Welcome to Urdubiography
Home >> Showbiz >>Angelina Jolie

 

 

 

 

Angelina Jolie

Anjelina Jolie Photo

Angelina Jolie is one of the actors who got extra ordinary fame. Angelina Jolie born on 4th June 1975 in Los Angeles. Her father and mother were actors. She went to New York when she was 6 with her mother but after 5 years she came back to Los Angeles. Angelina completed her education from Beverly Hills High School. She started her career in 1982 from the film "lookin to get out". After that she acted in some television films and in some music videoes. She learned alot from her father. Angelina's acting career actually started in 1993 from the film "Cyborg 2". Some of her film are "Hell's kitchen, Playing by hearts, The bone collector, Girl interupted, Lar Corft Tomb Raider, salt, Wanted, Mr and Mrs Smith and Tourist. She got fame from her film Gia. She married three times, frist from Johnny Lee Miller, second from Billy Bob Thronton and now she is married to actor Brad Pitt. Angelina Jolie got 1 Academy, 2 Screen Guild and 3 Golden Globe Award in her film career. Angelina Jolie is a social worker. She was oppointed as the Embasider of Refuges from United Nations. In this page, you will read Hollywood actress Angelina Jolie Biography In Urdu and Roman Hindi.

Angelina Jolie Biography In Urdu, Hindi

Hollywood nagri mein jin adakaron ne ghair mamoli shohrat hasil ki, un mein aik naam Angelina Jolie ka bhi hai. Tekhe naqosh bari chamakdar aankhon aur surahidar gardan wali Angelina Jolie 4 June 1975 ko Los Angeles mein adakar John Voight ke ghar piada hoi. Un ki maa bhi adakara thein. In ki piadaish ke aik baras bad hi un ke walden mein elahdgi ho gai, jis ke bad Angelina aur un ka bhai maa ke sath rehne lage the. Bachpan mein Angelina pabandi se apni maa ke sath films dekhne jati thein. Jis ki wajah se un ke dil mein adakari ke bare mein dilchaspi paida hoti gai. Jab wo 6 baras ki hoi to apni maa aur sotele bap ke sath New York aagayen. Lekin 5 baras bad Angelina ne dobarah Los Angeles ka rukh kiya. Is bar Angelina ne adakari ke medan mein qadam rakhne ka fasla kiya. Angelina ne baqaidah adakari sekhne ke leye aik institue mein dakhla le liya jahan wo do sal tak adakari ki tarbiyat lene ke sath mukhtalif stage dramon mein bhi hissa leti rahein.14 baras ki umar tak pohanchne ke bad Angelina adakari ki tarbiyat adhori chor kar murdon ki akhri rasomaat ada karne ke kaam (funeral direction) mein dilchaspi lene lagen. Isi doran Angelina ne modling ki duniya mein qadam rakh diya. Us dor mein wo ziyadah tar siyah libas hi mein malbos nazar aati thein. Isi dorran aik larke se un ki dosti hoi jo 2 saal tak chali. Is ke bad Jolie Beverly Hills High School se taleem mukamal karne ke bad dobara adakari ki tarbiyat ki tataf mutawaja ho gayein. Logon se jazbati lagao ne unhen manshiyat ki lat mein mubtala kar diya. 20 saal li umar mein wo manshiyat ki adi ho chuki thein.

