Welcome to Urdubiography

 

 

 

Shah Salman Bin Abdulaziz

Shah Salman Bin Abdulaziz Photo

Shah Salman Bin Abdulaziz was born on 31st December 1935 in Riyadh, Saudi Arabia. He is 79 years old. His grandfather Al Saud established a school for the children of royal family, so Shah Salman Bin Abdulaziz received his early education from school of royal family. Shah Salman Bin Abdulaziz introduced as a candidate of Shah Abdul Aziz in 1950. It was the first political position at the age of 15. In 1954 Shah Salman selected as a mayor of Riyadh at the age of 19. He selected as a Governor of Riyadh at the age of 27 in 1963. Shah Salman Bin Abdulaziz selected as the Minister of Defence on 5th November 2011. He is a step brother of Late Shah Abdullah Bin Abdul Aziz. Shah Abdullah Bin Abdul Aziz died on between 22nd and 23rd January 2015 at 2 o’clock. In this page you can see the biography of Shah Salman Bin Abdulaziz In Urdu.

Shah Salman Bin Abdulaziz Biography

Is mein shukk nahi ke Saudi Arabia mein baadshahat ka nizaam raiyj hai, lekin mulk par nasal dar nasal hukomat karne wale shahi khandan ne sabit kiya hai ke in ke har farmanrawa ke daur mein Saudi awaam ko un mulkon ki awaam se ziyada samraat mile hain, jahan jamhori nizaam raiyj hai. Wo mulk jo aik taweel o areez sehra aur chand bikhre hue qabail par mushtamil tha, aaj is ki tamer o taraqqi aur awaam ki muaashi halat barhe barhe mustehkim aur tarraqi yafta mumalik ko sharmati hai.

22 aur 23 January 2015 ki darmiyani shub 2 baje Saudi arabia ke Shah Abdullah Bin Abdul Aziz, khadim e harmain sharifain ke inteqal ki khabar mutaddid arab radio aur TV channels se nashar hui to bila shuba pori mumlikat mein ranj o gham ki lehar daur gai aur awaam sakte si ki kefiyat mein aa gai. Khadim e harmain shrifain ki bemari ki ittelaat ke bawajood logon ko umeed thi ke wo sehatyab ho jaenge, kyun ke mulk bhar mein tamam namazon ke bad in ki sehatyabi ke liye masajid mein duaaen ki ja rahi thin. Shah Abdullah Bin Abdul Aziz ki rehlat yaqinan Saudi awaam ke liye aik bohat barhe saneha se kam nahi thi. Lekin jab nae Shah Salman Bin Abdulaziz Al Saud ne in ki jagah anaan e hukomat sambhali to in ke ghamzada dilon ko kuch dharas mili. Kyun ke Shah Salman Bin Abdulaziz ki shakhsiyat aur in ke past ko madd e nazar rakhte hue Saudi awaam apne mulk mein falah, tamer o tarraqi aura man o insaaf ka aik naya sooraj tuloo hone ki umeed kar sakte the.

79 sala Shah Salman Bin Abdulaziz, marhoom Shah Abdullah Bin Abdul Aziz ke step brother hain.Wo saal qabal Shahzada Nayef Bin Abdul Aziz ki wafaat ke bad wo dili aehad qarar pae the. Ab marhoom Shah Abdullah ke aik aur step brother Shahzada Muqrin Bin Abdul Azizi nae wali aehad qarar diye gae hain. Janasheen ka yeh amal kisi qisam ke ikhtelaaf aur kashmakash ke bagher mukammal ho gaya. Nae farmarawa Shah Salman Bin Abdulazizi se sirf Saudi awaam ko he nahi, pori duniya ko aur khas taur par brother Islamic countries ko mukhtalif hawalon se barhi umeeden hain aur tawwaqa ki jati hai ke wo muslim ummah ki umeedon par pora utren.

Wo pichle 50 saal se Saudi Arab ke darul hukomat Riyadh ke governor the aur in kay eh taweel daur bilashuba Riyadh ko aik nae, nihayat jaded aur tarraqi yafta shehar mein tabdeel karne ka daur tha. Unhe aik behtareen aur basalahiyat muntazim ke ilawa aik nihayat danishmand, burdbar aur tahammul mizaj sifaratkar shumar kiya jata hai,jo barhe barhe pechida tanazaat ko afhaam o tafheem se tey klarane mein khusosi shohrat rakhte hain. Yun to mrhoom Shah Abdullah Bin Abdul Aziz bhi Pakistan ke behtareen doston aur bahi khuwahon mein shumar hote the, lekin nae farmarawa Shah Salman Bin Abdulaziz se bhi Pakistani hukomat aur awaam ko boaht si nait tawwaquaat hain. Umeed hai ke wo bhi apne peshrou ki tarah har mushkil ghari mein Pakistan ke liye aik sache dost, kher khuwa aur madadgar ka kirdar adaa karenge.

