Welcome to Urdubiography
Home >> Showbiz >>Dua Malik  

 

 

 

Dua Malik

Dua Malik was born on 1 June in Karachi. She is a Pakistani singer. Dua Malik received the degree of Business Administration. She likes basketball in sports. Dua Malik is very fond of reading books of mind sciences. She likes the flower of Jasmine and pink color. Dua Malik likes all dishes. She said that, her ideal is her Mother. Now Dua Malik is starting performance in the morning show from Express Entertainment, named “Sur Sath Sawera”. She sung title song of different dramas from private channel. Dua Malik released her first song was “ Raanjhanaa ”. In this page, you can see the information and news about Pakistani Singer Dua Malik In Urdu and Roman Urdu.

Pakistani Singer Dua Malik

Dua Malik ne showbiz ki chakachond mien bataur singer apne career ka aaghaz kiya aur aaj Express Entertainment par Morning show ki host ke taur par nazreen mien maqboliyat hasil kar rahi hain. Inho ne saaz aur suron ki baqaiyda tarbiyat hasil ki aur phir mukhtalif private channels ke dramas ke title song gaey. Dua ka kehna hai ke chand title songs ke bad he mujhe aehsaas ho gaya ke main achi singing kar sakti hon.

Yeh fun seekhne ke sath main ne apna pehla song Ranjhna release kiya. Jis ka bohat zabardast response mila. Mujhe television par kisi program ki hosting karne ka shauq bhi tha. Maloom nahi kyun main yeh samajhne lagi ke Pakistan mien gaeyki ka scope bohat kam ho gaya hai. Mujhe lagta tha ke yahan talent waste ho raha hai aur humen music ke liye kuch karna chahiye. Khush qismati se mujhe express entertainment jaisa barha aur maussir platform mil gaya. Yahan mere music ke barey mien idea ko bohat pasand kiya gaya aur yun Sur sath sawera ka aaghaz hua. Apne show ke zariye meri team aur main basalahiyat aur nae chehron ko Pakistan bhar mien apne nazreen ke saamne laenge. Yeh show Pakistan mien music ko farogh dene aur basalahiyat afraad ko aage le kar jane mien aeham kirdar adaa karenge.

Dua Malik ka kehna hai ke express entertainment ke liye show karne ka tajurba boat acha raha. Producer aur show ki team se bohat kuch seekhne ko mila aur seekhne ka yeh silsila jari rahega. Dua ke mutabiq wo apne program ke liye munfarid aur qabil tawajja mauzoaat ka intekhab karengi. Wo subha ka aaghaz kisi aise mauzoo se nahi karna chahti, jis se nazreen afsurdah aur mayoos ho jaey. Wo chahti hain ke in ka show dekhne walon ka din pareshani mien na guzre. Bal ke wo hanste hue auir khushi khushi apni subha ki shuroaat karen. Dua Malik kehti hain ke inhe Jasmine flower and Pink color pasand hai. Khano mien ahr dish achi lagti hai. Monsoon ka mausam Dua Malik ko bohat bhata hai. Dua Malik apni waldah ko apna ideal batati hain.

Dua Malik Karachi mien peyda hui. In ki tareekh pedaiysh 1 June aur star joza hai. Inho ne business administration ke mazmoon mien degree hasil ki hai. Sports mien inhe basketball bohat pasand hai. Jab ke mind sciences se mutalliq books shauq se parhti hain. Dua Malik ke mutabiq khuwab dekhna zarori hai aur phir is ki tabeer hasil karne ke liye mehnat bhi karni chahiye. Wo kehti hain. Insaan ki zindagi mien qismat ka aeham role hai. Lekin mehnat karna zaroori hai. Is ke sah naik niyati bhi kamiyabi ka husool mien aeham kirdar adaa karti hai.

Dua Malik ka apne paristaron, khusosan ladkiyon ke liye pegham hai ke wo apni zindagi behtar banane ke liye sochen aur amli taur par qadam uthaey. Apni dilchaspi aur rujhan ke mutabiq kisi profession mein aage barhen aur Maa Baap ka sahara bane.


Farooq Sheikh Salman Khan Nawaz Sharif
Altaf Hussain Pervez Musharraf Asif Ali Zardari

 

 

 

 

@Copy right 2012-2014 www.urdubiography.com