Screen par un ke career ka aghaz 1982 mein film "lookin to get out" mein apne walid John Voight ke sath mukhtasir kirdar ke sath howa. Is film ke audition mein Jolie ki bohat dushwari ka samna karna para tha. Is ke bad wo apne bhai ke school ke "television cinema" ke leye banai gai 5 filmon mein kaam karne ke sath sath chand gaon ki videoes meim bhi nazar ayen. Adakari mein Angelina ne apne walid se bohat kuch sekha hai. Adakari mein Angelina Jolie ke career ka baqaidah aghaz 1993 mein kaam bagudet ki science faction video film "Cyborg 2" se howa. Is ke bad Angelina ne "Without Evidence" aur "Hackers" mein kaam kiya lekin ye films box office par koi muqam hasil karne mein nakaam rahein. Us ke bad 6 filmon mein kaam karne se un ka career mustehqam to howa lekin sahi maino mein uhnein film "Gia" se maqboliyat hasil hona shuru hoi. Jis ke bad un ki fimon ki kamyabi ka silsila shuru ho gaya."Hell's kitchen, Playing by hearts aur The bone collector" un ki lagatar kamyab filmen thein.1999 mein film "Girl interupted" mein behtareen performance par unhein Acadmy Awarad se nawaza gaya. 2001 mein computer game Tomb raider par bane wali film "Lara corft, Tomb raider" mein Lara Corft ka kirdar ada karne ke bad un ki maqboliyat mein herat angez izafa howa aur unhein action heroin ke tor par jana jane laga. Isi film ke secovil mein bhi Angelina Jolie ka kirdar bohat pasand kiya gaya. Action filmon mein un ki "Mr and Mrs Smith, wanted salt" aur Johnny Depp ke muqable mein film "Tourist" sab se ziyadah qabil e zikar hain. Angelina Jolie sirf aik kamyab adakara hi nahi balke insan dost shakhsiyat ki bhi malik hain. In ke falahi kaamon ki aur Bosnia ki jangi qadiyon ke leye kaamon ki wajah se unhein United Nations ke High Commissioner baraye panah guzeen ne unhein apna khair sagali safeer muqarar kiya tha. Angelina Jolie ne Iraq, Combodia aur Afghan muhajreen ke leye bhi bohat kaam kiya aur un ki bahali ke leye record funds jama kiye.

Angelina Jolie 2 bar Pakistan bhi aachuki hain, pheli bar 2005 mein zalzala zadgan ki amdad ke leye jab ke dosri bar selab zadgan ki madad ke leye 2010 mein aai thein. Is ke elawa Angelina Jolie ne duniya bhar ke qehat zadgan aftad ke leye bhi bohat kaam kiya.2003 se wo siyasi satah par bhi America mein falahi kaamon mein sar garm hain. Inhein kaamon par unhein kai azazat se bhi nawaza gaya. Jab ke filmi career mein unhein aik Academy, 2 Screen Guild aur 3 Golden Globe award hasil kiye.2009 mein Forbes nami jaride ne unhein sab se ziyadah mawza lene wali adakara qarar diya. Unhein kai jaridon mein purkashish aur khubsorat tareen khawateen mein sarefehrist rakha.

Angelina Jolie apni sehat ki taraf se hamesha fikarmand rehti hain. Sartan ka marz unhein wirasat mein mila hai, khas tor par chati ka sartan. Is bachne ke leye unhon ne qabal iz waqat apne sene ki surgery (mestectomy) karali hai. Hollywood ki kai adakaraon ki tarah Jolie li zaidagi mein bhi kai afrad se taluqat rahe hain. Un ka phela boy friend 14 baras ki umar mein bana tha.1995 mein un ke adakar Johnny Lee Miller ke sath taluqat qaim howe jis ke aik baras bad unhon ne shadi kar li jo 1999 mein apne anjam ko pohanchi. Is se qabal 1996 mein Jolie hum jins parasti ki taraf bhi maill ho gai thein. May 2000 mein Jolie ne adakar Billy Bob Thronton se shadi kar li. Ye shadi bhi 3 baras tak hi chal saki.2005 mein un ke taluqat adalar Brad Pitt ke sath qaim howe jo abhi tak barqarar hain. Un ke 3 bache hain jab ke unhon ne 3 bache god bhi liye hain. Angelina Jolie ki zindagi ke kai phelo hain lekin unhein khas tor par insan dost adakar ke tor par jana jata hai.

Mathira Salman Khan Sonal Chauhan
Educated Bollywood Stars Farooq Sheikh Asif Ali Zardari

 

 

 

 

@Copy right 2012-2015www.urdubiography.com