Welcome to Urdubiography

 

 

 

Pir Pagara

Pakistani politician Pir Pagara photo

Pir Pagara was a spiritual leader of Hurs. He was a great politician. Pir Pagara was born on 22nd November 1928 in Khairpur. Pir Pagara was a very politically, educated, cool nature, religious leader. He was the head of Pakistan Muslim League ( Functional ). Pir Pagara was known as ever green King in Pakistan. He received his education from Muslim University Aligarh and in British also. His full name was Pir Syed Sikander Ali Shah, Shah Mardaan Shah Sani. Pir Pagara was lived in Kangri House Karachi. He died on 10 January 2012 in London. In this page you can see the biography of Pir Pagara In Urdu.

Pir Pagara Biography

Pir Pagara Hur jamat ke sarbarah azeem dargah Pagara Gaddi ke sajjadah nasheen aur aik mumtaz politician ki hesiyat se nihayat mutehrik nazar aate the. Wo aik azeem mohibb e watan, aala taleem yafta, gher mutasib aur thanda mizaaj rakhne wale siyasi, mazhabi aur rohani rehnuma the. Pir sahib pagara Pakistan Muslim league ( Functional ) ke sarbarah the. Mulk mein wo sada bahar badshah gar siyasatdaan ki hesiyat se jane jate hain. 1985 ke gher jamati intekhabaat ke bad wo siyasat ki intehai bulandiyon par the. Us waqt Islamabad ke bad Kangri House, Karachi mulki siyasat ka dosra barha markaz tha. Pir Pagara ne Muslim University Aligarh ke ilawa British mein bhi aala taleem hasil ki.

Pir Pagara ka pora naam Pir Syed Sikander Ali Shah, Shah Mardan Shah Sani tha. In ke mureed aqeedat se inhe “ Sohriya Badshah ” bhi kehte hain. Wo 22 November 1928 ko Khairpur mein waqey apne aabaai qasba Pir Jo goth mein paida hue. Un ka silsila nasb 42 pusht mein Hazrat Imam Hussein R.A. se ja milta hai. Pir Pagara ke rohani silsile ke pehle buzurg Hazrat Ali Makki Lakki, 4th century hijri mein abbasi khalifa ke daur mein muballigheen ke sath Sindh tashreef lae. Lakki shah sadar mehran mein in ka mazar aaj bhi marjaa khas o aam hai. Pir Pagara ki ibtedai zindagi mushkil halaat mein guzri. Wo abhi 2 saal ke the ke in ke walid Syed Sabghat Ullah Shah ko angrez hukomat ne hurriyat pasandi ke jurm mein giriftar kar liya. Wo 1930 mein riha hue to watan ki azaadi ke liye in ke dil mein pehle se bhi ziyada tarap paida ho chuki thi. Is ke bad inho ne Hur jamat ko angrezon ke khilaf munazzam kiya, jis par angrez hukomat ne inhe baghi qarar de kar 20 March 1943 ko Hyderabad jail mein phansi de di aur in ke jasd e khaki ko Virsa ke hawale karne ke bajae ghayab kar diya. Pir jo goth mein in ke aabaai ghar Kangri house aur atraaf ke makanon aur aabaadi ko bombing se tabah kar diya gaya. Is ke ilawa in ke mureedon ko, jo Hur kehlate the. Barhi tadad mein phansiyan di gai. Us dauran Pir Pagara ki rohani gaddi ko hamesha ke liye khatam karne ki sazish bhi ki gai, ta ke is khitte mein azaadi ka naam lene wala koi baqi na rahe. Yehi wajah hai ke 20 March 1943 se 4 February 1952 tak Kangri House mein takht pagara par koi pir muajood nahi tha. Walid ki phansi ke bad Sikander Ali Shah ko in ke chote bhai aur khandan ke deegar afraad ke sath kuch arsey Bandar road ( M.A. Jinnah Road ) ke aik bungalow mein nazar band rakha gaya aur wahan se Aligarh muntaqil kar diya gaya. Jahan inho ne mazeed taleem hasil ki. Bad azaa inhe 1946 mein aik behri jahaz ke zariye England bhej diya gaya.

Qiyam e Pakistan ke bad jab 1949 mein mulk ke pehle prime minister Liaqaut Ali Khan british ke tour par gae to naujawan Pir Pagara aur in ke chote bhai Pir Nadir Shah wahan zair e taleem the. In ki Liaqaut Ali Khan se mulaqat karai gai. Jis ke dauran in ki gaddi ki bahali ki yaqeen dehani karai gai. Chunache Pir Pagara ki Pakistan wapsi par 4 February 1952 ko pir jo goth mein dastar bandi hui. Inhe Huron ka rohani peshwa tasleem kiya gaya. Is tarah wo 7 Pir Pagara qarar pae. 1954 mein in ki shadi Makhdoom ul Mulk Syed Ghulam Meeran Shah ki sahabzadi ke sath hui. In ki pehli begum se 3 sahabzade, Pir Sabghat Ullah Shah rashidi, Syed Ali Gohar Shah aur Syed Sadar uddin Shah hain. Jab ke dosri begum se 1 sahabzadi aur 2 twins bete hain. Prime minister Yousuf Raza Gilani bhi in ke qareebi rishtedar hain. Sindh aur Punjab ke famous siyasi khandano ke sath in ki rishtedariyan hain.

