Welcome to Urdubiography
Home >> Showbiz >>

 

 

History of Bollywood Film Industry

Indian Bollywood film industry is a second big industry. Here we are talking about the bollywood film stars, who achieved the very well reputation in the Indian bollywood film industry. We are giving you the list of the top star, which are the versatile stars. In the actors, Balraj Sahani, Guru Dutt, Dilip Kumar, Raj Kapoor, Dev Anand, Rajesh Khanna, Amitabh Bachan, Salman Khan, Aamir Khan, Shahrukh Khan. They all are versatile actors. In the actresses, Madhubala, Nargis Dutt, Rekha, Zeenat Amaan, Madhuri Dixit, and Kajol. They all are versatile actresses. They all are those artists, who gave the best performance in the bollywood movies and they are played an important role to change the history of bollywood film industry. They all are very talented and legend artists. In this page, you can see the information about the History of Bollywood film Industry.

History of Versatile Artist in Bollywood

Bollywood Ki Tareekh aur Andaaz Badalne Wale Stars

Bollywood duniya e film ki dosri barhi industry samjhi jati hai. Kehte hain ke yahan flop film bhi apne paise pore kar leti hain. Is liye har naujawan khuwa is ka talluq kisi bhi khittey se ho. Agar wo films ka shedaai hai to bollywood mien qismat aazmana chahta hai, lekin yahan par qismat har aik par meharban nahi hoti, in mien kuch aise hote hain, jo saalha saak se industry mien kamiyab hone ki jaddojehad mien lage hue hain. Lekin in ki abhi tak koi shanwai nahi ho saki hai aur dosri taraf aise khush qismat bhi hain, jin par qismat aise meharban hui ke wo raaton raat superhit ho gaey. Is lehaz se dekha jaey industry ki ibteda se le kar ab tak kae stars aae aur chale gaey. In mien se kae aik ne chand hit films bhi di. Lekin aaj wo sab gumnaam hai aur unhe koi nahi janta. Lekin kuch qismat ke dhani aise bhi hain,jinhe Indian film industry ki tareekh aur andaaz badalne ka aezaaz hasil hai. Yeh wo stars hain jinho ne versatility se bollywood ko aik naya rujhan diya. Zail mien chand aise he azeem adakaron ka zikar kiya ja raha hai.

Balraj Sahani : Yeh wo actor the jinhe stardom se koi gharz na thi bal ke in ka mutmaa nazar hamesha in ka kaam he raha hai. Apne roles mien haqiqat ka rang bharne ke liye wo achi tarah homework kiya karte the. Bamal Rai ki lazawal film Do Begh Zameen mien Balraj Sahani ne auto rickshaw driver ka role play kiya tha aur is role ko karne se pehle inho ne pore 2 hafton tak Kolkata ki sarhkon par rickshaw chalaya tha. Aik zamana in ke kaam ka maddah tha.

Guru Dutt : Guru Dutt ne apni films mien hamesha saadgi ka ansar rakha wo bhi kirdar ki aehmiyat se achi tarah waqif hote aur role mei jaan daal diya krte the. In ki films Piyasa, Kaghaz ke Phool, Sahab BiBi aur Ghulam aur Chaudwi ka Chand, in ki 50 aur 60 ki dehaai ki market ul aar films thi. Inhe industry mien one man army bhi kaha jata tha. Wo baik waqt producer, director aur actor the.

Dilip Kumar : Mohammed Yousuf Khan jinhe duniya Dilip Kumar ke naam se janti hai. Bollywood ki pori filmy tareekh mien in jaisa dosra actor ab tak paida nahi ho saka. Inhe duniya e film mien classic actor ka maqam hasil hai. Dilip Kumar ne jab jab jo role kiya wo hit ho gaya. Yahan tak ke in par tanqeed karne wale bhi inhe saddi ka azeem actor mante hain. Yahan tak ke Dilip Kumar ka naam sab se ziyada award pane wale actor ke taur par Genius book of World record mien bhi maujood hai. Inho ne kam o besh apni har film mien aik mukhtalif style apnaya, kyun ke wo bila shuba versatile actor hain. Bila shuba Dilip Kumar aik mukammal institution ka darja rakhte hain.

