Welcome to Urdubiography

 

 

Pir Ali Muhammed Rashdi

Pir Ali Muhammed Rashdi was born on 5 August 1905 in the Bahman village of Larkana District. He was a journalist and politician of Sindh. Pir Rashdi was a son of Pir Mohammed Rashid founder of actuation Hurkey. He started his career as a journalist for the “Sindh News” newspaper in 1924. He was transited the language of Sindhi, Urdu and English. Pir Ali was appointed as an editor of “Al Rashid” in 1938. He worked as a secretary of Mohammed Ayub Khoro in 1927 till 1932. Pir Ali Muhammed Rashdi did more worked in discipline, journalism and politics for Sindh. He was a cultured and progressionist head worker. Pir Ali Muhammed Rashdi died on 14 March 1987 in Karachi and he is buried in Sindh.

Pir Ali Muhammed Rashdi Biography

Pir Ali Muhammad Rashdi Photo

Pir Ali Muhammed Rashdi Sindh ke wahid sahafi aur politician the, jo Sindhi, Urdu, aur English zabano par mukammal aboor rakhte the. Pir Ali Muhammed Rashdi ne Sindh ke adab, sahafat aur siyasat ke liye besh baha kaam kiya. Sindhi aur urdu adab ki taraqqi ke liye marhoom Pir Ali Rashdi ki khidmaat ko hamesha yaad rakha jaega. Wo bunyadi taur par roshan khayal aur taraqqi pasand danishwar the. Tareekh, adab, siyasat, nafsiyat aur shikar ke har mauzoo par maharat rakhte the. Jis shobey mein bhi inho ne qadam rakha aur khud ko aehal aur ba’kamaal sabit kiya. Pir Ali Rashdi, Pir Mohammad Rashid bani tehreek hurkey ki aulad hain. 5 August 1905 ko zila Larkana ke aik goth bahman mein paida hue. Pir Ali Muhammed Rashdi ne Sindhi ki 4 janatein apne goth ke school se pass ki aur English taleem Master Mohammed Rafeeq aur us ke baad Nusrat station ke station master se hasil ki.

Is tarha Pir Ali Muhammed Rashdi ne kisi school aur college mein baqaiyda taleem hasil nahi ki. Bachpan he se sahafat aur adab se munsalik rahe. 1920 mein jab Pir Ali Rashdi ki umer sirf 15 saal thi. Akhbaraat mein mazameen likhne ka aaghaz kiya. 1924 mein sahafti zindagi ka aaghaz “ Sindh News ” ki namaa nigari se kiya jo Karachi se nikalta tha. Ibteda mein shayri bhi ki lekin phir kisi sabab se shayri chor di. December 1924 mein Sindh taleemi conference Hyderabad mein hissa liya. 1925 se 1929 tak Pir Ali Muhammed Rashdi ne haftawar “ alhazab ” nikala aur us ke editor rahe. Pir Ali Rashdi 1926 se 1931 tak Sindh Association ke sargaram rukun rahe. Jo Sindh ke musalmano ki wahid siyasi tanzeem thi. Pir Ali Muhammed Rashdi ne is dauran association ke secretary ki hesiyat se bhi faraiyz anjaam diye. Tanzeem ke sadder Sir Shanawaz Bhutto the. Jab sukhur se news paper “ Al ameen ” jari hua to wo us ke editor 1925 se 1928 tak rahe. 1927 se 1932 tak Rashdi marhoom ne Mohammed Ayyub Khoro ke secretary ke faraiyz anjaam diye aur Sindh ko Bombay se alehda karne ki koshishon mein hissa liya. 1929 mein sukhur se nikalne wale akhbar “ Sindh Zameendaar ” ke editor muqarrar hue. 1930 mein district board larhkana ke member muntakhib hue. 1933 mein “ Sindh Sitara ” ke naam se apna roznama sukhur se jari kiya. Isi tarha 1936 mein “ Subha Sindh ” ke naam se apna aik roznama Karachi se bhi jari kiya. 1938 mein Mahnama “ Al Rashid ” ke editor muqarrar hue.

Jo Maulana Abu Alkalam azaad ke “ Alhaal ” aur “ Abalaagh ” ke tarz par shaey kiya jata tha. 1934 mein Peoples Party ke naam se aik tanzeem qaiym ki aur phir 1936 mein “ Sindh Ittehad Party ” mein bhi kaam kiya. 1938 mein Pir Rashdi ne all india muslim league mein shamoliyat ikhteyar ki aur 1938 mein he Quaid e Azam Mohammed Ali Jinnah ki zer e sadarat Karachi mein munaqid hone wali tareekhi conference ki majlis istaqbaliya ke general secretary ki hesiyat se conference ko kamiyab banane mein qabil e qadar khidmaat anjaam den. All India Muslim League ki yeh tareekhi conference thi jis mein pehli baar taqseem hind ka mutalba kiya gaya tha. Isi saal yani 1938 mein All India Muslim League Council ke member muntakhib hue aur is ke sath he Sindh soobai muslim league ke secretary bhi muqarrar hue.

