Welcome to Urdubiography
Home >> Politicians >>Siraj Ul Haq  

 

 

Siraj Ul Haq

Siraj Ul Haq was born on 5th September 1962 in Dir district of Jandool village. He is 51 years old. Siarj ul haq is a Pakistani politician. He is a chief of Jamat e Islami. Jamat e islami is a social and conservative party in Pakistan. Siarj ul haq is elder than three Brothers and 2 Sisters. They all are calls him Khan Lala. His Father calls him Siraj Ul Haq and his Mother calls him Laali. He passed matric in Government Lal Qila School in 1980. Siraj Ul Haq selected as a member of Islamic Jamiat of Student in 1981. He received the degree of M.Ed from Punjab University in Lahore. Siraj Ul Haq married in 1992. He has five children, three sons named Mairaj ul Haq, Aijaz ul Haq, Zia ul Haq and two Daughters named Qudsia and Aisha. In this page you can see the information about Siraj Ul Haq.

Siraj Ul Haq Biography

Ameer jamat islami Pakistan Siraj Ul Haq zila Dir ke gaon Jandool mein 5 november 1962 ko paida hue. 3 bhaiyon aur 2 behno mein sab se barhe hain aur sab in ko Khan Lala keh kar pukarte hain. Bachpan intehai muflisi mein guzra. School jane ke liye 5 kilometer ka taweel rastaa paidal tey kiya karte the. 8 class mein the ke Islamic jamiat talba se wabasta ho gae. 1980 mein government school laal qilaa se matric kiya. Jis ke bad government college Temargirah mein dakhla le lia. 1981 mein islami jamiat talba ke rukun bana diye gaey. Apni tanzeemi zimmedariyon par sari tawajja markooz rakhi, jis ki wajah se in ki hazriyan kam parh gai aur yun in ko FA ka imtehan dene ki ijazat na mili. Doston ke mashware par islami university Islamabad mein dakhla liya. 1985 mein islami jamiat talba ki soobai nizamat ki zimmedariyan sambhali. October 1988 mein nazim e aala Pakistan bana diye gaey. Jis ki wajah se Lahore mein aa base. Qeyam e Lahore ke dauran Punjab university se M.Ed ki degree hasil ki.

1991 mein yeh zimmedariyan agle amanatdar ke supurd kar di aur amli zindagi ka aaghaz kar ke Temargirah mein khaad ka zaati karobar shuru kar diya, lekin tawajja na de sakne ke baiys band kar diya. Phir apne zile ki tehseel Samar baagh mein aik public school kamiyabi se chalaya. Isi dauran jamaat ki taraf se in ko tehseel ki amarat saunpi gai. 1992 mein rishta e azdawaj mein munsalik ho gaey. In ke 5 bache hain, Mairaj ul Haq, Aijaz ul Haq, Zia ul Haq, Qudsia aur Aisha hain. Aik arse tak jamat e islami ke general secretary rahe, dauran wazarat in ko jamaat e islami ki soobai amarat ki bhari zimmedariyan bhi hawale ki gai, magar ab in ke kandhon par nae zimmedari daal di gai, walid Siraj Ul Haq jab ke amma jaan in ko Lali kehti hain. Inho ne haliya dino jamat e islami Pakistan ke panchwe ameer ke taur par mansora ( Lahore ) mein apne auhdey ka hulf uthaya. Is se qabal soobai ameer, general secretary aur markazi naiyb ameer ke auhde par bhi kaam kar chuke hain.

Siraj Ul Haq Interview

Question : hukomat aur Taliban ke mabain muzakrat ko aap kis nazar se dekhte hain aur jamat e islami is barey mein kiya nuqta nazar rakhti hai ?

Siraj Ul Haq : Humen yeh dharti bohat piyari hai. Yeh hamari jaan hai, is ke behtar mustaqbil aur tameer o taraqqi ke liye sab se pehle aman ki zarorat hai jab ke tareekh is baat ki gawah hai kea man kabhi bhi jang o jadal se qaiym nahi hua hai, bal kea man ke qeyam ke liye muzakrat aur jirga system behtareen aur dair pa hal sabit hue hain. Chun ke jamat e islami bhi aik aman pasand jamat hai, jo har qisam ke tashaddud, chahe is ki shakal jaisi bhi ho, un sab ke khilaf hai. Muzakrat ke liye jo committee bani hai, us mein hamari jamat ka nuamiyda shamil hai. Jo jamat he ke nazariyat aur manshoor ki roshni mein aman ke qeyam mein apna kirdar ada kar raha hai. Committee to apni zimmedari nibha rahi hai. Ab yeh markazi hukomat ka imtehan hai ke wo is mein kis had tak sanjeeda hai aur kis had tak kamiyab hoti hai. Lekin main phir bhi yehi kahonga kea man ka qeyam har soorat hona chahiye aur yeh hum sab ki awwaleen zimmedari banti hai kea man ke qeyam mein apna apna kirdar ada karen. Jitni bhi siyasi jamatein hain, un sab ko isi aik nukte par mutaffiq hona parhega. Isi mein hamari bhalai hai. Isi mein hamara behtar mustaqbil hai. Siyasi nazaryat apni jagah mahar kaun aisa ho ga jo aman nahi chahega. Aman to zindagi ki ragon mein daurta hua khoon hai, jise rokna maut ko dawat dena hai.

Question : Brother mulk Afghanistan mein sadarti intekhabat ka pehla marhala mukammal ho chukka hai. Aap ki jamat ki humdardiyan kis ke sath hain ?