Raj Kapoor : Hindi filmy duniya mien Raj Kapoor ko haqeeqi show man mana jata hai. In ki maqboliyat na sirf Hindustan mien thi, bal ke wo ben ul aqwami satah par bhi jane jate the. Khas taur par Ross mien in films Mera Naam Joker ki numaiysh ke bad in ke paristaron ka aik bohat barha halqa paida ho gaya tha. In ki films jaise Awara, Shri 420, Boot Polish aur Andaaz in ki fani salahiyaton ka nichore thi. Mashraqi aur maghrabi andaaz mien bani in ki films mien glamour ke sath sath wo sab kuch hota tha, jise us waqt ke film bain tabqa dekhna chahta tha.

Dev Anand : Apne aakhri waqt tak films mei hero aane wale Dev Anand ko aik romantic hero ke taur par jana jata hai. Naqad hamesha inhe sada bahar actor kehte rahe aur yeh sach bhi hai ke Dev Anand us waqt ke tama heroes mien sab se ziyada handsome samjhe jate the. Films mien us waqt bhi hero aate rahe jab in ke hum asar actors ne films se kinara kasha ikhteyar kar li. Dev Anand ne kabhi khud ko borha nahi samjha. Inho ne apni umer se kae choti actresses ke sath kaam kiya.

Rajesh Khanna : Kaka ji ko Indian film industry ka pehla baqaiyda superstar kaha jae to ghalat na ho ga. Apne filmy dour mien 73 golden jubilee hit films dene wale Rajesh Khanna ko industry ka versatile actor kaha jata tha. Solo hero ke taur par in ki films ki tadad beshumar hain. Sath he inho ne kar multi stars films bhi ki. Rajesh Khanna har tarah ki films mien pasand kiye jate the.

Amitabh Bachan : Bohat kam log aise hote hain jo movie making culture par raaj karte hain. Indian film industry se angry young man ka khitab pane wale Amitabh Bachan ko log aaj bhi isi tarah pasand karte hain. Jis tarah in ke filmy urooj ke dour mien kiya karte the. Career ke aaghaz mien chand flop films dene wale is actor ne Prakash Mehra ki blockbuster film Zanjeer se jo kamiyabi aur maqboliayt ka safar shuru kiya. Wo abtak jari hai. Apne 4 dehaiyon par mushtamil career mien Amitabh Bachan ne har tarah ke roles apne aap ko is maqam tak la khara kiya hai. Jis ka khuwab har actor dekhta hai. Wo na sirf actor bal ke inhe log super star, mega star, shehansha, star of the millennium, legend, icon, waghera ke namon se bhi jante hain.

Salman Khan : Salman Khan is nasal ka chaheeta aur pasandeeda actor hai. Halan ke in par tanqeed karne wale har mumkin tariqey se in ko neecha dikhane ki koshish karte hain., 2012 mien dabangg, bodyguard, ready aur ek tha Tiger jaisi super hit films de kar apne khilaf lobby karne walon ke mou band kar diye. Ab wo aik film ka muaawza aik crore le rahe hain. Salman Khan ke fans yeh jante hain ke in ki films ki kamiyabi ka raaz sirf Salman Khan ki sehar angez shakhsiyat hai.

Aamir Khan : Mister perfect ke naam se jane wale Aamir Khan industry ke wo actor hain. Jin ki aane wali har film ka intezar shaiyqeen film nihayat bechaini se karte hain. Kyun kein ke barey mien kaha jata hai ke wo sirf aik saal mien aik he film karte hain. Is ke ilawa inhe in ki fanni khidmaat par Padmashri aur Padmabhoshan award bhi diya ja chukka hai. Is ke ilawa time magazine mien 100 ba asar shakhsiyat mien Aamir Khan ka naam bhi shamil kiya gaya. In ki acting ki salahiyaton ki bina par in ka mawazna Hollywood ke super star Johnny Deep se bhi kiya jata hai.