Pir Pagara ka shumar mulk ki un muqtadir shakhsiyat mein hota tha, jo baik waqt siyasi, mazhabi, rohani aur hurriyat pasand halqon mein muatbbir hain. Aik taraf in ke siyasi pirokaron ki tadad lakhon mein hai to dosri janib mazhabi halqon mein bhi in ka barha asar o rasookh the. Right arm ki mazhabi jamaton ke sarbarahaan in ke daira asar mein hain. Is ke ilawa huron ki jamat ke bhhi wo sarbarah the. Jis ke mujahideen Pakistan ke ilawa India mein bhi barhi tadad mein maujood the. Pakistan mein agarcha siyasi shakhsiyat siyasi utaar charhaho se mutassir hoti rehti hain, lekin Pir Pagara ke siyasi asraat ko kabhi zawaal nahi aaya. Pir Pagara Pakistan ke wahid politician the, jin ki har jamat ke siyasi o mazhabi rehnuma izzat o takreem karte the.
Pir sahib pagara siyasi mohre is maharat se chalte the ke mukhalfeen saamne thehar nahi pate the. In ki guftugu mein maeyne aafreeni, chaashni aur fiqrahbazi ka ansar numayan hota tha. In ki batein poetry ka andaaz liye hue hoti thin aur zou maeyne hone ke sath sath apne andar gehraai aru geerai bhi rakhti thin. In ki pesh goiyan aur siyasi tabsarey news papers namak mirch laga kar shaey karte the. Jinhe barhi dilchaspi se parha jata tha. Wo aik khush taba shakhsiyat ke malik the aur intehai sanjeeda mauzoaat ko dilchasp peraae mein beyan karne au rise nat nae maeyne pehnane mein apna saani nahi rakhte the.

Mulk mein jab Zia Ul Haq ka marshal law nafiz hua to yeh Pir Pagara he ki koshishen thin, jin ke sabab General Zia Ul Haq na sirf politicians se baat karne par aamada hote the, bal ke inho ne mulk ko jamhoriyat ki patri par daalne ka wadah bhi pora kiya tha. Marshal law ke khatme ke bad yeh jamhoriyat ki janib pehli peshraft thi, jis se bad mein aam intekhabaat ki raah hamwar hui aur jis ke natije mein Pakistan Muslim league aur peoples party ki hukomatein qaiym hui thin aur Mohammad Khan Junejo, Miyan Mohammad Nawaz Sharif aur Benazir Bhutto ko wazarat uzma ke mansab tak pohanchne ka mauqa mila tha.

Pir Pagara GHQ se apne talluq ke izhaar mein kabhi hichkichahat mehsoos nahi karte the. Sindh mein wazeer e aala ke mansab tak pohanchne wale justice Syed Ghaus Ali Shah ne bhi Pir Pagara ki siyasi seerhi ko istemal kiya tha. Pir Pagara se un ke aik interview mein pocha gaya ke aap ne Punjab ki wazarat e aala ke liye pane Brother Nisbati Makhdoom Hassan Mehmood ( Late ) ke bajae Nawaz Sharif ki himayat kyun ki thi to inho ne jawab diya ke Punjab ke barey mein faisla to General Zia Ul Haq ko karna tha aur unho ne he yeh intekhab kiya tha, albatta Baluchistan mein wazeer e aala banane ke liye main ne Jam sahib Lasbela ka naam pesh kiya tha, jo wazeer e aala ban gae the.

Politicians hone ke sath sath Pir Pagara kitabon ke rassiya bhi the. In ki library mein hazaron kutub maujood thin aur in ka shumar mulk ki barhi private libraries mein hota hai. Wo nafsiyat aur sitara shanasi mein bhi maharat rakhte hain. Is ke ilawa mardam shanasi ki hairat angez salahiyat rakhte hain, aik nazar mein insaan ko pehchan jate the aur jis ke barey mein jo kuch keh den, wo mustaqbil mein waisa he nikalta tha. Pir jo goth mein jab Pir Sahab Pagara mureedon ke saamne aa kar inhe apna deedar karate the. To log dewanawaar apni mohabbatein aur aqeedatein nichawar karte the. Yeh manzar na sirf qabil e deed hota tha, bal ke mureedon ke sath in ke rohani talluq ki aik dilkash tasveer bhi pesh karta tha.

More Link


 

 

 

Copy right 2012-2014 www.urdubiography.com