Welcome to Urdubiography
Home >> Showbiz >> Farooq Sheikh  

 

 

Farooq Sheikh

Farooq Sheikh was born on 25th March 1948 in City Amroli,District Soorat of Indian Estate Gujrat. Farooq Sheikh belonged to the Muslim Family. His Father Mustafa Sheikh was a Professional and Successful Lawyer. Farooq Sheikh had four siblings. He received early and college education from Mumbai. Farooq Sheikh received the education of law from Sidharth college of Law. He was an Indian film actor. Farooq Sheikh mostly worked in the art movies in 1977 until 1989. After that, he started the acting in commercial films also. After a long break Farooq Sheikh started work in the film again in 2008. Starting of acting in the art movies, he worked with the best directors like Satya Jeet Rai, Muzaffar Ali, Rishikesh Mukherjee and Kaiten Mehta. Farooq Sheikh started his acting from theater. He performed as a memorable role in these films, such as Shatranj Ke Khiladi in 1977, Noori in 1979, Chashm e Baddor and Umrao Jaan in 1981, Bazaar and Sath Sath in 1982, Rang Barangi and Kisi Se Na Kehna in 1983, Biwi Ho To Aesi in 1988 and also performed negative role in the film Katha in 1983. In this page, you can see the information about Farooq Sheikh.

Farooq Sheikh Biography

Hindustani art cinemas ke qad aawar artists ki top of the list murattab ki jae to Farooq Sheikh ka naam yaqeeni taur par is mien shamil ho ga. Faooq ne us zamane mien mutawazi cinema mien naam peyda kiya. Jab is film nagar mien Naseeruddin Shah, Om Pori aur Kalbhoshan jaise actors ka toota bol raha tha. Yun to is actor ne riwayati commercial films mien bhi salahiyaton ke johar dikhae, magar in ki shanakht art films he rahi. Farooq ki acting mien aik tarah ka thehrao numayan tha. Jo unhe art film ke liye mauzoo banata tha.in ka filmy career do adwaar par mushtamil tha. 1977 se le kar 1989 tak in ki tawajja ka markaz art films he rahi. Bad azaa inho ne commercial films mein bhi acting ka aaghaz kiya. 1990 ke ashrey mien wo chand films mein nazar aaey. Phir aik taweel waqfey ke bad 2008 mien inho ne films se dobara nata jorha.

Commercial cinemas par yeh kamiyab nahi rahe. Jis ka aiteraf yeh khud bhi karte the. 2002 mien inho ne roznama times of India ko diye gaey interview mien kaha tha. Commercial cinema par main kabhi itna maqbool nahi raha. Log mujhe pehchantehain, meri janib dekh kar muskurate hain aur hath bhi hilate hain. Magar mujhe kabhi kisi haseena ki taraf se khoon se likhe aashiqana khatoot nahi mile. Rajesh Khanna apne urooj ke dino mien jab bahar nikalte the to Traffic ruk jata tha. Aesi pazeerai na milne ka qalq mujhe kabhi nahi raha. Magar yeh baat zaroor afsurdah kar deti hai ke jaisa kaam main karna chahta tha waisa na kar saka.

Art films mien acting ke aaghaz par Farooq Sheikh ko Satya Jeet Rai, Muzaffar Ali, Rishikesh Mukherjee aur Ketan Mehta jaise kohna mushq directors ke saath kaam karne ka mauqa mila. In directors ne in ke talent ko nikharne mien aeham role adaa kiya. Acting ka aaghaz Farooq Sheikh ne theater se kiya tha. Phir Farooq Sheikh art films ki taraf aae. Magar inho ne khud ko stage aur silver screen he tak mehdood nahi rakha, bal ke Television par bhi apni salahiyaton ka jadoo jagaya. Farooq Sheikh ne 1948 mien Indian riyasat Gujrat ke zilaa Soorat ke shehar Amroli ke aik musalman gharane mien janam liya tha. Agarcha yeh aik zameendar gharana tha. Magar in ke walid Mustafa Sheikh profession ke lihaaz se lawyer the. 5 behan bhaiyyon mien Farooq Sheikh sab se barhe the. Khate peete khandan se talluq hone ki bina par inhe tamam saholtein hasil rahi. Inho ne school aur phir college ki taleem Mumbai mien rehte hue hasil kiaur phir walid ke naqsh e qadam par chalte hue qanoon ki taleem hasil karne ke liye Sidharth College of Law mien dakhla le liya. In ke walid aik kamiyab wakeel the. Isi liye ibtedai taur par Farooq Sheikh ne bhi wakalat he ko bataur pasha apnane ka socha, magar yeh shoba in ke mizaj se lagao nahi khata tha. Is ke bar aks in ka rujhaan acting ki janib tha. College ke zamane mien wo baqaiydegi se stage dramas mien hissa lete the. Chunache inho ne wakalat ko kherbad kaha aur acting se nata jorh liya. Agarcha Farooq Sheikh us waqt law college he mien zer e taleem the.

