Welcome to Urdubiography
Home > Showbiz >Bushra Ansari  

 

 

Bushra Ansari

Bushra Ansari was born on 15 May 1956 in Karachi Pakistan. She is 57 years old. Bushra Ansari is a daughter of famous journalist and writer Ahmed Bashir. She received her early education in Lady Griffin School from Lahore. After that she studied intermediate in College for Women from Lahore and then she received B.A. from Waqarunnisa College for Women. She married with the TV producer Iqbal Ansari in 1978. Bushra Ansari has two daughters, elder daughter is Nariman Ansari, she is a photographer and younger daughter is Meera Ansari, she is a model.

Bushra Ansari is a Pakistani drama actress, presenter, host, comedian, singer and play writer also. She married with She started her career as a child star in children music show “ Kalbon Ki Mala ” from PTV channel. First time Bushra Ansari performed in the Iqbal Ansari’s drama, and then she participated in the different shows and dramas of PTV channel. She played a nurse role in “Emergency Ward” drama. Bushra Ansari well known from the Anwar Maqsood’s drama “Shosha” as a role of Bijli.

She played a very fantastic role in the drama serial “ Aangan Terha ” with Shakeel Siddiqui and Saleem Nasir ( Late ). Bushra Ansari performed in very well known dramas like, Neeli Dhoop, Kuch Dil Ne Kaha, Makaan, Fifty Fifty, Dolly Ki Aaegi Baraat, Annie Ki Aaegi Baraat, Mera Naseeb, Bilqees Kaur, Mere Dard ko Jo Zuban Mile etc. Now she is working in the Pakistan Idol as a judge with Hadiqa Kiyani and Ali Azmat from Geo TV. Bushra ansari received many more different prizes and awards in her life. She received an award of Pride of performance and Women life achievement award from Benazir Bhutto. She won the PTV award and Lux style award also. Bushra ansari performed very interesting role in the film “Abhi To Main Jawan Hon” from Geo TV. In this page, you can see Bushra Ansari biography in Urdr.

Bushra Ansari Biography

Bushra Ansari

Bushra Ansari ki sakhsiyat ke kae roop hain. Yeh beyk waqt actress, singer, host, comedian and drama nigaar ke taur par pehchani jati hain. Bushra Ansari ne aik child performer ke taur par apna career shuru kiya aur guzishta 4 dihaiyon se television screen par mukhtalif andaaz mein apne fun ka jadoo jaga rahi hain. Pakistani showbiz World mein Bushra Ansari se ziyada bharpor aur taweel career kisi ke hisse mein nahi aaya. Inka har andaaz munfarid aur har roop judagana hai. sanjeeda acting, comedy, parody, singing, hosting aur ab drama nigari. Inho ne har field mein apna loha manwaya hai. is mein koi shak nahi ke wo khudadad salahiyaton ki malik hain, lekin yeh credit bhi unhi ko jata hai ke inho ne un salahiyaton ko behtar tariqey se istemal kar ke wo maqam hasil kar liya hai. jahan tak pohanchne ka koi tasawwur bhi nahi kar sakta.

Early life : Bushra Ansari namwar adeeb aur sahafi Ahmed bashir ki beti hain. Wo Karachi mein peyda hui. Lady griffin school Lahore se taleem mukammal karne ke bad Lahore college for Women se Intermediate kiya. Jab ke B.A. ki degree Waqarunnisa college for Women se hasil ki. Bushra Ansari ki shadi 1978 mein Tv producer Iqbal Ansari se hui. Jis se in ki do betiyan hain. Intehai masroof aur mashoor fankara hone ke bawajood inho ne aik biwi aur maa ka role pori zimmedari se adaa kiya. Bushra apni family se bohat ziyada attached hain aur fursat ka tamam waqt ghar walon ke sath he guzarti hain.

