Welcome to Urdubiography
Home >> Politicians >> Nurul Amin  

 

 

Nurul Amin

Nurul Amin was born in 1893 in Comilla. Nurul Amin completed L.L.B form kolkata University.in 1937 he became the member of Muslim League. In 1947 he was selected as the minister of Civil Supplier in East Pakistan. From 1948 to 1954 he was the chief minister of the province of East Pakistan. In 1960 Nurul Amin represented Pakistan in the United Nations. Nurul Amin was died on 2 October 1974 and he was buried in Karachi. In this page, you will read former Prime Minister of Pakistan Nurul Amin Biography In Urdu.

Nurul Amin Biography In Urdu

Nurul Amin

Nurul Amin 1897 mein zila komilla ke aik gaon Chitra mein paida huye. Ibtedae taleem Mashriqi Pakistan (Bangla Desh) ke mashoor shaher Mymensingh mein hasil ki. Iss ke baad kolkata University mein zair taleem rahe. 17 baras ki umer mein Qanoon ki degree hasil ki. 1924 mein Mymensingh mein wakalat shuru ki 1937 mein Muslim league ke rukun baney.

Mymensingh District board ke sadar rahe 1942 mein Bengal Legislative Council ke aur 1946 mein Muslim League ke ticket per Bangal Legislative Assembly ke rukun chunay gae. Muslim league ke zile Sadar bhi rahay. Bangal Speaker chunay gae. Qeam e Pakistan ke bad 1947 mein Mashraqi Pakistan (maujuda Bangla desh) kabina mein wazir civil supplier rahey. September 1948 se March 1954 suba e Mashraqi Pakistan ( Bangladesh) key wazir-e-Ala rahay yani chay sal tek iss ohday per faiz rahay 1960 mein Aqwam e Motahda key iqtesadi aur samaji council key ijlas mein Pakistan ki numaendagi ki 9 March 1964 ko National Demo Critic Front key chairman baney.

May 1965 mein Momin Shahi key halqa se Qaumi Assembly key rukun chuney gae 13 June 1969 ki hizb e ikhtelaf key leader muntakhib huae 28 September 1969 ko Pakistan Democratic Party ke Leader baney 26 March 1971 ko Sadar Yahya Khan ne Sheikh Mujibur Rahman ko jo ke Awami league ka sarbarah thay Mashriqi Pakistan mein Qaumi Assembly ki 162 nishashton (seats) mein se 160 nishashtain (seats) hasil ki thin ghair ioni qarar de dia aur Sheikh Mujibur Rahman ko griftar(Arrest) kar liya iss waja se yeh hamaray azli dushman Bharat se ja mila.

Yani Bharti Afwaj ko Sheikh Mujibur Rahman ki hami mosllah tanzeem mukti bahini ka mokammal tawun hasil tha. 17 April 1971 ko All India Radio ne khaber nashar ki ke “Mashriqi Pakistan" mein azad hukumat ke qayam ka alan kar diya gaya hai. Bharat ko Ruse aur Bartania ki mukammal hamayat aur madad hasil thi. 21 November 1971 ko Bharat ki bari fauj ne Mashriqi Pakistan par hamla kar dia. 25 November 1971 tak Mashriqi Pakistan mein jangi halat bahut kharab ho gaye to Sadar Yahya Khan ne majburan Bangali rehnuma Nurul Amin ko Aburi daur ke lia Wazir Azam namzad kar deye aur unke sath Zulfiqar Ali Bhutto ko naib Wazir Azam aur Wazir e kharja bana diya. Nurul Amin 7 December 1971 se 20 December 1971 ke athween (namzad) Wazir Azam (Prime Minister of Pakistan) rahe. 16 December 1971 ko Saqoot e Dhaka ka saneha huwa. 21 December 1971 ko naib Precident bane aur kabina ki tashkeel huye.

14 August 1973 yani ion ke nafaz tak naib Sadar (president) ke uhday par apni khidmat sar anjam dete rahe. 14 April 1972 ko Qaumi Assembly ke ikhtetami ijlas ki sadarat ki. Nurul Amin Pakistan jamhori party ke pehley sarbarah they. Pakistan ke do tukrey hojaney ka Nurul Amin ko be inteha sadma huwa. Iss moqa par unhon ne kaha “kash Allah Tala mujhey Pakistan ke iss almiya se pehley hi iss duniya se utha leta”. 2 October 1974 ko Nurul Amin inteqal kar gaye. Un ki Namaz Janaza GHQ ground Rawalpindi mein ada ki gaye aur unhain Mazar e Quaid e Azam ke ahata mein Sardar Abdur Rab Nishtar ke pehlu mein dafan kiya gaya.

Nurul Amin ne teen betey sogwar chorey jin ke naam yeh hain 1- Ruhul Amin 2- Anwar ul Amin 3- Mahbubul Amin

Benazir Bhutto Zulfiqar Ali Bhutto Nawaz Sharif
Altaf Hussain Pervez Musharraf Asif Ali Zardari

 

 

@Copy right 2012-2014 www.urdubiography.com