Acting ka aaghaz inho ne Indian peoples theater association IPTA ke tehat hone wale stage dramas se kiya. IPTA left arm se talluq rakhne wale stage artists ki tanzeem thi. Is arsey ke dauran inhe sagar sarhadi jaise maroof directors mien banae jane wale dramas mien mukhtalif kirdaron ki adaeygi ka mauqa mila. Jald he in ka shumar stage ke basalahiyat naujawan artists mien hone laga tha. 1973 mien jab ke Farooq law college he mien zer e taleem the. Director MS Sathewan in ke paas pohanche aur inhe Garam Hawa mien aik aeham moaawin kirdar adaa karne ki pesh kash ki. Bataur director Sathewan ki bhi yeh awwaleen film thi. Garam Hawa mien aik muslim gharane ki kahani dikhai gait hi, jo taqseem ke bad is makhmasey mien mubtila hota hai ke Pakistan hijrat ki jaey ya Hindustan he mien reh jaey. Garam Hawa Hindi art cinema mien nae tarz ki films ka aaghaz samjhi jati hai. Pehli film mien Sikander Mirza ka role ada karne par inhe 750 rupees muaawza mila tha. Farooq Sheikh ki wajah shohrat agarcha art films hain. Magar dilchasp baat yeh hai ke inhe ibtedai shanakht radio se mili thi. Radio par wo zehni aazmaiysh ke program ke meyzban the. Phir jab door darshan par Yoda Darshan aur Young World jaise programs ki meyzbani farooq ke hisse mien aai to in ka naam ghar ghar liya jane laga. Us dauran wo art films mien bhi acting kar rahe the. In ki agli aeham film Guman thi. Markazi acting ki hesiyat se yeh Farooq Sheikh ne badayon se roozgar ke silsile mien Bombay aae hue aik taxi driver ka role adaa kiya tha, jo apni biwi se milne ke liye wapis jana chahta hai, magar itne paise nahi bacha sakta ke ghar ja sake. Guman mien khobsurat acting ne Farooq Sheikh ka career mustehkam kiya aur inhe markazi roles ki peshkash hone lagi. Tahum tawalat se ziyada in ki nazar kirdar ki mauzoniyat aur aehmiyat par hoti thi. Isi liye wo aane wali films mien mukhtalif roles mien nazar aaey. Inho ne Satya Jeet Rai ki Shatranj ke Khiladi 1977 ke ilawa, Noori 1979, Chashm e Baddor 1981, Umrao Jaan 1981, Bazaar 1982, Sath Sath 1982, Rang Barangi 1983, Kisi se Na Kehna 1983, aur Biwi Ho to Aesi 1988, mien yadgaar kirdar adaa kiye. Katha 1983 mien inho ne manfi kirdar mien bhi apni salahiyaton ke johar dikhae.

Apne career mien inho ne art films ki kam o besh tamam maroof heroins ke sath kaam kiya. Director Sagar Sarhadi ki film Lorri, Kalpana Lajmi ki Aik Pal aur Muzaffar Ali ki Anjuman mien Shabana Aazmi in ki heroin bani thi. Magar Deepti Navil ke sath in ki jorhi boat maqbool hui. Film beyn Chashm e Baddor, Katha, Sath Sath, Kisi se na Kehna, Rang Barangi, Tell Me O Khuda, aur Lesson…….Amaya mien in ki jorhi ki performance se mehfooz hue. Farooq Sheikh ne Shabana Aazmi ke sath bhi kae films ki.

1990 ki dehai mien Farooq Sheikh ne bohat kam films mien acting ki. Shayad is ki wajah choti screen par in ki barhti hui masrofiyat thi. Agarcha 1980 ke ashrey mien bhi inho ne Television dramas mien role kiye the. Magar 20 century ke awakhir mien wo mini screen par boat ziyada masroof ho gaey the. Is zamane mien inho ne mukhtalif channels ke mutadid drama serials mien mukhtalif alnoo kirdar adaa kiye. Television ke nazreen mien wo actor ke sath sath bataur meyzban bhi boat maqbool the. Wo taweel arsey tak mukhtalif shows ki meyzbani karte rahe. In ka show Jeena Isi Ka Naam hai, dekhne walo mien boat maqbool hua tha. Jis mien wo bollywood ke fankaron se interview kiya karte the. Us dauran stage se in ka nata nahi toota tha. Wo Tumhari Amrita jaise stage dramas mien markazi role adaa karte rahe. Is drama mien Shabana Aazmi in ki heroin thi. Yeh drama 12 saal tak pesh kiya jata raha tha.

2008 mien film Saas Bahu aur Scene Six se silver screen par in ki wapsi hui. 2009 mien inho ne film Lahore mien shandar acting ka muzahira kiya. Jis ke aiteraf mien inhe behtareen muaawin actor ke National film Award se nawaza gaya. Club 60 in ki aakhri film thi, jise chand roz qabal numaiysh ke liye pesh kiya gaya. Box Office par yeh film kamiyab qarar di ja chuki hai.

Farooq Sheikh ne apne stage dramas ki saathi Roopa se shadi kit hi, jis se in ki aik beti Sana hai. Guzishta December ke aakhri hafte mien yeh khandan Dubai mien tha. Jahan Farooq Sheikh ko heart attack hua, jo is basalahiyat actor ko paristaron se Judah kar gaya. Magar yeh actor apne maddahon ke dilon mien aur apni films mien hamesha zinda rahega.

Benazir Bhutto Zulfiqar Ali Bhutto Nawaz Sharif
Altaf Hussain Pervez Musharraf Asif Ali Zardari

 

 

 

 

@Copy right 2012-2014 www.urdubiography.com