Career : Bushra Ansari sirf 9 saal ki umer mein he PTV ke children music show, Kalbon ki Mala ki regular performer ban gai thin. Jab wo apne parents ke sath Islamabad muntaqil hui. To Farooq Qiaser ne inhe apne show Kalliyan ke liye muntakhib kiya. Yeh aik kat putli show tha, jis ke kirdar Uncle Sargam, Heega aur Masi Musibtey aaj bhi logon ke zehno mein zinda hain. Bushra ne is show mein sharmeeli ke character ke liye apni awaz record karwai thi. Is ke ilawa wo show ke deegar roles ke liye bhi songs gaya karti thin. Bunyadi taur par yeh bahon ka show tha, lekin ise har umar ke nazreen barhe shauq se dekha karte the. Bushra ne sab se pehle Iqbal Ansari ke aik drama mein acting ke johar dikhaey. Is ke bad wo PTV ke mukhtalif shows aur dramas mein baqaiydgi se hissa lene lagein. Emergency ward mein inho ne aik nurse ka role nibhaya. Lekin Bushra ko sab se ziyada shohrat Anwar Maqsood ke show Shosha se mili. Jis mein bushra ne bijli ka role adaa kar ke meyla loot liya. Yeh character itna popular hua ke jab kabhi Bushra Ansari kisi show ke silsile mein beyron e mulk jati to in se bijli ka character karne ki farmaiysh ki jati. Bushra Ansari ka aik aur aeham show Aangan Terha hai, jise Anwar Maqsood ne likha aur us mein inho ne Shakeel Siddiqui aur Saleem Nasir Marhoom ke hamrah yadgar performance di. Is show mein Bushra Ansari ne Shakeel ki larhaka biwi ka role kiya tha. Comedy shows ki bat ho to sab se pehle PTV ki tareekh ke maqbool tareen show Fifty Fifty ka naam zehan mein aata hai. is show ko maqboliyat ki bulandiyon tak pohnchane mein Jahan Ismail Tara aur Majid Jahangir ki lajawab performance ka dakhal tha to Bushra Ansari ne bhi apni parodies ke zariye is show ko kamiyab banane mein koi kasar na chori. Bushra Ansari ne na sirf mazahiya role he nahi bal ke sanjeeda acting mein bhi apni salahiyat ka bharpor muzahira kiya. Neeli Dhoop, Makaan, Kuch Dil Ne Kaha aur deegar dramas mein in ki acting dekhne se talluq rakhti hai. inho ne chehre ke tasurrat aur body language ke zariye in roles mein jaan daal di. Bushra Ansari ne har umer ke role adaa kiye hain, jin mein young, udherh aur old age sab he shamil hain.

Personality : Bushra Ansari ko sirf acting mein he malka hasil nahi, bal key eh aik shandar shakhsiyat ki bhi malik hain. Yeh guzishta 40 saal se mini screen par apni salahiyaton ke johar dikha rahi hain aur din ba din in ke har sitaron ki tadad mein izafa hota ja raha hai. kyun ke wo janti hain ke waqt ke sath sath apne kaam mein kya tabdeeli lai ja sakti hai. dilchasp harkaat, dilkash personality aur khobsurat chehre ki malik Bushra Ansari har umar ke nazreen mein popular hain. Chand maah qabal inho ne Geo TV ke show Dolly ki Aaegi Baraat mein Saima Chaudhry ka role play kar ke is serial ko mazeed dilchasp bana diya. Go ke inho ne sanjeeda aur tragedy character bhi barhi maharat se adaa kiye hain, lekin nazreen inhe comedy aur interesting roles mein he dekhna pasand karte hain. Bushra Ansari aik kamiyab host bhi hain. Inho ne TV shows ke ilawa kae award shows, stage shows aur mukhtalif taqareeb mein hosting ki hai. haal he mein Hum Tv ne Indian dinger Mikka Singh ke music show ka aehtemam kiya, to us mein bhi mezbani ke faraiyz Bushra Ansari ne he adaa kiye. Wo apni bazla sanji, hazir jawabi, aur dilchasp jumlon ki badaulat kisi bhi function mein jaan daal deti hain. Ab inhe aik aur aezaaz hasil hua hai. bushra Geo Tv ke music show Pakistan Idol mein Hadiqa Kiyani aur Ali Azmat ke sath judge ke faraiyz anjaam de rahi hain. Bushra Ansari Tv ke liye dramas bhi likh rahi hain. In ke tehreer karda serial Neeli Dhoop, Makaan, Kuch Dil ne Kaha aur Dil hai Chota Sa, behad maqbool hue.

Awards and Prizes : Bushra Ansari ko apne career mein beshumar award aur aezazaat mile hain. Jin mein pride of performance bataur khas qabil e zikar hain. Inhe sabiq sadar Parvez Musharraf ne apne daur mein sadarti award aur sabiq wazeer e aazam Benazir Bhutto ne Women Achievement award diya tha. Bushra Ansari PTV award ke ilawa kae martaba Lux style award bhi jeet chuki hain.

TV Shows : Fifty fifty, show time, rang tarang, loose talk, Saturday night live, Dolly ki aaegi baraat, mera naseeb, annie ki aaegi baraat, mere dard ko jo zuban mile, bilqees kaur, aangan terha, kalliyan, emergency ward, waghera.

Filmography : Bushra Ansari ne Geo films ki Abhi to Main Jawan hon mein bhi aik dilchasp role play kiya tha.

Madam Noor Jehan Mehdi Hassan Waheed Murad
Muhammad Ali Nusrat Fateh Ali Khan  

 

 

 

 

@Copy right 2012-2014 www.urdubiography.com