Welcome to Urdubiography
Home > Showbiz >Attaullah Esakhelvi  

 

 

Ataullah Esakhelvi

Attaullah Esakhelvi  Photo

Attaullah Esakhelvi is a pride of folk singing. He was born on 19,August 1951 in Mianwali. Attaullah Esakhelvi is a very famous and well-known celebrity of Pakistan. He belongs to very simple and religious family. Attaullah Esakhelvi received his early education from the local school and theology academy. He was very fond of singing, but his family was not agreeing with him. So that’s why he had to leave his own city Mianwali. Then he worked hard and went to Faisalabad and driven an auto rickshaw. After a long period of hardness, the company named “ Rehmat Gramophone House ” recorded his songs. Esakhelvi recorded his first two songs, “ Idhar Zindgai ka Janaza Uthega ” and “ Naki Jae Gal Tu Rus Naa Ae Dhola ”. His real name was ataullah Niazi, but after the separation of family, his name is Ataullah Esakhelvi.

In 1980 he went to England for tour. In England Attaullah Esakhelvi married with a Pakistani ethnography British lady. He has one son with her. He got second marriage with Bazgha, she is very famous manuscript actress and they have only daughter named Laraib and only son named Sanwal. They both were born at London. Attaullah Esakhelvi has been sung forty thousand songs in seven languages of Pakistan. He received honorable award from the Government of Pakistan and Life time achievement award from the queen of England. He entered in Guinness book of World record for the singer of most recorded albums. In this page you can see the biography of Ataullah Esakhelvi.

Attaullah Esakhelvi Biography In Urdu

Attaullah Esakhelvi ka shumar un gine chune artists mein kiya jata hai, jin ki maqboliyat, mutarrif hone se le kar shohrat ke urooj tak pohanchne tak radio, TV ya film ke marhoon e minnat nahi hai. Agarcha aise artists mein Munni Begum aur Aziz Miyan qawaal ka naam bhi shamil hai. Lekin top of the list Attaullah Esakhelvi ka naam he samjha jata hai. Jin ki ibtedai zindagi aur urooj ki daastan qabil e rashk bhi hai, dilchasp bhi aur kar hawalon se qabil e taqleed bhi. Ataullah Niazi ne 19 August 1951 ko Mianwali ke village Esakhel ke aik sadah aur mazhabi gharane mein janam liya. Inho ne ibtedai taleem maqami school aur deeni madarsey se hasil ki, jo khandan aur mahaul ki riwayat thi, lekin in ki riwayat shikan soch aur khayalaat inhe muztarib rakhte. In mein mauseeqi ka shauq paida hua to inho ne gungunana shuru kar diya. Jab school teachers ne in ki awaaz suni to Mukesh aur Rafi ke songs ki farmaiysh karne lage aur hausla afzaai karne ke sath sath yeh dars bhi dete rehte ke singing na chorna. Tahum ghar ka mahaul is kharafaat ki ijazat nahi deta tha, isi liye Attaullah Esakhelvi chup chup kar gaate, lekin baat chupi na rahi aur jab khuli to sirf ghar walon ne he nahi, khandaan ke logon ne bhi gaane bajane wale Ataullah Niazi ko tanbee ki aur singing tark karne ke liye kaha. Lekin ataullah ne singing chorne ke bajae Mianwali he chor diya. Is ke bad nagar nagar ki khaak chaante rahe. Mehnat mazdoori hotel mein nokri, truck driving, gharz zinda rehne ke liye inho ne kya kuch nahi kiya. Aise mein logon ke narva sulook aur halaat o waqeaat ki be rehmi ne in ki awaaz mein jo dard paida kiya. Wohi un ki infaradiyat bana. Gardish ayyam inhe Faisalabad le gai, jahan wo auto rickshaw chalate rahe. Yahin qismat ki devi un par meharban hui aur “ Rehmat Gramophone House ” naami aik company ne un ke songs ki recording ki… “ Udhar Zindagi Ka Janaza Uthega ” aur Saraiki geet “ Naki Jae Gal Tu Rus Naa Ae Dhola ” ( Choti si baat par naraz ho jate ho maahi ), jab market mein aae to jaise hulchul mach gai. Har taraf ataullah Niazi ki singing ka charcha hone laga. Lekin us daur ke mustand singers ne unhe be surr iqraar de kar mustarid kar diya. Singing se talluq rakhne wale gharano ne ataullah ki singing ko mauseeqi ke sath narwa sulook se tabeer kiya. Parhe likhe log jinhe gaeyki aur mauseeqi se shinasaai ka zaaym tha. In ki mehfilon mein ataullah Niazi ki gaeyki ke liye koi gunjaish nahi thi. Radio aur TV jo maand parhte sitaron ki kafalat he nahi bal ke ubharte hue artists ke hausla afzaai ki riwayaat bhi rakhte hain. Ataullah Niazi ko sunne walon ko zehni taur par pasmandah, nakhuwandah aur mauseeqi ka aamiyana zauq rakhne wala samjha jata tha. Lekin dosri taraf village, dehaat, qasbon, buses, wagons aur chae khano mein Attaullah Esakhelvi ki awaaz ka tota bol raha tha. Taweel musafat ke liye buses ka ticket lene wale pehle yeh istafsaar bhi karte ke Attaullah Esakhelvi ki cassette lagaoge ?