Shahrukh Khan : Shahrukh Khan Delhi se Mumbai apni qismat aazmane aur apna pyar pane ke liye aae the. Inho ne apne career ki ibteda mien be inteha mehnat ki, jab wo Mumbai aae the to in ke paas rehne ki jagah bhi nahi hoti thi aur raat foot path par sou kar guzaarte the. Aaj 22 saal guzar jane ke bad log inhe industry ke Badshah ke naam se jante hain. Shahrukh Khan wo wahid actor hain jin ko milne wale awards ki tadad Dilip Kumar ke awards ki tadad ke baraber hai. Inhe duniya ka sab se barha movie star hone ka aezaaz hasil hai.

Madhubala : Aaj ki nasal ki kae actresses Madhubala ki copy karne ki koshish karti hain. Lekin in mien se koi bhi is charm aur grace tak nahi pohanch paai, jo in ki shakhsiyat ka hissa thi. Madhubala husun o zahanat ka shahkaar thi. Jab ke in ki fanni salahiyatein bhi kisi se chupi hui na thi. Hawrha Burj, Chalti Ka Naam Garhi, Mr and Mrs 55, aur Mughal e Azam in ki bemisaal acting se muzayyan lazawal aur yadgaar films hain. Wo pehli Indian actress thi, jinho ne ben ul aqwami satah par kamiyabi ka maza liya hai.

Nargis Dutt : Kehne wale kehte hain ke agar Nargis na hoti to RK banner ka bhi wajood na hota. Kyun ke is idarey ke banner taley ibteda mien jitni films bhi bani, jaise ke Shri 420, Awara, Mother India, Andaaz aur Chori Chori mien Raj Kapoor ke sath Nargis ki screen chemistry aur in ki adakarana salahiyatein apne urooj par thi. Dilip Kumar ke sath Mela aur Jogan bhi kamiyab films rahi. Lekin Nargis ki fanni zindagi ka sara nichore in ki film Mother India mien tha. Yeh film Oscar ke liye bhi namzad ki gai thi.

Rekha : Bengal ki Sahira Rekha ka jadoo sir charh kar bolta tha. Aaj wo 50 saal se bhi ziyada umer ki ho chuki hain,lekin apni fitness aur face ki tar o tazgi ke baiys 30 saal ki nazar aati hain. Rekha ne commercial films ke sath sath art films mien bhi kaam kiya hai. Khobsurat, Umrao Jaan, Aastha, Ijazat in ke career ki yadgaar films hain. Pur israiyat Rekha ki shakhsiyat ka wo hissa hai jo inhe aur pur kashish banata hai.

Zeenat Aman : Beauty Queen Zeenat Aman ka shumar industry ki un chand actresses mien hota hai. Jinho ne Indian films mien riwayati heroin ke image ko khatam kiya aur aik nae andaaz se film ki heroin ko mutarif karwaya. Apni bold performance ki bina par logon ne hamesha yaad rakha. Qurbani, Dharam Veer, Hare Ram Hare Krishna, in ki bold films mien shumar ki jati hain.

Madhuri Dixit : In ka mawazna adakara Madhubala se kiya jatahai aur industry mien Dhak Dhak Girl ke naam se jani jati hain. Madhuri ki dil mouh lene wali muskurahat, in ki jazib nazar shakhsiyat dosri tamam heroin’s se mumtaz karti hai. Madhuri wo wahid actress hain jo deegar heroin’s ski nisbat sab se ziyada film fare award ke liye nomibated ho chuki hain aur yeh aik record hai.

Kajol : Aesi bohat kam actresses hain jin ka filmy career shadi ke bad hit rehta hai aur in ki market value kam nahi hoti. Kajol ka shumar aesi he heroin’s mien hota hai. Khas taur par Shahrukh Khan ke sath in ki har film ne kamiyabi hasil ki. Dil wale Dulhaniyya Le jaenge ke bad wo naujawan nasal ki pasandeeda actress ka darja hasil kar chuki thin. Lekin Kajol ki shohrat aur kamiyabi sirf in ki films ki marhoon e minnat nahi, bal ke in ki naram mizaji, zinda dili, shaista atwaar aur shaguftugi inhe har dil azeez shakhsiyat banati hai.

Aamir Khan Lollywood News Nawaz Sharif
Altaf Hussain Pervez Musharraf Asif Ali Zardari

 

 

 

 

@Copy right 2012-2014 www.urdubiography.com