Welcome to Urdubiography

 

 

Muhammad Khan Junejo

Muhammad Khan Junejo Photo

Muhammad Khan Junejo was born on 18th August 1932 at Sindhri at Tharparkar Sindh. Muhammad Khan Junejo was very honest and intelligent politition. He get his early education from Saint Patrick High School Karachi. After that he done diploma from Agricultural Institue England. Muhammad Khan Junejo started his political career at the age of 22 and in 1954 he was elected as the President of Sanghar Distric Council. Muhammad Khan Junejo sleceted Muslim Leauge as his political party. Muhammad Khan Junejo was elected as the member of West Pakistan Assembly under the Presidentship of General Ayub Khan. Muhammad Khan Junejo was the Minister of Railway from 1965 to 1969. Muhammad Khan Junejo became the Prime Minister in 1985. Muhammad Khan Junejo was died on 16th March 1993. Muhammad Khan Junejo has 5 children.

Muhammad Khan Junejo Biography

Muhammad Khan Junejo intehai diyanatdar, sharif un nafas aur bedar maghaz siyasatdan the. Wo bazahir najif se insan dekhai dete the lekin is natawan admi ke kandhon par wizarat e uzma ki bhari zimedariyon ka bojh dala gaya to unhon ne bare bare sormaon se ziyadah behtar tor par nibhaya. Muhammad Khan Junejo ko aik kamzor wazir e azam samjha gaya lekin apne juratmandana iqdamat se unhon ne is tasur ko ghalat sabit kar diya. Unhone ne Pakistan ki tarikh ke nihayat mushkil dor mein intehai tahamul, burdbari aur matanat ka muzahira karte howe martial aur(emergency) ka khatma karaya, is amar ke bawajod ke wo Cheif Martial Administrator ke namzad karda the, wazir e azam ke tor par Parliament se itemad ka vote hasil karne ke bad sham ko Muhammad Khan Junejo jab Cheif Martial Law Administrator se mulaqat ke leye Rawalpindi gaye to General Zia Ul Haq se un ka phela sawal ye hi tha ke Martial Law kab uthaya ja raha hai?

Muhammad Khan Junejo zila Sanghar ke qazbe Sindhri mein 18 August 1932 ko paida howe. Unhone Saint Patrick High School Karachi mein taleem hasil ki, bad azan England ke Agricultural Institute se diploma hasil kiya. Apne walid ki tarah unhone ne 22 sal ki umar mein siyaai career ki ibteda ki aur 1954 mein Sanghar ki zila council ke saddar muntakhib howe. Apni siyasi jamat ke tor par unhon ne Muslim Leauge ka intekhab kiya aur akhiri sans tak ye wabastagi nibhai. General Ayun Khan ke Martial Law ke dor mein wo maghribi Pakistan Assembly ke member muntakhib howe aur kai wizaraton par faiz rahe.1965 se 1969 tak wo maghribi Pakistan Railway ke wazir the.1977 ke Martial Law ke nifaz ke bad bhi wo kuch arsa wifaqi wazir railway rahe, ye uhda unhone 1979 mein chora.

Zia ul Haq ke dor mein 1985 mein ghair jamati intekhabat howe, jin ke natije mein Muhammad Khan Junejo Wazir e Azam Pakistan bane, unhon ne 23 March 1985 ko Wazarat e Uzma ka halaf uthaya tha. Darasal General Zia Sindh se wazir e azam banana chahate the aur is uhde ke leye unhon ne Ghulam Mustafa Jatoi aur baz degar naamon par bhi ghor kiya tha. General Zia ne Pair Sahab Pagara se bhi mashwarah kia aur unhi ki ima par Muhammad Khan Junejo ka intekhab kiya, jo Pair Pagara ke mured the. Jab Zia ul Haq ne Muhammad Khan Junejo ko wizarat e uzma ke leye chun liya to wo apni gari mein beth kar sab se phele nagge pao Paia Sahab Pagara ki qayam gah par aqidatmand murid ke tor par hazri dene ke leye gaye the.

Muhammad Khan Junejo ke israr par 30 December 1985 ko Martial Law utha liya gaya aur jamhoriyat ka soraj nai ab o tab se tulu howa, jis ke natije mein Prees and Publication Ordinance jesa kala qanon bhi amlan ghair mosar ho gaya aur akhbarat o jaraid ke hawale se naya dor shuru howa. Izhar e ray ki jo azadi aaj humein mayasar hai ye mukhtalif naamon se eaid ki jane wali sensor ship ke usi dor ke khatme ka tasalsul hai, jis ka cerdit baja tor par Muhammad Khan Junejo ko diya jata hai.

