan ke basiyon ki muaashi halat ko behtar banane ko apni pehli tarjeeh qarar diya. Yehi wajah hai ke in ki koshishon aur policies ki badaulat yahan ke logon ki sharah aamdan mein izafa jab ke shehar mein be rozgari mein kami waqeya hui. Jab wo mayor ke mansab par faiyz hui thin to Cape Town mein berozgari ki sharah 20.7 % thi jo 2 saal ke andar 17.9 % tak kam hui. Isi tarah in ki policies ke sabab shehar ke khazane par qarz ka bojh 1 Arab Rend ( South African Currency ) tak kam hua. Helen ke daur mein shehar ke andar bad amni ki soortehal bhi gher mamoli taur par behtar hui. Ji haan ! jaraiym mein 90 % kami. Helen zille ke bar sar iqtedar aane se pehle yahan siyasi jamatein sangeen jaraiym mein mulawwis afraad ko parliament mein numaiyndegi ki forehsat mein shamil kiya karti thi.

Helen zille ke iqdamaat mein se aik heyran kun qadam yahan ke mustahiq logon ko makanaat ki farahmi kea mal ko tez aur corruption, aqrabaparwi se paak karna bhi tha. Inho ne yeh na socha ke logon ko chat farahum karna soobai hukomat ke dayrakar mein aata hai. Is ek bajae Helen ne makanaat hasil karne walon ki fohrisat ko azsar nau murattab kar ke is amar ko yaqeeni banaya ke sirf mustahiq afraad he ko makanaat farahum kiye jaey. Isi tarah unho ne makanaat farahum karne ki salana sharah mein izafey ke liye soobai hukomat par dabao dala aur khud bhi private profession se mil jul kar mukhtalif mansobey tayyar kiye. Jis ke natijey mein ziyada se ziyada logon ko chat ki sahulat hasil hui. Cape Town mein pehle annual 3000 makanaat tameer kar ke logon ko diye jate the. Ab wahan tadad 7000 tak pohanch gai yani mehaz 2 barson ki muddat mein 2 guna izafa. Aik mazmoon mein Helen zille ne likha ke in se pehle African national congress ke daur mein pehle se maujood makanaat ki upgrading ke liye koi budget mukhtasis nahi hota tha, lekin inho ne mayor ship sambhalne ke bad pani, bijli aur nakkasi aab ke liye alag se budget mukhtasis kiya.

Helen zille ke barey mein in ke badtareen mukhalifeen bhi aiteraaf karte hain ke inho ne shehar walon ki rehnumai ki hai. In par hukmarani nahi ki. Inho ne mayor ship sambhalne ke bad sab se pehle is shehar ke logon ki fitrat ko samjha aur in ki zaroriyat ka andaza lagaya, jinhe pora karne se wo kamiyab zindagi guzaar sakte hain. Yehi wajah hai ke wo is shehar ke har umer, nasal, jins aur rang ke logon ki pasandeeda thehri. Aaj wo South Africa ke naujawano ke liye himmat aur walwala ka jazba bani hui hain. Aik aisa jazba ko logon ki mutehrik kar deta hai. In ka hausla aur jurrat, in ki quwwat aur diyanat, in ki aqal aur muamla fehmi is qadar shandar hai ke wo barha mushkil siyasi halaat se bakhubi guzar gai. Haqiqat yeh hai ke wo behtar tarz hukmarani ki chamakti damakti misaal hain.

Helen zille ne apne peshro ke bar aks corruption ke khilaf kham thonk liya. Is masle par inho ne mukhtalif gurohon mein taqseem opposition ko bhi apne sath mila liya. In ke pesh nazar sirf aik he maqsad tha ke kisi na kisi tarah is shehar ke basiyon ka bhala kar jaey. Chahe is ki koi bhi qeemat adaa karni parhe. Jaraiym aur manshiyat ke khatmey aur foot ball World cup 2010 ki tayyari ke liye jaddojehad kar ke inho ne Cape Town ko duniya ke behtareen shehron mein shamil kar diya. Yeh aik aisa karnama hai ke aaj wo South Africa ke aise logon mein shamil hai.

 

More Link

 

 

 

 

Copy right 2012-2014 www.urdubiography.com