Welcome to Urdubiography

 

 

Sarojini Naidu

Sarojini Naidu Photo

Sarojini Naidu was the nightingale of India. She was a great politician, orator, administrator and patriotic woman. Sarojini Naidu was born on 13th February 1879 in Hyderabad Deccan. Her Father Aghomath was a scientist, philosopher and the founder of Nizam College in Hyderabad Deccan and her Mother was a poet of Bengali language. Sarojini Naidu had seven siblings and she was elder than them. She was very intelligent student and at the age of 12 she passed the first position of matriculation from Madras University. Sarojini Naidu admitted in Kings College London at the age of 16 and after that she also received the education from Girton college Cambridge. Her first poetry was published in 1905 named “ Golden Threshold ”. Sarojini Naidu entered in national politics of India in 1905. She wrote a book named “ An Ambassador of Unity ”. Sarojini Naidu was the first biography writer of Quaid e Azam Muhammad Ali Jinnah. She died on 2nd March 1949 in Lucknow. In this page you can see the information about Sarojini Naidu.

Sarojini Naidu Biography In Urdu

Bulbul Hind kehlane wali misses Sarojini Naidu azeem mohibb e watan, siyasatdaan, muqarrar aur muntazim thin aur bilashuba in ka shumar Hindustan ki famous khuwateen ki suff e awwal mein hota tha. Inhe Indian national congress ki pehli khatoon president aur India ki pehli khatoon riyasati governor banne ka aezaaz bhi hasil hua. Sarojini Naidu 13 February 1879 ko Hyderabad Deccan mein paida hui. In ke walid Doctor Aghomath scientist aur philosopher hone ke sath sath nizaam college, Hyderabad Deccan ke founder bhi the, jab ke waldah Sundari Devi poetess thi aur Bengali zabaan mein poetry kehti thin. Sarojini Naidu 8 bhai behno mein sab se barhi thin, in ka aik bhai Birendranath Inqelabi tha, jab ke aik bhai Harindranath poet, drama producer and actor the.

Sarojini Naidu ne virsa mein Maa aur Baap dono ki khobiyan paai. Wo bachpan se he bohat zaheen taliba thin aur sirf 12 baras ki umer mein inho ne Madras University ke matric ke imtehan mein pehli position hasil kar ke pore Hindustan mein tehalka macha diya tha. Sarojini ko Urdu, telugu, English, Bengali aur Persian zabano par aboor hasil tha. Walid inhe mathematician ya scientist banana chahte the. Lekin sarojini English poetry mein dilchaspi rakhti thin. Aik baar wo algebra ka aik masla hal kar rahi thi. Lekin jab ise hal na kar paae to kuch dair tawaqquf kiya aur usi dauran apne ibtedai poetry kahe, bad mein mazeed hausla paa kar sarojini ne aik taweel nazam keh di. Jis ka unwaan tha, “ The Lady of the Lake ”. walid Aghomath ne jab dekha ke in ki beti Science ya math’s ke bajae poetry mein ziyada dilchaspi rakhti hai to inho ne is ki hausla afzaai ka faisla kiya. Walid ki janib se hausla afzaai ke natije mein Sarojini Naidu ne Persian mein aik drama likha. In ke walid ne is ki naqool apne doston mein taqseem ki aur aik copy nizaam Hyderabad ko bhi bheji. Itni kam umer ladki ki janib se aisa khobsurat drama likhe jane par nizaam Hyderabad bohat mutassir hua. Inho ne Sarojini Naidu ki angrezi poems bhi dekhen aur inhe tehseel ilm ki khatir England jane ke liye scholarship de di.

16 saal ki umer mein Sarojini Naidu ne London ke Kings college mein admission le liya, bad azaa inho ne Girton college Cambridge mein bhi taleem paai. England mein qiyam ke dauran Sarojini Naidu ki Arthur Simon aur Edmund Gosse jaise barhe poets se mulaqatein rahin aur Edmund Gosse ne he Sarojini Naidu ko qaiyl kiya ke in ki nazmon ka pas manzar aur markazi khayal Hindustani hona chahiye aur isi dais ke barhe barhe mountains, rivers, ibadatgahon aur samajiyat ka tazkara hona chahiye. Chunache Sarojini Naidu ne apni nazmon mein Hindustan ki aam zindagi aur waqeyaat ko beyan karna shuru kiya aur in ki maqboliyat roz baroz barhti chali gai.

