Welcome to Urdubiography
Home > Showbiz > Inayat Hussain Bhatti  

 

 

Inayat Hussain Bhatti

Inayat Hussain Bhatti was born on 12 January 1928 in Gujarat. In 1948, he shifted to Lahore for the law studies. First time Inayat Hussain Bhatti was sung in the film “phere.” In 1955, Inayat Hussain Bhatti acted in the film “Heer” as a hero. Inayat Hussain Bhatti was the first super star play back singer of Pakistan. Inayat Hussain Bhatti also sung for the theater. Inayat Hussain Bhatti was also a social worker. In the 1965 war, he gave all his property to Army Defense. Inayat Hussain Bhatti was died on 31 May 1999. In this page, you will read Inayat Hassain Bhatti Biography In Urdu.

Inayat Hussain Bhatti Biography

Inayat Hussain Bhatti Photo
Mashor adakar, filmsaz aur golokar Inayat Hussain Bhatti 12 January 1928 ko Gujarat mein paida howae. Inayat Hussain Bhatti ne ibtedai taleem Public High School aur Zamindar College Gujrat se hasil ki. Walid ki khuwahish thi ke humara beta alim e deen banne albata wo apni khuwahish ke tehat 1948 mein wo qanon parhne ki gharz se Lahore mutaqil ho gaye lekin qismat ko kuch aur hi manzoor tha.

College University mein jab koi taqreb munaqid ki jati to Tilawat e Quran e Pak aur Naat Inayat Hussain Bhatti ke hisse mien aati doran etaleeem College mein aik taqreb munaqid hoi jis ke mehman e khososi Baba Ji A Chishti the jo us waqat mosiqi ke betaj badshah the. Taqreb mein Inayat Hussain Bhatti ne Naat parhi Baba Ji A Chishti ne phechan leya ke ye nojawan apne awaz ke sehar se soz o gudaz ke lashkar se insani qlab o izhan ko musakhar kar sakta hai aur unhon ne Inayat Hussain Bhatti ko apni film “Phere” mein gana gane ke leye kaha.

“Phere” mein uhnon ne kai gane gaye lekin Munawar Sultana ke sath un ke do gane “Akhiyan lawain na” ko khas tor par shurat mili jis ke baad Inayat Hussain Bhatti ke liye filmon ke darwaze khul gaye. Radio ka dor tha Inayat Hussain Bhatti ki awaz pore Punjab mein pheel gai aur ataraf o aknaf Punjab mein Inayat Hussain Bhatti ki fani zindagi ka aghaz tha. Do dehaion tak theater, film aur golokari ke medan chaye rahe. Is arse mein unhon ne Pakistan film industry ke tamam naamwar mosikaron ke sath kaam kiya. Billa akhir 1955 mein Inayat Hussain Bhatti ko film “Heer” mein hero ke tor par kaam karne ka muqa mila aur golokari ke sath sath un ki adakari ko bhi khasa saraha gaya. Inayat Hussain Bhatti Pakistan ke phele Super Star play back golokar the. Un ka career panch (5) ashron par muheet tha jis ke doran unhon ne theater ke liye bhi apni awaz ka jadu jagaya. Rafeeq Peer Theater ke leye un ke gaye howae naghme aaj bhi mashor hain. Un ki wafat se kuch arsa qalb Shazia Manzoor ne un ka gana “chan mere makhna” dob arah gaya jo behad maqbol sabit howa.

Inayat Hussain Bhatti ki samaji khidmat bhi hain. 1971 mein unhon ne Gulab Devi Hospital mein apni waldah Barkat Bibi ke naam se aik ward tamer karaya aur Meo hospital Lahore mein CP Air conditioner plant mukamal faraham kiya. Inayat Hussain Bhatti kai ghareb bachon ko taleemi wazifa dete the. 1965 ki jung mein 250 rupe pass rakh kar baqi sarmaya Pakistan Army Defense mein jama karwa deya to bewi ne ppocha ke jung taweel ho gai to kia bane ga?

Inayat Hussain Bhatti ne kaha ke agar mera watan hi na raha to kia bane ga.“Allah ki rehmat ka saya, toheed ka pacham lehraya, Ae mard e mujahid jag zara , ab waqat e shahadat hai aaya, Allah Ho Akbar” Inayat Hussain Bhatti ne ye nagma ga kar Foji nojawanon ko garmaya aur un ke sene josh se bhar deye. Tarana is qadar maqbol howa ke Pak Foj ke band mein shamil kar leya gaya. Aaj bhi is tarane ke bool samaton se takrate hain to ye dilon ko garama kar Hub ul Watni paida kar dete hain.

Miyan Mohammad Bakhash Lahore ke mashor tajir the aur Inayat Hussain Bhatti ke qarebi dost bhi the. Miyan sahib ne kaha ke mein kaseer raqam se aik masjid tamer karne ka khuwahish mand hun. Bhatti sahab ne jawab deya ke masajid to phele hi bohat hain magar namazi koi nahi jab se Huzoor Nabi Kareem (S.A.W) ne qadam e Mubarak zameen par rakha hai sari zameen masjid bana di gai, lehaza aap ko esa kaam bataon jo Allah ki raza ka bais ho aur akhirat behtar ho jaye, aap aik hospital bana den jis mein bekas, besahara aur dekhi insanon ka muft ilaj kiya jaye. Miyan sahib ne band road par lakhon ki property khared kar behtareen hospital tamer karwaya jo Munshi hospital ke naam se apna aik taruf rakhta hai. Duniya mein na Inayat Hussain Bhattihain na Munshi sahib hain magar is kaam ka ajar e azeem aaj bhi un ko mil raha hai.

Guzishta do dehaiyon mein firqa warana tasob aur inteha pasandi ne pore mulk ko apni lappet mein le leya. Masajid aur imam bargahon mein namaziyon par goliyan, bomb hamla waghairah qatal o gharat ki inteha kar di jati hai, jis par Inayat Hussain Bhatti ne barwaqat qayam e aman ke leye aik jamat banai jis ka naam Almi aman conference rakha gaya. Bad azan naam badal kar aman tehrik kar deya gaya. Inayat Hussain Bhatti ne itehad benul muslimeen ke leye dora shuru kiya aur pore Punjab mein ja kar tamam makatib e fikr ke ulma ko aman bhai chare par qaim masher ki tashkil par razi kiya. Inayat Hussain Bhatti 31 May 1999 ko dagh e mafarqat de gaye magar un ki jari kardeah terik ke rakun Inayat Hussain Bhatti ki khidmat ke eteraf mein har saal 31 May ko aik bohat bara ijtema karte hain.

 

Mehdi Hassan Noor Jahan Munir Hussain
Altaf Hussain Waheed Murad Asif Ali Zardari

 

 

 

 

@Copy right 2012-2014 www.urdubiography.com