Welcome to Urdubiography

 

 

Hussain Shaheed Suhrawardy

Hussain Shaheed Suhrawardy was born on 8 December 1892 in Madanpur (western Bengal). Hussain Shaheed belonged to very happily and educated family. He received his education in Calcutta and received the degree of M.A. and P.C.L. from Oxford University. He was a leader and a revolutionary politician of actuation of Pakistan. Hussian Shaheed Suhrwardy selected the deputy mayor of Municipal Corporation in Calcutta. In 1921, he worked as a member of Bengal legislative council at the age of 28. Suhrwardy’s grandfather was a patronizer of Arabic academy in Dhaka. Suhrwardy’s father was a scholar of Persian and Arabic and a judge of Calcutta high court. In 1937 Hussain Shaheed Suhrawardyinvolved in all India Muslim leagues and worked as a secretary of Muslim league in Bengal. He died on 5 December 1963 and Shaheed is buried in Dhaka. In this page you will read Hussain Shaheed Suhrawardy Biography In Urdu.

Hussain Shaheed Suhrawardy Biography

Hussain Shaheed Suhrawardy Photo

Hussain Shaheed Suhrawardy, tehreek e Pakistan ke rehnuma aur aik inqilabi siyasatdaan the. Hussain Shaheed Suhrawardy Calcutta Municipal Corporation ke deputy mayor muntakhib hue. Tehreek e khilafat se wabasta rahe aur khilafat committee ke secretary bhi rahe. Sirf 28 saal ki umer mein 1921 mein Bengal qanoonsaaz council ke member bane aur apne auhdon par faiyz reh kar aap ne musalmano ke mafadaat aur huqooq ki khatir kisi na kisi satah par zaroor kaam kiya. Hussain Shaheed Suhrawardy 8 December 1892 ko Madanpur ( Maghrabi Bengal ) mein peyda hue. Aap ka talluq aik khushhaal aur almi gharane se tha. Aap ke dada Dhaka ke aik arbi madarsa ke sarparast e aala the. Jab ke walid Sir Zahid Ur Rehman Zahid Suhrwardy, arbi aur farsi ke scholar aur Calcutta high court ke judge the. School ki taleem mukammal karne ke bad Hussain Shaheed Suhrawardyne Calcutta mein taleem hasil ki. Madaras mein bhi parhte rahe aur phir aala taleem ke liye oxford chale gaey.

Wahan se MA aur PCL ki degrees hasil ki. Watan wapis aa kar aap ne Calcutta mein wakalat shuru ki aur siyasat mein amli hissa lena shuru kar diya. 1937 mein Hussain Shaheed Suhrawardyall india musluim league mein shamil ho gaey aur Bengal mein muslim league ke secretary ki hesiyat se tanzeem nau ke silsila mein din raat kaam kiya. 1937 ke intekhabat mein muslim league ke ticket par assembly ki nishast hasil ki aur muslim league ki kabeena mein wazeer muqarrar hue. Aap ko Bengal ke wazeer e aala Maulvi Fazal ul Haq ke sath kaam karne ka bhi mauqa mila. Wo kae baar Bengal kabina ke rukun muqarrar hue. Hussain Shaheed Suhrawardy ke pas mukhtalif auqaat mein tijarat, labor, maliyat, sehat, dehaat sudhar aur khuraak ke mehakmey bhi rahe. 1939 mein jab Fazal ul Haq ne muslim league party ki policy par amal peyra na hote hue defense council ki rukniyat qabool kar li aur bad mein mustafi hone se inkaar kar diya to us mauqey par Hussain Shaheed Suhrawardy aur Khuwaja Nazim Uddin ne unke khilaf aik mahaz banaya tha. 1946 ke intekhabat mein Hussain Shaheed Suhrawardyne muslim league ki intekhabi mohim ko umdagi se munazzam kiya, jis ki wajah se muslim league ne 250 mein se 170 nishasten jeeti thin.

