Welcome to Urdubiography
Home >> Showbiz >>Emma Watson  

 

 

 

Emma Watson

Emma Watson Photo

Emma Watson is a Hollywood film actress. She was born on 15th April 1990 in Paris. Emma Watson belongs to the British lawyer’s family. She is a role model for the teen ager girls. Emma Watson played a role of Harmony Granger in the very famous film “ Harry Potter ”. After this she played two more successful role in the film “ The Pricks Of Being Wolf Ware ” as a Sam and “ The Baling Ring ” as a Nicky. Emma Watson studied acting, singing and dancing at the age of six. Till the age of ten years she worked in many theaters. But now she is completing her study in an American University. Forbes magazine gave her 6th number in the top of the list of the artists. In this page you can see the information about Emma Watson.

Emma Watson Biography In Urdu

Jab Emma Watson ko tilismati kahaniyon ke silsile Harry Potter par mabni films mein Harmony Granger ke role ke liye cast kiya gaya to inho ne yeh role is tarah play kiya ke aane wale barson mein yehi in ki shanakht ban gaya. Koi nahi janta tha ke 15 April 1990 ko Paris mein British lawyers ke ghar mein paida hone wali actress apne career ke mukhtasir se arsey he mein itni shohrat hasil kar lengi.

Simple si ladki yeh role play kar ke kae kam umer girls ki role model bhi ban gai. 8 baras tak film beeno aur jaraiyd mein barhti hui maqboliyat ke sath is ne apne role ko ba khobi ada karte hue glamour ki chakachond kar dene wali duniya ke mutabiq khud ko munasib andaaz mein dhal liya hai. Harry Potter ki kamiyabi ke bad Emma Watson ne 2 aur role kamiyabi se adaa kiye. Pehla karishmati khuwahishat se bharpor film The Pricks of Being Wolf Ware mein Sam ka aur dosra The Baling Ring mein Nicky ka.

Emma Watson 5 baras ki umer tak apne waldain ke darmiyan alehdgi tak Paris he mein rahi. Jis ke bad wo apni Maa aur Bhai ke sath Oxford aa gai. Acting ki taraf is ke rujhaan ka izhaar 6 baras ki umer se he hone laga tha. Isi liye is ne maqami school mein acting, singing aur dance ki tarbiyat hasil karna shuru kar di thi. 10 baras ki umer tak wo kae maqami theaters mein kaam kar chuki thin. Tahum peshawarana karkardegi dikhane ka mauqa inhe Harrry Potter ke liye audition mein mila. Agarcha Harry Potter ke liye in ke 8 auditions hue, lekin kahani ki musannifa JK Rolling ne pehle he test mein Emma Watson ke haq mein faisla de diya tha. 8 filsm par mushtamil silsile ki pehli film ne maqboliyat ke tamam record torh diye aur zahir hai ke is ke sath he Emma Watson bhi raton raat famous ho gai. In ki khud aitemadi aur makalmon ki adaiygi bohat pasand ki gai. 2009 mein Forbes Magazine ne sab se ziyada qabil e qadar kam umer artists ki top of the list mein Emma Watson ko 6 number par rakha. 2009 mein in ki aamdani 1 crore 90 lac British pond thi. Jis ke bad wo February 2010 tak Hollywood ki sab se ziyada muaawza lene wali actress ban gai.

Harry Potter silsile ke dauran Emma Watson ne film Belly Shoes mein bhi acting ke johar dikhae aur aik animated film mein awaaz ka jado jagaya. Emma Watson apni zaati zindagi apne doston aur press se alag rakhti hai. Is ka naam abhi tak kisi celebrity ke sath nahi jorha ja saka hai.

Tahum jou jou is ki umer barh rahi hai, wo Harry Potter ki child actress ka image badalne ki koshish kar rahi hai. Aik interview mein inho ne kaha tha, mujhe lagta hai ke main aik bulbulay mein qaid hon, jis se nikalna chahti hon. Emma Watson khud ko romance mein bad qismat samajhti hai. March 2007 mein Rugby ke player Tom Doker ke sath is ke talluqat ki khabrein aam hona shuru hui thin. Yeh dono baqaida date par jane lage the, lekin isi baras October mein Emma Watson ne Tom ki dosri khuwateen ke sath dating karte hue pictures dekhne ke bad us se alehdgi ikhteyar kar li.

Emma Watson ne modeling ke maidan mein bhi qismat aazmai hai, lekin filhaal wo aik American University mein apni taleem mukammal kar rahi hai. Aik interview mein inho ne kaha tha, mujhe shohrat nahi gumnami chahiye. Abhi wo aam talba o talbaat ki tarah zindagi guzaarna chahti hai aur filhal inho ne acting tark kar di hai. Apne career ke mustaqbil ka faisla wo taleem mukammal hone ke bad he karega.

 

Mathira Salman Khan Sonal Chauhan
Educated Bollywood Stars Farooq Sheikh Asif Ali Zardari

 

 

 

 

@Copy right 2012-2014 www.urdubiography.com