Welcome to Urdubiography

Home >> Showbiz >>Anwar Maqsood Hameedi

 

 

 

 

 

 

 

 

Anwar Maqsood Hameedi

Anwar Maqsood Hameedi Photo

Anwar Maqsood Hameedi is the humor legend. He was born on 7th September,1935 in Hyderabad Deccan, India. Anwar Maqsood is a very sincere and great personality. He is the brother of very famous chef Zubaida Tariq. And Anwar Maqsood Hameedi is the Father of Bilal Maqsood, he is a Pakistani Guitarist. Bilal Maqsood work as a guitarist in the band named Strings. Anwar Maqsood married a drama writer named Imrana Maqsood. He belongs to the very educated and cultured family. Anwar Maqsood received his early education from the Gulberg Trust School, Aurangabad. After the separation of Pakistan he migrated to the Karachi with his parents and 10 siblings. Then he lived in PIB colony. Anwar Maqsood is a writer, poet and artist also. In this page you can see the information about Anwar Maqsood Hameedi.

Anwar Maqsood Biography In Urdu

7th September ,1935 ko Bharat ke shehar Hyderabad Deccan mein paida hone wale Anwar Maqsood Hameedi ko aik zamana sirf Anwar Maqsood ke naam se janta hai. Inho ne apni haft pehlon shakhsiyat se aik pori nasal ko sairaab kiya hai. Wo tanz o mazah ke likhari hain. In ki pehchan aik mukalma saaz aur jumlagar ki hesiyat se ki jati hai. Bazahir khamosh tabaa, apne aap mein magan dikhai dene wale Anwar Maqsood darasal zamane ko bohat gehri tanqeedi nazar se dekh rahe hote hain. Wo apne samne barhe se barha saneha hota bhi bohat tahammul se dekhte hain, magar jab qalam ka hathiyar le kar wo kaghaz ke maidan mein is saneha par awaaz uthane nikalte hain, to aesi kaari zarb lagate hain ke muaasharti sudhar ka koi pehalwan se bach kar nahi nikal sakta. Anwar Maqsood intehai simple aur mukhtasir alfaaz mein duniya ka behtareen mazah takhleeq karne ke fun par malka rakhte hain. Khas taur par Television ka script Anwar Maqsood ke zor e qalam ka marhoon e minnat hai. Inho ne TV par Fifty Fifty, Show Sha, Show Time, Studio Dhai, Studio pone teen, Silver Jubilee, Aangan Terha, Nadaan Nadaniyan, Loose Talk, Half Plate, Sawa 14 August, Pone 14 August, jaise shows aur dramas itne achote aur munfarid andaaz mein likhe hain kea b jahan bhi acha nashriyati mazah likha ja raha hai. Wo Anwar Maqsood ki chaap ke bagher likhna mushkil hai. Pichle chand saalon se Anwar Maqsood ( Almaroof Anu Bhai ) ne apne TV shows ko stage par karne ka shandar tajurba bhikiya hai. Wo in dramas ko Karachi, Lahore aur Islamabad ke sath sath Dubai, America aur duniya ke mukhtalif mumalik mein ja kar bhi stage kar rahe hain. Khusosan in ke Loose Talk ke mushaiyron ke chahne walon ki taadad bhi ab din ba din barhti he ja rahi hai.

Anwar Maqsood ko haft e pehlo shakhsiyat is liye kaha jata hai, kyun ke wo baik waqt poet, writer, drama nigaar, mussawir, maizbaan aur actor ki hesiyat se kaam kar rahe hain. Kisi ne in se kaha ke yeh to 6 khusosiyat hui, phir aap ko hift pehlo shakhsiyat kyun kaha jae, to Anwar Maqsood ne apne makhsoos tanziya andaaz mein muskurate hue kaha, aap bhool rahe hain meri 7th khusosiyat yeh hai ke main Zubaida Aapa ka bhai bhi hon.

Anwar Maqsood ka talluq aik nihayat ba salahiyat ilmi, adbi aur saqafti gharane se hai. In ki aik behan Fatima Suraiyya Bajiya Drama nigaar hain. Dosri behan Zehra Nigah famous poet hain. Teesri behan Bunto Kazmi aik aehadsaaz designer hain, jinhe khud Anwar Maqsood sharartan, ghararon ka sadqain kehte hain. Zubaida Tariq bhi Anwar Maqsood ki behan hain, jab ke in ke aik Bhai late Ahmed Maqsood Hameedi kohna mushq bureaucrat the. Anwar Maqsood ka beta Bilal Maqsood Strings jaise maqbool zamana music band ka guitarist hai aur in ki wife Imrana Maqsood bhi drama writer hain.

Hyderabad Deccan ke Gulberg trust school, Aurangabad se ibtedai taleem hasil karne wale Anwar Maqsood qiyam e Pakistan ke bad apne waldain aur 10 behan bhaiyon ke sath Karachi hijrat kar ke aae the. Yahan aa kar in ka khandan ibteda mein PIB colony ke rehaiyshi rahe. Anwar Maqsood ko aaj bhi apne un ibtedai aur ghurbat ke dino se utna he pyaar hai, jitna pyaar wo apne likhe hue jumlon se karte hain. Sureele singer, ache poet aur achi tasaweer Anwar Maqsood ki bunyadi kamzoriyan hain. Wo Qauid e Azam Mohammad Ali Jinnah ke aashiq hain. Inhe Madam Noor Jahan, Roshan Ara Begum aur Ustaad Barhe Ghulam Ali Khan se aqeedat hai. Anwar Maqsood Moin Akhter ki wafaat ke bad khud ko aadha mehsoos karne lage hain. In ka khayal hai ke aaj bhi acha adab meyari couplet aur pur asar picture, muaashre ki butaiyan khatam karne mein markazi role ada kar sakte hain.

Log yaqinan yehi samajhte hain ke Anwar Maqsood mulk ke sab se ziyada muaawza lene wale writer ya mezbaan hain, magar Anwar Maqsood inkeshaf karte hain ke aaj bhi in ke ghar ka chohla in ki banai hui pictures se jalta hai.


Mathira Salman Khan Sonal Chauhan
Educated Bollywood Stars Farooq Sheikh Asif Ali Zardari

 

 

 

 

 

@Copy right 2012-2014 www.urdubiography.com