Welcome to Urdubiography

 

 

Shaukat Aziz

Shaukat Aziz was born in 6 March, 1949. Shaukat Aziz completed his graduation from Punjab. Shaukat Aziz completed his M.B.A from Karachi University in 1969. Shaukat Aziz started his practical life with a job in City Bank. From 1975, Shaukat Aziz posted to many foreign countries, Shaukat Aziz worked in different designations in many countries. Shaukat Azizhas a thirty years experience in Globle Financing and International Banking. Shaukat Azizwas the Finance Minister for longest time after Ghulam Ishaq Khan, ha serves 4 years and 8 months as Finance Minister. On 27 August 2004, Shaukat Azizwas elected as Prime Minister of Pakistan.

Shaukat Aziz Biography

Shaukat Aziz Photo

Shaukat Aziz1949 mein paida hoye, 1972 mein shadi hoyi. Unhon ne 1967 mein Punjab se graduation aur 1969 mein Karachi University se M.B.A kiya. 1969 mein unhon ne apni amli zindagi ka aghaz Karachi mein City Bank mein mulazimat se kia, 1975 mein un ki taenati beron e mulik kar di gai. Wo Filipain, Urdan, Unan, America, Bartaniya, Malaysia, Singapore aur Saudi Arab mein taenat rahe aur mukhtalif uhdon par kaam karte rahe. 1992 mein inhan excetive senior vice president banaya gaya, global finance aur international banking mein wo 30 saal ka tajarba rakhte han. Wo City Bank ke bhohat se zeli adaron ke board mein bhi rahe. 1999 mein unhan Pakistan ki wazarat e khazana ki zimedari sonpi gayi, Shaukat Aziz 4 saal 8 mah wazir e khazana rahe. Ghulam Ishaq Khan ke bad wo is qalamdan par sab se ziyadah mudat ghuzarne wale wazir han.

Sadar General Pervez Mushaaf ne Meer Muhammad Khan Jamali se istifa wasool karte hi aendah Wazir e Azam ke uhde ke leye Shaukat Azizko naamzad kar deya. Wizarat e Uzma ke uhde par faiz hone ke leye zarori ha ke umeedwar qomi assembly ka member ho. Chunach zamni intakhabat mein Shaukat AzizTharparkar aur Ataak se Q league ke umeedwar the. Panjab aur Sindh ke in donon halkon se un ka koi taluq nahi tha aur na hi wo siyasat ke medan ke khelari the. Unhen kamiyab karane ke leye Panjab aur Sindh ke wozra e aala ne do mehfooz tareen nashistein khali karaein thein aur unhen kamiyab karane ki zimedari qabol kit hi. In donon halkon khususan tharparkar ke logon mein bara josh o kharosh paya jata tha ke mustaqbil ka aik wazir e Azam un ke elaqe se intekhab lar raha hai jis ke nateje mein is elaqe ki qismat badal jaye gi. Janab Shaukat Azizne bhi hasbe riwayat bhohat wade waed keye, intakhabi nare lagaye, wahan ke awam ko kuch khawab dekhaye lekin natija wohi dhak ke teen pat. Wazir e Azam muntakheb hone ke bad Shaukat AzizSahab ne aik bar bhi us elaqe ka dorah nahi kiya.

Wazir e Azam Shaukat Azizpar us waqat qatilana hamla hoa jab wo abhi Wazir e Azam nahi bane the yani wo aik intekhabi jalse se khitab kar ke wapis lot rahe the aur apni gari ke qareb phochne se chand lamhe phele aik zoordar damaka hoa aur wo bal bal bach gaye. Ye aik khudkush hamla tha jis mein hamla awar apne maqsad mein kamiyab nahi ho saka. 27 August 2004 ko hone wale intakhabat mein Shaukat Azizke muqabil A.R.D ke mutafiqa umeedwar Makhdum Javed Hashmi the lekin Hashmi ke production order jari karne se speaker ke inkar par opposition ne intakhabat ka bicote kar deya aur Shaukat Aziz191 votes hasil kar ke Wazir e Azam muntakhib ho gaye is se ugle roz unhon ne apne uhde ka halaf uthaya aur isi roz assembly se atemad ka vote bhi hasil kiya. Atemad ka vote hasil karne ke bad unhon ne dawa kiya ke main wozra uar beuoro crasi se teen mah mein nataij hasil karon ga. ! September ko 32 rukeni kabina ne apne uhde ka halaf uthaya jin mein 21 porane aur 11 naye chere shamil the. Baz Danish waron ka khayal tha ke Shaukat AzizPakistan ke mukhsusos mashi halat mein aik bhetareen umeed war ho sakte han, un ke banking ka tajurba Pakistan ke leye qemti asasa sabit ho sakta hai. Shaukat Azizka Ben ul aqwami maliyati adaron ke sath porana taluq hai aur un ka ye taluq Pakistan ke maliyati adaron ko nmusthekam bana sakta hai. Mumkin hai esa hi hoa ho kyun ke Wazir e Azam Shaukat Azizaksar o beshtar khzane ki tijoriyon ke bhare hoye hone ka dawa karte the lekin ese bhare hoye khazane ka kia faiedeha jo is mulik ke awam ke muan se roti ka akhari newala bhi cheen lene ke darpe ho. Ho sakta ha ke Wazir e Azam Shaukat Azizki apni mali position phele se bhetar hogai ho lekin un ke dor e hukumat mein awam ki halat din badin abtar hoti chali ja rahi hai aur log khudkushiyan karne par majboor hen. Pakistani awam ke leye wo dosre Moin Qurashi hi sabit ho rahe han.