Shah Salman Bin Abdulaziz khud badshah banne se pehle bhi apne bhai Shah Abdullah ki alalat ke baiys in ki gher maujodgi mein kae bar Shah ki hesiyat se zimmedariyan anjaam de chuke hain. Yun goya amoor e saltanat chalane ka kcuh na kuch tajurba anaan e hukomat samabhalne se pehle he ho chukka hai. Waise bhi hum in ki zindagi ke khakey par aik nazar dalen, to in ki shakhsiyat mein humen aik behtareen muntazim, muaamla feham sifaratkar aur zeerak siyasatdan mehsoos hota hai. Aane wale waqt mein yaqinan in ki salahiyaton ke mazeed bohat se pehlon ayaa honge.

Shah Salman Bin Abdulaziz 31 December 1935 koRiyadh mein paida hue. Beshtar shehzadon ki tarah ibtedai taleem inho ne bhi usi school mein hasil ki, jo in ke dada Al Saud ne shahi khandan ke bachon ke liye qaiym kiya tha. 1950 mein shah abdul aziz ne inhe apne numaide ke taur par awaam se mutarif karaya.Yeh goya in ka pehla sarkari auhda tha.Yeh sarkari hesiyat inhe sirf 15 saal ki umer mein mili.

1954 mein inhe Riyadh ka mayor muqarrar kiya gaya. Us waqt in ki umer sirf 19 saal thi. Lekin is kam umri mein he inho ne Riyadh ki tameer o taraqqi aur sehat o safai ke shobey mein barhe barhe inqelabi iqdamaat kar ke logon ko hairan kar diya. Riyadh ki tameer o taraqqi ka daur asal mein in ki mayor ship ke zamane mein he shuru hua. In ki shandar karkardegi ki bina par 1955 mein inhe wazeer ka mansab bhi mil gaya. Us waqt yeh sirf 20 saal ke the.

1963 mein wo taqriban 27 saal ki umer mein Riyadh ke governor muqarrar hue. Wasee tar ikhteyaraat milne ke bad to inho ne Riyadh ki halat he badal kar rakh di. Is ki hesiyat ab darul hukomat ya aik shehar ke bajae aik province kit hi. Jis ke wo governor the aur inho ne Riyadh ko waqai Saudi Arab ka aik shandar province bana diya. In ki policies ki badaulat gher mulki sarmayakar is province ki taraf raghib hue. Maqami tarraqiyati mansobon ke sath sath gher mulki sarmayakari ki badaulat Riyadh na sirf aik jaded aur khobsurat shehar mein tabdeel hota gaya, bale k Maghrib se Saudi Arab ke talluqat ko bhi farogh hasil hua. 5 November 2011 ko unhe Saudi Arab ka wazeer e difaa muqarrar kiya gaya. Khittey mein Saudi Arab ki aehmiyat ko madd e nazar rakhte hue in ka auhda bhi barhi aehmiyat ka hamil tha.

Is mein shukk nahi ke salman bin abdul aziz ko Saudi Arab ke nae farmarawa ki hesiyat se bohat se challenges ka saamna hai, lekin mukhtalif channels mein in ke records ko madd e nazar rakhte hue qaumi umeed hai ke wo in challenges se bakhubi auhda bar’aa ho sakenge. In ki tarjeehat ki list mein yaqinan sab se pehle to mulk ki dakhli aur khariji salamti ko darpesh khatrat ne nimatna hoga. Is waqt bazahir Saudi Arab mein halaat ki satah pur sukoon dikhai deti hai, lekin in ke ufaq par bohat se khatraak jhaank rahe hain. Jin ke piche bun ul aqwami sazishon ke imkanaat ko nazar andaaz nahi kiya ja sakta.

