Welcome to Urdubiography

 

 

 

 

Vladimir Putin

Vladimir Putin Photo

Colonel Vladimir Putin is the czar of the new Russia. He was born on 7th October 1952 in Lennon Grad the City of vice Soviet Union. Vladimir Putin belongs to the Russian orthodox Christian family. He graduated in law and then he received the degree of doctorate in economics. Time magazine adjudged his for the person of the year in 2007. Vladimir Putin worked as a detective in the furtive agency of KGB. In 1991 he resigned from this agency. Vladimir Putin was a deputy mayor of Senate Peters Burg in 1994. In August 1999 he allocated the prime minister of Russia and same year Vice president Boris Ulsan resigned from presidential seat and appointed of Vladimir Putin as a president in 31st December. In 26th March 2000 Vladimir Putin selected as foreman kingdom and fortunately he succeed again in 2004 for the president. In this page you can see the biography and History Vladimir Putin In Hindi and Roman Urdu.

Vladimir Putin History In Hindi, Urdu

Is duniya mein bohat se log jaah o mansab ke peeche bhaagte dikhai dete hain, lekin Vladimir Putin ko dekh kar aisa maloom hota hai ke jaise aeham tareen auhdey khud in ka taqqub kar rahe hon. Yeh 2 martaba Russia ke president aur aik martaba prime minister ban chuke hain. Putin Russia sarbarah mumlikat banne wale sab se kam umer shakhs hain, inho ne yeh aezaaz sirf 48 baras ki umer mein hasil kiya. Inhe zehni aur jismani har 2 lihaaz se aik sakhtgeer leader samjha jata hai. Aik taraf to inhe marshal arts se na sirf qalbi lagao hai,bal ke wo judo ke mahir ( black belt, 6 dawn ) bhi hain. Jab ke dosri janib inhe jarihana mizaaj ka hamil aur khatraat mool lene wala politics samjha jata hai. Mauqir American jareede “ Time Magazine ” ne Putin ki qaidana salahiyaton ka aiteraf karte hue inhe 2007 ka Person of the year yani 2007 ki aeham tareen shakhsiyat qaraar diya hai.


Vladimir Putin ne 7 October 1952 ko sabqa soviet union ke shehar Lennon Grad ke aik ghareeb Russian Orthodox Christian family mein janam liya. Wo taleem ke maidan mein kisi se piche nahi rahe, inho ne qanoon mein graduation ke bad economics mein doctorate ki degree bhi hasil ki. Putin ko detective films se dili shaggaf tha aur inhe se mutassir ho kar inho ne qanoondaan ke bajae suragh risa’an banne ka faisla kiya aur soviet khufiya agency “ KGB ” mein shamoliyat ikhteyar kar li. 1991 mein colonel Vladimir Putin ne KGB se istefa de diya. 1994 mein wo senate Peters Burg ke deputy mayor ban gae. Mukhtalif auhdon par faiz rehne ke bad August 1999 mein Russian president Boris Ulsan ne Putin ko prime minister bana diya aur usi saal 31 December ko Ulsan ne president se istefa dete hue inhe qaiym maqam president muqarrar kiya. 26 March 2000 ko Vladimir Putin ko Russia ka naya sarbarah mumlikat muntakhib kar liya gaya. 2004 mein inho ne dobara sadarti intekhab mein kamiyabi hasil ki. Mubasireen ke mutabiq president Putin ke azam o iraade ki pukhtagi ne in ki kamiyabiyon mein behad aeham kirdar ada kiya gaya hai.


President Putin ko maghrabi zarae iblaagh ne nae Russia ka czar ka khitaab diya hai, guzre waqton mein Russia ke badshahon ko czar kaha jata tha. Vladimir Putin 2 martaba sadar muntakhib ho chuke hain aur in ki meyaad March 2008 mein khatam ho rahi thi lekin tab bhi in ka yehi kehna tha ke Russia ki taraqqi ke liye maujoda policies ka tasalsul aur khud in ka iqtedar mein rehna zarori hai. Mushkil yeh aa parhi ke Russia ke aaeyn kisi shakhs ko musalsal 3 martaba president ke auhde par faiz hone ki ijazat nahi deta, beharhaal ghanimat hai ke president Vladimir Putin ne kisi mawrae aaeyn iqdaam ke bajae 2012 mein sadarti intekhab larhne aur darmiyani arsaa prime minister ke taur par guzaarne ka andiya diya hai. Kisi ne shayad sach he kaha hai… “ Iqtedar ki kursi par gond laga hota hai… ”

More Links

 

 

 

 

Copy right 2012-2014 www.urdubiography.com