13 September ko jab Panjub assembly ne Perviz Musharaf ke donon uhde apne pas rakhne ke bare mein qarardad pass ki to ugle chand roz mein wazir e azam Shaukat Azizne waze tor par kha ke sadar ka wardi mein rehna MM ke sath kiye gaye muhaide ki khilaf warzi nahi. 14 December 2004 ko Wazir e Azam Shaukat AzizPakistan ke qabil e aetimad dost mulik china ke dore par gaye aur Chinese hum mansab Ho Jin Tao se mulaqat ki. Donon mumalik ke darmiyan tawon ke 7 samjhuton par dastakhat hoye jin mein sar e fehrist teal o gass ki talash, sandik mansobe mein tosi aur zarat par mabni sanaton mein bahimi tawon barhana shamil hain. 3 January 2005 ko China T.V ko interview dete hoye unhon ne kha ke hukumat opposition ke sath afham o tafhim chahati hai. Hum ne khazan lota nahi bhara hai. Unhon ne mazid kha ke mulik ko naqabil e taskhir siyasi aur aqtesadi qowat banyen gaye. Unhon ne kha ke 5 saal qabal Sadar Musharaf ne khush hali ka safar shoro kiya aur jo riyasat diwaliya aur nakaam samjhi jati thi hum ne use sirf 5 saal mein kashkol tor kar khud kafil banaya. Hum degar mumalik se madad nahi tijarat karte hain is waqat zar e mubadla ke zakhair 21 arab dollar ho chuke hain.

21 February 2005 ko Saudi Arab mein Pakistani baradari se khitab karte hoye unhon ne kha ke mulik mein fi kas amdani bharh rahi hai. Mayishiyat mustehkam hoi hai aur ye ke humari hukumat ke khilaf aala satah par corruption ka koi case samne nahi aya. Sadar Musharaf siyasi nizam ka hisa hain parliament ki manzori ke bad unhon ne do uhde rakhe hain. Isi roz Wazir e Azam Iran ke teen roza dore par gaye jahan par donon mumalik ke darmiyan mushtarka sarmaya kari corporation ke qayam ka muhaidah hoa. Aik press conference se khitab karte hoe unhon ne kha ke Iran ko kamzor karne ke leye Pakistan kisi bhi mulik ko apni sarzamin istemal karne ki ijazat nahi de ga.

4 April 2005 ko China ke Wazir e Azam sarari dore par Pakistan phonche to un ke pur tapak istaqbal kiya gaya. Do tarfa muzakrat ke natije mein 4 muhaide te paye jin ke mutabiq China Pakistan ko Pak behriya ke leye frikitis ki tatari ke silsile mein technology faraham kare ga. Is muhaide ke tehat Pakistan mein China ki madad se 4 (P 22 F) kisim ke bahri jangi jahaz tayar kiye jayein gaye. 27 June 2005 ko ulma ke aik wafad se baat chet karte hoye Wazir e Azam Shaukat Azizne kha ke qanon ki hukumrani yaqini banana hukumat ki zimedari hai, masher se boraiyon ke khatme aur awam ko insaf ki fari aur sasti farhami ko yaqini banane ke leye hum kaam kar rahe hain. 8 July 2005 ko trackter plant ke sang e buniyad ki taqrib se khitab karte hoye unhon ne kaha ke Sadar ne land mafiya ke khilaf qanon par dastakhat kardeye hain hun zamino par qabze mein mulavis afrad ko nishan e abrat bana den gaye. 2 October 2005 Malaysia ki banul aqwami University se khitab karte hoye unhon ne kaha ke hum ne nataij dekhaye hain humari kismet ka fasla balit box kare ga jo kabhi jhot nahi bolta. Pakistan ne nuclear power sakhat mehnat se hasil ki hai ye control and command system ke tehat hai. Wazir e Azam Shaukat Aziz22 January 2005 ko America ke dore par gaye aur Pentagon mein American Wazir e Difa Ramz Field se mulaqat ki. Is mulakat mein Afghanistan ki sorat e haal aur is se mutaliq dosre amor par tafsili guftogu hoi. Agle roz unhon ne Sadar Bush se mulaqat kar ke bahimi dilshaspi ke amor par baat chet ki. Wazir e Azam Shaukat Azizne 2 April 2006 ko kot Radha Kishan mein sui gas ki farhami ki taqrib se khitab karte hoye awam ko ghale mein khud kafil hone ki naveed di aur kaha ke Sadar ki behtareen policiyon ki wajah se Pakistan ka khazana bhar chukka hai, ab humen mehnat aur neek niyati se kaam kar ke awam ko khush haal banana hai.