In mein sab se barha khatra to Daesh hai. Androon aur bairon mulk maojood bohat se naujawan Daesh ke faraib aamez philosophy aur messages se mutassir ho kar, is ki karwaiyon ko jahaad samajh kar in mein hissa le rahe hain aur in mein se kuch aise bhi hain jo wohi shiddat pasand nazariyat apne sath lek kar wapis aa rahe hain. Saudi awaam mein aasaani se ghule mile hue yeh naujawan Saudi Arab kea man aur mohzibana mahaul ke liye bohat barha khatra hain. In naujawano ko Saudi Arab mein mutehrik aur fa’aal hone se rokne ke liye aur dosre lafzon mein in naujawan ko raah e raast par lane ke liye aik nihayat dorrus aur danishmandana policy ki zarorat ho gi. Yeh aik be had nazuk muaamla hai.

Saudi Arab ki sar zameen go ke oil ki daulat se malamaal hai aur aalam e Islam ki ameer tareen riyasat hai, naiz musalmano ke liye ise aik muqaddas sar zameen ka maqaam bhi hasil hai. Lekin waqt guzarne ke sath sath ise apne baaz tabqaat ki na samjhi aur gheron ki sazishon ya resha dawaniyon ke baiys kae dosre muslim mumalik ki tarah bohat se khatraat ka saamna hai. In mein berozgar, siyasi tehreeken aur dehshatgardi waghera shamil hain. Dehshatgradi to waise bhi aik bohat barha aalmi masla hai aur muslim mumalik khas taur par is ki zadd mein hain.
Siyasi tehreeken go ke ziyada tar social media par he chalai jati hain, lekin is se na pukhta naujawan zehno ke mutassir hone ka khatra beharhaal maujood rehta hai. Jinhe apne bure bhale ka kuch ziyada ilm nahihota.Saudi Arab ki 60 % population naujawano par mushtamil hai aur in mein 12 % se ziyada berozgar hain. Berozgari naujawano ko behkane ka sab se barha sabab banti hai. Shah Salman ko pani ken ae zakhaiyr aur taleemi saholiyaat ki soortehal ko mazeed behtar banane ki taraf bhi tawajja deni hogi. Mashraqi provinces mein shorash aur Al Saud par barhti hui tanqeed ka bhi inhe tadraak karna ho ga. America, Iran talluqat mein behtari, Urdan aur Turkey se bhi Washington ke talluqat mein izafa Saudi Arab ko bhi kharji mahaaz par nae hikmat amli tashkeel dene par majboor kar sakta hai. “ Akhwaan ul Muslimoon ” ka khatra bhi Saudi Arab tak rasaai hasil kar sakta hai. Daulat Islamia aur Al Qaida ke hamlon ke khatre ke pesh nazar Saudi Arab ne Iraq ke sath apni Sarhad par Dewaar bhi tameer karna shuru kar di hai. Umeed ki ja sakti hai ke nae farmarawa Salman Bin Abdulaziz apne tajurbe aur muaamla fehmi ki badaulat in kahtraat o khadshat se nimatne mein kamiyab rahengi.

Nae Wali Aehad, Shahzada Muqrin Bin Abdul Aziz : Salman bin abdulaziz ke Saudi farmarawa banne ke bad shahzada Muqrin Bin Abdul Aziz wali aehad ban gae hain. 71 sala Shahzada Muqrin Saudi Arab ki jadeed mumlikat ke founder Shah Abdul Aziz Al Saud ke sab se chote sahabzade hain.Wo guzishta 2 baras se mumlikat ke vice prime minister ki hesiyat se faraiyz anjaam de rahe hain. Unhe Shah Abdullah Bin Abdul Aziz ne guzishta saal March mein apni alalat ke dauran mulk ki tareekh mein pehli baar naib wali aehad muqarrar kiya tha. Shahzada Muqrin Saudi intelligence ke sarbarah ke ilawa Madina aur shumal maghrabi province haiyl ke Governor aur Shah Abdullah ke khusosi musheer bhi reh chuke hain. Wo bhi marhoom Shah Abdullah Bin Abdul Aziz ki tarah Pakistan ke hamdard aur dost samjhe jate hain aur Pakistan ko darpesh baaz masaiyl ke hal ke silsile mein Saudi Arab ne jo kirdar ada kiya. Is ke piche marhoom Shah Abdullah ke sath sath shahzada Muqrin ki koshishon ka bhi hath raha hai. Shah Salman Bin Abdulaziz ne apne marhoom bhai shahzada Nayef ke sahabzade Mohammad Bin Nayef ko Naib wali aehad aur naib prime minister muqarrar kiya.

More Link


 

 

 

Copy right 2012-2014 www.urdubiography.com