England mein qeyam ke dauran he Sarojini Naidu ki mulaqat junobi bharat ke medical doctor Govinda Raju se hui aur wo in ki mohabbat mein giraftar ho gae. Hindu se shadi hona bohat mushkil amar tha. Yahan bhi Sarojini Naidu ke walid Doctor Aghomath ne in ka sath diya aur is ki parwah kiye bagher ke log kiya kahenge, inho ne is shadi ki ijazat de di. Chunache Sarojini Naidu ne apni taleem mukammal karne ke bad 19 saal ki umer mein Doctor Govinda Raju se shadi kar li, jo bohat kamiyab rahi. In ke 4 bachon mein Jayasurya, Padmaja, Leelamani aur Randheer shamil hain.

Sarojini Naidu ki nazmon ke alfaaz khobsurat hote he the, in mein yeh khobi bhi thi ke inhe ba aasani gaya bhi ja sakta tha. 1905 mein in ka pehla shairi majmooa shaey hua, jis ka unwaan tha. “ Golden Threshold ” yeh pore Hindustan mein bohat maqbool hua aur Sarojini Naidu ko Bhartia Kokila ya Bulbul Hind ka khitaab mil gaya. Bad azaa in ke 3 deegar shairi majmooe bhi aashaat pazeer hue. Sarojini Naidu ki nazmein agarcha angrezi mein hoti thin, lekin in ki rooh Hindustani hua karti thi. Rabindranath Tagore aur Jawaharlal Nehru jaise barhe zamaa o rehnuma in ki nazmon ko be had pasand karte the.

1905 mein taqseem Bengal ke mauqey par Sarojini Naidu Hindustan ki qaumi siyasat mein dahil hui aur yun in ka raabta Gopal Krishan Gokhle, Rabindranath Tagore, Ram Swami Ayer, Gandhi Ji, Jawaharlal Nehru aur Quaid e Azam Mohammad Ali Jinnah jaise leaders se hua. Sarojini Naidu ne khuwateen ko azaadi ke hawale se baidaar kiya. Mukhatlif shehron ka tour kiya aur Hindustani aurton ko rasooi ( Kitchen ) se bahar nikala. Gokhle ne Sarojini Naidu se kaha tha ke wo dehatiyon mein azaadi hasil karne ki rooh ko baidar karen aur is maqsad ko hasil kar ne ke liye apni khobsurat nazmon ko istemal karen. Is tarah Hindustan ko azaad karane ki jaddojehad mein sath den. Is maqsad ke liye Sarojini Naidu ne gaaon gaaon, qarya qarya tour kiye. Wo Amritsar aur UP bhi gae aur wahan tehreek e azaadi hind ki tarjumaani ka haq adaa kiya.

1925 mein Sarojini Naidu ne Kanpur mein Indian National congress ke ijlaas ki sadarat ki. Inho ne civil nafarmani ki tehreek mein bhi bharpor hissa liya aur Gandhi ji aur deegar leaders ke sath jail bhi gai. 1942 mein India chor do ( Quit India ) tehreek ke dauran bhi wo Gandhi ji ke sath giraftar hue aur 21 month ki jail kaati. Gandhi ji se in ke bohat ache aur be takallufana talluqat the aur wo inhe azrah taffanun Mickey Mouse pukara karti thin.

Tahum Sarojini Naidu haqiqi maddah darasal Quaid e Azam Mohammad Ali Jinnah ki thin aur inho ne he Quaid e Azam ko “ Safeer e Ittehad ” ka khitab diya tha. Sarojini Naidu ko Quaid e Azam ki pehli sawanah nigar hone ka aezaaz bhi hasil hai. Inho ne Mohammad Ali Jinnah his speeches and writing : An Ambassador of Unity : ke unwaan se jo kitaab likhi thi, use Quaid e Azam Mohammad Ali Jinnah ki awwalin sawanah umri samjha jata tha, jis mein 1912 se 1917 ke dauran ki jane wali speeches aur writings ke hawale se Quaid e Azam ko zabardast khiraaj e tehseen pesh kiya gaya.

2 March 1949 ko Lucknow mein Sarojini Naidu is daarfani se kooch kiya, wo us waqt riyasat Uttar Pradesh ki governor ke mansab par faiz thin. Tehreek e azaadi, poetry aur bil khusoos huqooq e niswa’an ke hawale se zarin khidmaat ke sabab in ka yom e paidaish, Bharat mein “ Yom e Khuwateen ” ke taur par manaya jata hai…

More Links


 

 

 

 

 

Copy right 2012-2014 www.urdubiography.com