Muhammad Khan Junejo zati tor par dheme aur shaista admi the magar unhon ne wazir e azam ke tor par dictation lene se inkar kar diya. Kaha jata hai ke wazir e azam Muhammad Khan Junejo ki mazoli ki wajah Afghanistan mein qayam e aman ke silsile mein kiya jane wala "Geneva muhaidah" bana, General Zia us samjhote ko mukhar karna chahate the lekin Wazir e Azam Muhammad Khan Junejo ki hukumat ne usse taslim kar liya aur yahen se General Zia aur un ke raste juda ho gaye. Bad azan saniha Ojhri camp ronuma howa, jis mein sacron janen zaya hoein. Wazir e Azam Muhammad Khan Junejo ne parlimani tariqa kar ke mutabiq commity banwa kar inquiry karwai, lekin is ki report samne ane se phele hi Saddar General Zia ul Haq ne 29 May 1988 ko Wazir e Azam Muhammad Khan Junejo ko bartaraf aur qumi Assembly ko tehlil kar diya. Ye iqdam ese waqat kiya gaya jab Muhammad Khan Junejo Philippine ke dore se "Tamgha e Jamhuriyat" le kar Islamabad lote hi the aur press conference se khitab kar rahe the, jis ke foran bad wazir e italat ke afsaron ne senior sahafiyon ko bataya ke General Zia ul Haq jo agli subah China ke dore par jane wale the, media se guftogu karen ge aur phir isi guftogu ke doran General Zia ne Muhammad Khan Junejo ki hukumat ke khatme ka achanak elan kar diya.

Auguat 1988 mein saniha Bahawalpur mein General Zia ul Haq ke luqma e ajal ban jane ke bad hone wale election mein Muhammad Khan Junejo ko Peoples Party ke umeedwar ne shikast di. Tahum 1990 ke election mein wo rukan qumi assembly bane.1986 se 1993 tak wo Muslim League ki sadarat ke uhda e jelilya par bhi faiz rahe. Muhammad Khan Junejo ka inteqal 16 March 1993 ko American riyasat Baltimore mein howa aur unhen Sindhri mein supurd e khak kiya gaya.

Muhammad Khan Junejo qadamat pasand musalman the, unhon ne apni ahliya ko zindagi bhar gaon ke ghar tak mehdod rakha. Wo ghair mulki dore par bhi khatoon e awal bajaye apni sahabzadi ko sath le jate the. Muhammad Khan Junejo ke 5 bache hain. Mukhalfin bhi is baat se inkar nahi kar sakte ke Muhammad Khan Junejo sadgipasand aur kifayat shuar leader the. Wazir e Azam house mein raat ke waqat jalne wale ghair zarori bulb wo khud hi band kar dete the ta ke qomi khazane par bojh na pare.

Wazir e Azam bane ke bad Muhammad Khan Junejo ne aik lamhe ke leye bhi khud ko General Zia ka numaindah nahi samjha aur hamesha parliament par etemad kiya. Unhon ne apni kabina se General Zia ul Haq ke qaribi aur baetemad logon ko farigh kiya aur zati sawabdid par Wazir e kharja, Wazir e khazana aur Wazir e nashriyat o itelaat ka taqarur kiya. Pakistan ki tarikh mein Muhammad Khan Junejo phele Wazir e Azam the jo khud bhi 1600cc car mein bethe aur General Zia ko bhi bator Saddar e Mumlikat 1600cc ki gari mein bithaya, tamam wozra ko 1300cc gariyan di gayen, grade 22 ke wifaqi secretariyon aur brigadier se leftinant General rank tak foji afsaron ko 1000cc gariyan faraham ki gaein jab ke is ke nichle grade ke civil aur foji afsaron ko 800cc car mein bithaya gaya.

Muhammad Khan Junejo Pakistan ke aklote Wazir e Azam hain jinhen ye azaz hasil howa ke un ke dor mein pore Pakistan ke kisi bhi sobe mein dafa 144 nafiz nahi ki gai. Muhammad Khan Junejo ne baz ilzamat par apne 4 waziron ko bartaraf kar diya tha, un mein Syed Yousf Raza Gilani bhu shamil the. Agarcha unhon baraherast bartaraf nahi kiya gaya tha balke kabina mein radobadal karte howe unhen drop kar diya gaya. Muhammad Khan Junejo ne jin waziron ko bartaraf kiya un par corrupation, qomi khazane ki lot mar aur baddiyanati ke ilzamat the. Un mein wifaqi wazir e mawaslat Prince Ghulam Muhidin bhi shamil the, isi tarah Muhammad Khan Junejo ne Pair Pagara ke qarib samjhe jane wale Islam uddin Sheikh ko bhi corruption ke ilzamat par wazarat ke sobogdosh kar diya. Aur to aur Zia dor ke intehai aham wazir e baldiyat Chudhary Anwar Aziz of Sialkot ko sirf is ilzam par ke unhon ne "sarkari funds" sarkari bank ke bajaye niji bank mein rakhe howe the, wifaqi wazarat se farigh kar diya tha. Aaj jab ke watan e aziz par corruption aur bad governance ke gehre badal chaye howe hain, herat hoti hai ke isi mulk mein Muhammad Khan Junejo jese ujle daman wale siyasat dan bhi guzre hain.
"Haq maghfirat kare ajab azad mard tha"

More Links

 

 

 

 

Copy right 2012-2015 www.urdubiography.com