Chunache Hussain Shaheed Suhrawardy ne azaad arkaan ke sath mil kar Bengal mein wazarat qaiym ki aur wo khud Bengal ke wazeer e aala muqarrar hue. In ki kabina mein Mohammed Ali Bogra bhi shamil the. Jinhe qiyam e Pakistan ke bad governor general Malik Ghulam Mohammed ne wazeer e aazam namzad kiya tha. Noor ul Ameen us waqt Bengal assembly ke speaker the. 16 August 1946 ko jab Muslim League ne “ Yom e rast iqdaam ” manaya to hindoun ne Calcutta mein musalmano ke khoon se holi kheli, is mauqey par bahesiyat wazeer e aala apne tadbeer se fasadaat ki aag ko ziyada bharakne nahi diya. 1946 mein pore Hindustan ke muslim league ke muntakhib umeedwaron ka aik convention Delhi mein munaqid hua tha. Jis mein aap ne “ qarardad Lahore ” mein aik tarmeem manzoor karai. Jis ki rou se musalmanan e hind, 2 mumlikatein nahi bal ke aik mumlikat ka mutalba karte hain. Yeh qarardad “ qarardad Delhi ” ke naam se famous hui. Qiyam e Pakistan ke waqt hindu muslim fasadaat ke pesh e nazar aap ne kamala jurrat se kaam ke lar Gandhi Ji ki maiyt mein sooba ka daura kiya aur is tarah fasadiyon ki sazish ko nakaam bana diya. Qiyam e Pakistan ke mauqey par Hussain Shaheed Suhrawardygher munqasim Bengal ki azaad riyasat ke hamii the.

Is mauqiff par Quaid e Azam se un ke ikhtelafat itne barhe ke unho ne Hindustan mein sakonat ikhteyar kar li aur kuch arsey bad 1950 mein Pakistan aa gaey. Yahan aa kar hazb e ikhtelafat ki jamhori riwayat ki buniyad dali aur awami league ke ticket par qaumi assembly ke rukun muntakhib hue. Phir 1945 mein muttehda mahaz ( Jagto Front ) ke tawwun se mashraqi Pakistan mein muslim league ko shikast di. December 1954 mein wazeer e qanoon bane. August 1955 mein jab muslim league aur muttehda mahaz ki mushtarka wazarat qaiym hui to Suhrwardy hazb e ikhtelaf ke leader muntakhib hue. December 1956 mein aap ne republican party ke tawwun se markaz mein wazarat banai aur khud wazeer e aazam ban gaey. Lekin 11 maah bad dono parties ke darmiyan photo parh jane se jab bohran paida hua to Hussain Shaheed Suhrawardy mustafee ho gaye aur assembly mein hazb e ikhtelaf ka kirdar adaa karne lage. 1956 ke aaiyn ki tayyari mein mashraqi o maghrabi Pakistan mein masawat ka usool manwane mein Hussain Shaheed Suhrawardy ne nehayat aeham kirdar adaa kiya. Ayub Khan marshal law ki taqat ke zariye politicians par pabandi aaiyd ki, to aap ne un pabandiyon ko alal aelan challenge kiya aur marshal law hukkam ke jaberana aehkamat ki khilaf warzi ki.

Abdu ke qanoon ke tehat Hussain Shaheed Suhrawardy par muqaddama chalaya gaya, chunache tribunal ne samne pesh ho kar aap ne apna case aise madlal aur asar angez andaaz mein pesh kiya. Jin ka marshal law hukkam ke paas koi jawab na tha. Hussain Shaheed Suhrawardy mulk mein jamhori siyasat ke sab se barhe alambardar, haq go aur belos politician the. Hussain Shaheed Suhrawardy ne 5 December 1963 ko marshal law ke zehni sadmey se wafaat paai aur Dhaka mein madfan hue.

More Links

 

 

 

 

Copy right 2012-2014 www.urdubiography.com