In sare bayanat se aik hi baat samajh mein ati hai ke Wazir e Azam Shaukat Aziziqtesadi mahir hain is leye unhon ne apne dore hukumat mein awam ko mahaz khush haali ke khuwab dekhane ki zimedari nibhai hai aur aj tak nabha rahe hain. Dosri taraf awam ki halat ye hai ke un ke mun se roti ka akhiri niwala bhi chena ja raha hai, log berozgari aur bhook ke hathon khud kushi karne par majbor hain. Insaf ki farhami ki sorat e haal ye hai ke koi jaiz kaam bhi rishwat ke bagher hone ka tasawor bhi khatam ho chukka hai. Mulik ka khazana bhara hoa hai lakin is ke samrat awam tak nahi phonche. Awam ko is bhare hoye khgazane se kiya matlab jo un se do waqat ki roti bhi chen le.

Sabiq Wazir e Azam Shaukat Azizke dor e hukumat mein cheeni ke bad tareen bhoran paida howa. Cheeni i ki qemat 20 rupe se bharh kar 40 rupe tak ja phonchi, Wazir e Azam samet hukumati aehalkar cheeni ki market mein farhami par israr karte rahe aur awam ko indiya dete rahe ke wo chini utility store se khariden. Mulik mein aese stores kitne hain?

Awam ki bhari aksariyat aam dokanon se cheeni karedne pay majboor thi aur jin elaqon mein sarkari store the bhi to awam ko waha bhi mushkilat ka samna karna para. Utility stores ki chini bhi mili bhaghat se aam dokanon par farokhat hoti rahi aur logon ko mehnghe damon milti rahi aur aj tak mil rahi hai. Utility stores par chini ki qemat asal qemat se derah guna ziyadah thi is baat ko hukumat danista nazar andaz karti rahi. Hukumat ne sugar mil malikan ko qematein kam karne par majbor nahi kiya balke neb ne tehqiqat karana chahi to Sadar Perviz Musharaf ke humum par ise bhi rok deya gaya kyun ke is mein ba asar hukumati ehalkar mulavis the aur Wazirati kursiyon par barjaman the. Un ke khilaf tehqiqat se hukumati dhanche par manfi asrat muratab hone ka andesha tha.

June 2006 ke akhir mein Pakistan steel mills ki farokhat ke silsile mein Pakistan ki tarikh ka sab se bara maliyati scandle samne aya jis mein Supreme Court ko madakhlat karni pari. Sirf ye hi nahi KESC, PTCL ki nijkari, black cab, tracketer zarinalit, crislar aur railway coachon ke scandles ki baz ghasht bhi pore mulik mein suna di. Kisi mamle mein transparanci nahi thi. Commission aur kickback ka dor Dora raha, quomi assase koriyon ke mol farokhat keye gaye. Ye wo steel mills hai jis ne 2005 mein pedawar ke tamam records tor deye aur 6.5 billion rupe ka asal munafa hasil kiya. Supreme Court ke 9 arkan par mushtamil full bench ne Pakistan steel mills ki nijkari ko kaladam qarar de deya. Is steel mills ka 1971 mein sowit union se muhaide ke bad 30 December 1973 mein sang e buniyad rakha Gaya aur is ne 1981 mein pedawar shoro ki. 31 March 2006 ko

Privatization commission ne farokhat karne ki manzori de di. Is tarha 8 saal mein mukamal hone wale sab se bare sanati unit ko aik ghante ki karwai mein farikhat kar deya gaya.

23 August 2006 ko Wazir e Azam Shaukat Aziz ke khilaf tehrik e adam etimad jam karai gayi. Is notice mein Wazir e Azam ke khilaf 30 nukat par mushtamil charge sheet tayar ki gayi thi aur jis par opposition ke kam o besh tamam arkan ke dastakhat the. Charge sheet ein kaha gaya tha ke Wazir e Azam Pakistan steel mills ki privatization mein aain mein deye gaye mandate aur privatization ke qawanin ki khilaf warzi ke zimedar hain. Is notice mein 2005 mein stock market corruption karne ke zimedar brockers ke khilaf karwai na karne ka zimedar bhi Wazir e Azam ko theraya gaya. Chini, semint, gandum, railway arazi scandal samit degar bezabtagiyon ki zimedari bhi Wazir e Azam par dal de gayi.27 August 2006 ko ray shumari hoi jis ke natije mein tehrik e adam etemad nakam ho gayi. Mutehdah opposition ke 136 arkan ne vote dala jab ke tehrik ki kamyabi ke leye 172 vote darker the. Apne khilaf tehrik e adam etemad nakam hone ke bad se le ka raj tak Wazir e Azam Shaukat Aziz gahe bagahe aur phele se ziyadah shadomad ke sath awam ko adaad o shumar ki bhol bholaiyon mein masrof rakhe hoye hain aur zarebubadla ke zakhair ki khushkhabriyan sunane ka fariza anjam de rahe hain.

More Links


 

 

 

 

 

 

Copy right 2012-2014 www.urdubiography.com