Pir Ali Rashdi all india muslim league ki foreign committee nashar o ashaat ( barae androon e mulk aur beyron e mulk ) ke secretary bhi muntakhib hue. Unho ne Haji Sir Abdullah Haroon ke sath mil kar Sindh ki Bombay se alehdgi ke liye kaam kiya. Pir Ali Muhammed Rashdi ne mansoba Pakistan ke mumkin ul amal hone ki aik wajah jamaa report bhi pesh kit hi. Pir Ali Rashdi ne 1939 – 40 mein Lahore mein qeyamkiya aur March 1940 mein Lahore mein munaqid hone wale All India Muslim League ke tareekh saaz salana ijlaas ke intezamaat mein hissa liya, jis mein “ qarardad e Pakistan ” manzoor ki gai thi. Sindh mein Muslim League ke general secretary ki hesiyat se masjid manzil gaah sukkur je fasadaat ke silsile mein rehnumai ke faraiyz anjaam diye. Musalmanan e Sindh ke wahid wakeel ki hesiyat se jodational tribunal ke samne is muqaddamey ki perwi ki adriya muqaddama jeeta. Tribunal ne apne faidley mein is haqiqat ka izhaar kiya ke Musalmano ne fasadaat mein jarhiyat nahi ki thi. Lehaza masjid Musalmanan e Sindh ke haq mein bahaal ki jaey aur musalman qaidiyon ko riha kiya jaey. Pir Ali Mohammed Rashdi ne 1941 mein Karachi se angrezi zaban mein haftawar “Muslim Voice” jari kiya. Jis ne Pakistan se mutalliq hindu press ki zehar afshaniyon ka dut kar muqabla kiya. 1945 mein aap ne G M Syed ki himayat mein “Qurbani ” ke naam se aik akhbar jari kiya aur yeh news paper 1947 mein khoro wazarat ke dauran band hua. 1948 mein Karachi se nikalne wale roznama “Sindh Aabroz ” ke mudeer muqarrar hue. 1946 mein aap ne3 “ Faryad Sindh ” ke naam se aik kitab likhi. 1949 mein Pir Ali Rashdi Pakistan news paper editor conference ke sadder muntakhib hue aur Pakistani press ke us wafd ki sarbarahi ke faraiyz anjaam diye jo bharat gaya tha aur jis ne “ Liauqat Nehro Muaaehede ” ki raah hamwar kit hi.

1949 mein he Pir Ali Mohammed Rashdi mushtarka hind pak press ke sadder muntakhib hue. 1953 mein aap ne dobara muslim league ke liye kaam kiya aur Sindh kabeena mein wazeer maal ki hesiyat se shamoliyat ikhteyar ki. Is ke ilawa 1955 tak Sindh soobai kabeena mein wazeer e sehat, ittelaat aur naiyb wazeer e aala ke auhdon par bhi kaam kiya. 1955 mein Pakistan ki majlis qanoon saaz ke member muntakhib hue aur wafaqi hukomat ke wazeer e ittelaat o nashriyat muqarrar hue. Ajb republican party barsar e iqtedar aai to Pir Ali rashdi ne wazarat se istefaa de dioya aur hazb e ikhtelaaf ki saf mein beth gaey aur phir 1957 mein markazi majlis qanoon saaz se mustafee ho kar Philippine mein Pakistan ke safeer ban gaey. 1961 mein Philippine ka aala tareen shehri aezaaz “ Order of Sakartona ” ataa kiya.

1961 mein Pir Ali Mohammed Rashdi ko china mein Pakistan ka safer muqarrar kiya gaya. Unho ne Pak China sarhadi muaahede ko amli jamaa pehnane mein numayan khidmaat anjaam deen. 1962 mein Pir Ali Muhammed Rashdi safarti zimmedariyon se mustafee ho kar apne sabqa almi, adbi aur tehqeeqi mashaghil mein masroof ho gaey. Pir Ali Rashdi 1972 mein hukomat Pakistan ke musheer khas barae ittelaat o nashriyat muqarrar hue aur Pakistan National Centers ke chairman bana diye gaye. Jis ka silsila 1977 tak qaiym raha. Jab Hazrat Ameer Khusro ka 700 sala jashan manaya gaya, to unhe Ameer Khusro committee ka karkun banaya gaya. Pir Ali Muhammed Rashdi ne 1963 mein roznama jang mein “ Maktoob Mashriq Baeeyd ” ke unwaan se apna haftawar Colum shuru kiya aur phir bad mein ueh Colum mashriq o maghrib ke unwaan se aakhri waqt tak shaey hota raha. Pir Ali Rashdi ne 14 March 1987 ko wafaat paai.

More Links

 

 

 

 

Copy right 2012-2014 www.urdubiography.com