Mianwali ke logon ne inhe bataya ke tumhare naam se Esakhel mein hotel khul gae hain. Jagah jagah tumhari taswirein lagi hain aur Mianwali mein sirf tumhari cassette he farokht hoti hai, to Attaullah Esakhelvi ne phir Esakhel jane ka qasd kiya. Pazeerai to khoob mili, lekin ghar walon ka rawaiyya na badla. Kyun ke ghar walon ka khayal tha ke singer ban kar Attaullah Esakhelvi ne Niaziyon ka naam dubo diya hai. Yeh sunn kar Attaullah Esakhelvi kapre jhaar ke yeh kehte hue uth khare ho gae ke “ Apne Ghar Rakho Niazi, Mai Aaj To Esakhelvi Aan ” aur is tarah ataullah Niazi se Esakhelvi ho gae. Phir yeh hua ke radio Pakistan ke farmaishi naghmon ke programs mein 90 % log Attaullah Esakhelvi ke songs ki farmaiysh karte. Radio hukkam par bhi is hawale se dabao dala jata ke wo apni nashriyat mein Attaullah Esakhelvi ko madaoo karen aur aakhirkar majboor ho kar Attaullah Esakhelvi se radio Pakistan aane ki darkhuwast karni parhi. 70 ki dehaai ka yeh wo zamana tha jab Attaullah Esakhelvi aik cassette ki recording ka muaawza 1 lac rupees liya karte the. Tahum radio par songs ka muaawza inhe 60 rupey ka cheque mila, jo inho ne cash nahi karwaya aur aaj tak sambhal kar rakha hua hai. Sirf yehi nahi bal ke radio par recording se qabal inhe audition ( Awaaz Ki Qaulity ka Imtehaan ) kea mal se bhi guzarna parha. Phir aahista aahista un ki singing ne tabqa ishrafia ke drawing rooms, cars ke sound systems aur video libraries mein jagah bana li. Beron e mulk basne wale Pakistani jab Watan aate to doston aur aehbaab ki farmaiysh pori karne ke liye barhi tadaad mein in ke cassette tohfatan le kar jate. Is tarah Europe aur Mashriq Wastee mein bhi wo Pakistan ki aik manoos aur maqbool awaaz ban gae. 1980 mein inho ne pehli martaba British ka tour kiya to wahan bhi dhoom macha di. Diyar e ghair mein basne wale in ke songs sunn kar apno ko yaad karte to in ki aankhon se aansoo rawaa’n ho jate. Naujawan ladke aur ladkiyan walihana raqs karte to gorey bhi be saakhti ke aalam mein in ka sath dete. England aamad o raft ka silsila shuru hua to aik Pakistani nasaad British ladki ko dil de bethe. Yeh in ki pehli shadi thi, jis se in ka aik beta bhi hai. In ki dosri shadi apne daur ki famous qalmi actress Bazgha se hui, jin se in ke 2 bache beta Sanwal aur beti Laraib hain. In dono bachon ki paidaish London mein he hui. Laraib ki shadi bhi aik Pakistani ladke se London mein he hui, jab ke Sanwal singing ka shauq rakhte hain.

Islamabad mein derina dost Yasir Noman, jinho ne lok virsa mein un ki sab se ziyada recording ki, mohabbat se Lala ( Barha Bhai ) pukarte the. Is tarah wo aaj tak sab ke Lala he hain. Yeh aezaaz ab tak Attaullah Esakhelvi ke paas he hai ke recording aur farokht hone wale cassettes mein sab se ziyada in ki singing ke he hote hain. Wo Pakistan ki 7 languages mein ab tak 40,000 songs gaa chuke hain. Inho ne hukomat e Pakistan se tamgha e imtiaz hasil karne ke sath Malika British se life time achievement award bhi hasil kiya hai. 1994 mein in ka naam sab se ziyada audio albums recorder karane wale singer ke hawale se Guinness Book of World record mein bhi darj tha. Torkham se Karachi tak truck drivers ka safar un ki awaaz ke sath hota hai. President Ayyab Khan, Mohtarma Fatima Jinnah, baaz dosri shakhsiyat ki tasaweer to beshumaar trucks ke aqbii hisson par bani nazar aati hain, Lekin Attaullah Esakhelvi mulk ke wo wahid artist hain jin se wabistegi ka izhaar buses aur trucks ke piche tasweer banwa kar bhi kiya jata hai.

 

Benazir Bhutto Zulfiqar Ali Bhutto Nawaz Sharif
Altaf Hussain Pervez Musharraf Asif Ali Zardari

 

 

 

 

@Copy right 2012-2014 www.urdubiography.com