Welcome to Urdubiography

 

 

Maulana Kausar Niazi

Maulana Kausar Niazi was born on 21st April 1934 in Mianwali,Pakistan. He was a Pakistani politician and a religious leader of Pakistan people’s party. Maulana Kausar Niazi entered in politics during the period of education. He was a general secretary of Muslim student’s federation. From Punjab University Kausar Niazi received the degree of honors in English, Urdu, Arabic and Persian. He was a prominent member of Jamat e Islami also. Maulana sahib was a editor of two gazettes named “ Tasneem ” and “ Kausar ”. He issued hebdomadal named “ Shahab ” in 1960. In first period of the Government of Benazir Bhutto, he made a chairman of Islamic ideology council. Kausar Niazi wrote almost more than one dozen books. Maulana Kausar Niazi died on 19th March 1994 in Islamabad. In this page you can see the information about Maulana Kausar Niazi In Urdu.

Maulana Kausar Niazi Biography

Europe mein nashata sania ka hero ho ya barre sagheer mein maazi ka har barha aadmi……. ksi aik shobey mein nahi, bilkul zindagi ke mukhtalif dairon mein kamal ka dawedaar hota tha. Politician ko adab aur adeeb ko siyasat ke asbaaq azbar hote the. Us waqt tak specialization aam nahi hui thi aur har namwar shakhs se tawaqqa ki jati thi ke wo uloom o fanon ke tamam shobon mein baqiyon se kahin behtar hai.

Maulana Kausar Niazi bhi barre sagheer mein barhe aadmiyon ki riwayat ke ain mutabiq aesi he hama jehat shakhsiyat the. Siyasat, mazhab, tasoof, saqafat aur adab jaise matnoo aur baaz auqaat mutazad mazameen par Kausar Niazi ko yaksaa dastaras hasil thi. Kausar Niazi ki siyasi taqareer mein shair o adab ki aamezish hui thi aur in ki mazhabi taqareer mein siyasat ki jhalak nazar aati thi. Wo siyasat, adab aur nishast o barkhast mein Maulana Abu Alkalam Azaad, Maulana Mohammad Ali Johar and Hasrat Mohani ki riwayat se jurhe nazar aate the. Apne khayalat ke ablaagh mein inhe maharat tamma hasil thi. Kausar Niazi ki siyasi taqreerein majmey mein josh o kharosh bhi paida karti thin aur fikar o Danish ke nae dar bhi paida karti thin.

21 April 1934 ko Mianwali ke aik mutawasit gharane mein paida hone wale Mohammad Hayat Khan ko Kausar Niazi banne mein in sab jaa’n gasal marahil se guzarna parha, jin ke bagher baam urooj par pohanchna mumkin nahi hota. In ki zindagi barhi talatum khaiz rahi. Zamana talib e ilmi he mein maidaan siyasat mein kood parhe the. Tehreek e Pakistan ke zamane mein muslim students federation ke general secretary bhi rahe hain. Punjab University se English, Urdu, Arabic aur Persian mein honors kiya. Jamat e islami mein shamil hue to is ke fikri halqey ka mumtaz sitara ban gae. Jamaat ke tarjuman Roznama Tasneem aur Roznama Kausar ke mudeer rahe. 1960 mein haft roza Shahab jari kiya. Jo aage chal kar Pakistan people’s party ka tarjuman ban gaya. Waqt guzarta raha aur Kausar Niazi ki soch mein tabdeeli aati gai. Jamat e islami se ikhtelaaf hua to is ki mukhalfat peoples party mein shamil ho gae. Intekhabi mohim ke dauran peoples party ke stage se aesi shola biyani ka muzahira kiya ke iqtedar mein aane ke bad wo Bhutto sahib ke 5 piyaron mein shumar hone lage aur peoples party ke pehle daur e hukomat mein ittelaat aur mazhabi umoor ke baa ikhteyar wazeer rahe.

1977 ke hungama khaiz daur aur bilkhusoos Zulfiqar Ali Bhutto ki phansi ke bad wo khamoshi aur maslehat ka shikaar dikhaai diye. General Zia Ul Haq ke taweel Marshal Law mein wo apna koi mustaqil siyasi raasta na chunn sake. Kabhi to Progressive peoples party ke naam se apni siyasi jamat banane ki koshish ki aur kabhi peoples party ke mutawazi groups ka sahara dhoonda. General Zia Ul Haq ke iqtedar ke khatmey ne in ki siyasi chupp ka roza torh diya aur wo batadreej siyasi taur par mutehrik hote gae.

Mohtarma Benazir Bhutto ke pehle daur e hukomat mein islami nazariyati council ke chairman bane, 1993 ke election se pehle wo Mohtarma Benazir Bhutto ke sathiyon mein shumar hone lage the, afsoos ke in ki zindagi ne wafa na ki, wagarna shayad wo 1993 ke bad dobara koi hukomati auhda paa lete. 19 March 1994 ko is hasht pehlo shakhsiyat ne daarfani se kooch kia. Kausar Niazi ne aik darjan se zaiyd kutub tasneef ki. Jin mein Zargul, Rahail, Lamhe ( Shairi Majmooey ), Deedadar, Baseerat, Takhleeq Aadam, Aaina, Tasliyat, Jamaat e islami awaam ki adalat mei, Mutalla Tareekh, Islam ke muaashi tassawuraat, Zikar e Rasool S.A.W.W., Zikar e Hussain R.A., Andaaz e Biyaan, Aik Hafta Cheen mein, Kooh e Qaaf ke Dais mein, Mushaahedat o Tassurat ( Roznama Jang mein shaey shuda columns ka majmooa ), aur Line Cut Gai waghera shamil hain.

Maulana Kausar Niazi… Mianwali ke mardam khaiz khittey se talluq rakhte the, jahan ki Niazi Baradari ke naamwar afraad maslan General A K Niazi, Maulana Abdul Sattar Khan Niazi aur Imraan Khan Niazi ki shohrat mein koi kalaam nahi, lekin yeh sab he pur josh log apni zindagi ke mukhtalif adwaar mein shadeed tanqeed ka nishana bhi bane. Kausar Niazi… bunyadi taur par mazhabi class ne in ke is jurm ko kabhi muaaf nahi kiya aur wo hamesha right baazo ka khaas nishana bane rahe, is shadeed nafrat ne in ke urooj ka raasta rook diya. Dosri taraf peoples party ke bohat se log bhi inhe hamesha rujat pasand mulla samajhte rahe. Peoples party ke bohat se logon ne inhe apni saffon mein hamesha shukk ki nazar se dekha. Maulana Kausar Niazi hamari siyasi tareekh ke wo aadmi the, jinho ne mehaz apni salahiyat aur mehnat se aik maqam banaya magar wo zaati hesiyat mein khatir khuwa awami maqboliyat hasil na kar sake. Kuch halqon mein in ke barey mein paae jane wale tassub, nafrat aur hassad ne in ke siyasi qad, shairana maqam aur ilmi rutbey ke hawale se dewarein khari kar den, wagarna aaj shayad wo shiddat pasandon ke khilaaf aitedaal pasand mazhabi quwwaton ke fikri rehnuma hote aur liberal powers ke liye aik ideal mazhabi rehnuma… magar taqdeer ke faisley alag he hote hain.

More Link


 

 

 

 

Copy right 2012-2014 www.urdubiography.com