Siraj Ul Haq : Janab hamari hamdardiyan kisi fard o wahid ke sath nahi hain, bal ke Afghanistan ki awaam ke sath hain, wahan ki awaam guzishta 30, 35 saal se jang se mutassir chale aa rahe hain. Wahan bohat tabahi ho chuki hai. Pori aik nasal jang ke sholon mein paida hui, pali barhi. Is liye in ke pas mukammal aman ke siwa koi chara baqi na raha. Is liye pur aman aur islami Afghanistan ke behtar mustaqbil ke liye wahan ke tamam tabqat ka mauqiff aik hona chahiye. Ta ke aik mazboot islami Afghanistan ka qeyam mumkin ho sake. Afghanis ko apne aqeede ke mutabiq faisla karne ka mukammal ikhteyar aur azaadi honi chahiye. Afghanistan aik azaad aur khud muhtar mulk hai. Wahan ki awaam apne marozi halaat ke mutabiq jo faisla bhi karte hain, use tasleem karna chahiye aur kisi bhi mulk ko yeh haq hasil nahi ke wahan madakhlat kare. Is zaman mein Pakistan ko Afghanistan aur Afghanistan ko Pakistan mein qeyam aman ke liye apna kirdar adaa karna ho ga. Kyun ke dono brother mulk aik dosre ke sath mazhab aur saqafat samet deegar iqdar mein bohat si mushtarik qadron ke ameen hain.

Question : Sabiq president Parvez Musharraf par chalene wale muqaddamat ke hawale se siyasi mahaul kafi garam hai. Agar Musharraf ko saza milti hai to kaha jata hai ke is muaamle mein “ Kuch pardah nasheeno ke bhi naam aate hain ”. jamat e islami ka is hawale se kya mauqqif hai ?

Siraj Ul Haq : Dekhen ji, is waqt to sirf muqaddama Parvez Musharraf par chal raha hai, is liye hum in ke ilawa kisi aur ke barey mein kuch nahi keh sakte. Mulk mein qanoon, aain aur idarey maujood hain. Yeh in ka kaam hai jahan tak Parvez Musharraf ki baat hai to inho ne apne daur e iqtedar mein bohat si ghaltiyan ki hain. Mulk ki maaeishiyat ko tabah kar dala, bad amni ko hawa di, drone hamlon ki ijazat di, in ke daman par 50,000 begunah logon ke khoon ke dhabbe hain. Laal masjid aur jama hafsa ki talibat ko khoon mein nehla diya, balochon aur sardar Akber Bugti ko maar dala. Pakistan ka aain torah, is liye ab yeh adalat ka kaam hai ke wo is hawale se kiya faisla karti hai. Ab dekhte hain ke adalat in ke sath aain aur qanoon ke daaere mein kya salook karti hai…???

Question : Kashmirion ke haq khud iradiat ke hawale se jamat e islami ka mauqqif kiya hai ?

Siraj Ul Haq : Kashmirion ne haq khud iradiat ke liye jo qurbaniyan di hain, wo zaror rang laae. Jamat e islami kashmirion ki tehreek mein in ke sath hai. Tanaza Kashmir ko har form par uthaenge. Zarorat is amar ki hai ke hukomat Pakistan kashmirion ki khuwahishat ke mutabiq masla e Kashmir ke hal ke liye iqdamaat kare, bharat se baat cheat mein masla e Kashmir par 2 tok baat ki jae.

Question : Kya aap muzakrati amal se mutamaiyn hain ?

Siraj Ul Haq : Aik commando ne mulk ka berha garaq karne mein aeham kirdar adaa kiya hai, jis ne yeh kaha ke agar aksaryat pasandon ke khilaf operation shuru kiya gaya to yeh masla aik hafte mein hal ho jaega. Tahum yeh masla aisa gambheer hua ke aaj pora mulk is aag mein jal raha hai, lekin yeh baat khush aaiynd hai ke muzakrat ke zariye aman ki bahali ke imkanaat roshan hone lage hain. Is liye hum muzakrati amal se mutamiyn hain aur ab waqt aa gaya hai ke wafaqi hukomat Taliban ke sath muzakrat Islamabad mein karen aur agar markazi hukomat Islamabad mein Taliban ke sath barahrast muzakrat nahi kar sakti to Khyber pakhtunkhwa ki hukomat Peshawar mein baat cheat ka aehtemam kar sakti hai.

Question : Karkuno ke jaiz mutalbat aur jamat e islami ko fa’aal banane ke liye aap kya iradeh rakhte hain ?

Siraj Ul Haq : Dekhen ji, amal he zindagi ka pehla aur ba maqsad usool hona chahiye, jab aap khud islami tarz e zindagi ko apna kar Islam khud par laago karenge, to aap dosron ke liye role model ban jate hain. Meri bhi yehi koshish ho gi ke main khadim ban kar na sirf karkuno ke jaiz huqooq o mutalbat ke liye jaddo jehad karon, bal ke aik aam Pakistani ke liye bhi wohi soch ikhteyar karon jo apne liye rakhta hon. Tab to koi masla he baqi nahi rehta, tamam muaamlat nizam Mustafa S.A.W.W. kea en mutabiq aur mushawrat se agar aage barhte rahenge to main samajhta honk e hum aik falahi islami riyasat ke qeyam mein jald kamiyab ho jaenge, jis ke tehat har Pakistani shehri ko khuwa wo jamat se wabista ho ya deegar mazhabi o siyasi jamaton, kisi bhi rang o nasal, aqeede aur zaban se talluq rakhta ho, sab ko adal o insaaf aur bunyadi huqooq mil ke rahenge.

Qazi Hussain Ahmad Zulfiqar Ali Bhutto Nawaz Sharif
Altaf Hussain Pervez Musharraf Asif Ali Zardari

 

 

 

 

 

@Copy right 2012-2014 www.urdubiography.com