Welcome to Urdubiography
Home >> Showbiz >>Jessica Alba

 

 

 

 

 

Jessica Alba

Hollywood actress Jessica Alba Photo

Jessica Alba is an actress of hollywood film industry. She was born on 28th April 1981 in California. Jessica Alba is 33 years old. She is a model also. Jessica Alba was very fond of acting since childhood. She participated in the competition of acting in Burley Hills at the age of 11. Jessica Alba won this prize in 1992 and took acting lessons with urge. She worked first time in the film Camp Nowhere in 1994. Jessica Alba worked first time in the horror film The Eye in 2008. She married with Cash Warren in 2008, he is the son of Michael Warren. Jessica Alba has two daughters, named Honor Marie Warren, Haven Garner Warren. In this page you can see the biography of Jessica Alba In Urdu.

Jessica Alba Biography In Urdu

Jessica Alba TV actress hone ke ilawa Hollywood ki maqbool tareen actresses mein shumar ki jati hain. Khusosan apni khobsurti o dilkashi ke baiys Jessica Alba ne bohat pazeraai paai aur kae famous rasaiyl o jaraid ne inhe apne maddahon ki pasandeedgi ke sabab duniya ki purkashish tareen khuwateen ki list mein pehla number diya. Tahum apni acting par bhi inho ne mutadid awards jeete, jin mein Teen choice award, Saturn award for best TV actress aur TV par pesh ki jane wali maqbool series Dark Angel mein markazi role adaa karne par golden globe award ke liye bhi in ki nomination hui.

Jessica Alba 28 April 1981 ko American estate California mein paida hui aur bachpan he se acting ka bohat shauq tha. Isi shauq ke sabab inho ne 11 saal ki umer mein apni maa se zidd kar ke Burley Hills mein munaqid hone wale acting ke muqable mein hissa liya, jis ka grand prize free acting classes tha. Jessica Alba ne 1992 mein yeh inaam jeeta aur barhi lagan se acting ke lessons liye. Is ke bad 1994 mein inhe film Camp nowhere mein aik chota sa role offer hua. Agarcha ibteda mein yeh role bohat mukhtasir tha, lekin bad mein ise barha diya gaya tha. Is ke bad TV series The Secret World of Alex Max aur Flipper 1995 – 97 mein jalwagar hui aur phir TV he ki aik series Dark Angel mein itni khobsurti se lead role ada kiya ke in ka shumar numayan actresses mein kiya jane laga. Apne career ki ibteda mein Jessica Alba ne jin films mein numayan kirdar adaa kiye, in mein film Honey, Sun City, Goodluck Chick, P.U.N.K.S., The color Inside Me, Fantastic Four aur isi film ka sequel, Into the Blue shamil hain. 2008 mein Jessica Alba ne pehli bar aik horror film The Eye mein mukhtalif andaaz ka role adaa kiya. Go ke yeh film naqadeen ki janib se khas pazeerai hasil nahi kar paai, tahum Jessica ki acting ko bohat se logon ne pasand kiya. Usi saal inho ne Justin Timber ke maqabil aik film The Love Guru mein bhi kaam kiya, jo box office par to be had kamiyab sabit hui, lekin Jessica Alba ko in ki acting par Razzie awards ke liye badtareen actress ke taur par namzad kiya gaya.

2010 mein in ki romantic comedy film Valentines Day ne zabardast kamiyabi hasil ki. Usi saal wo action film Machete ke ilawa An Invisible Sign aur Little Fockers mein jalwagar hui. Jessica ne Hollywood ke 2 maroof awards shows ki hosting bhi barhi umdagi ke sath nibhai aur bataur child star chand commercials mein bhi kaam kiya. In ka bachpan mukhtalif bemariyon se larhte hue guzra, jis ke sabab in ki taleem bhi mutassir hui. Tahum inho ne barhe hausle se na sirf apna graduation mukammal kiya, bal ke kam umri mein he acting ke profession se wabista hone ka shauq bhi pora kiya. January 2000 mein TV series Dark Angel filmae jane ke dauran apne saathi actor Michael Weatherly ki mohabbat mein giraftar ho gai, jo umer mein is se 12 saal barhe the. Lekin 3 saal aik sath guzaarne ke bad bil aakhir dono ne alehdgi ikhteyar kar li. 2004 mein Fantastic Four ki shooting ke dauran in ki mulaqat actor Michael Warren ke bete Cash Warren se hui jo pasandeedgi mein dhul gai aur phir 2008 mein in dono ne shadi kar li. Ab in ki 2 betiyan hain. Jessica Alba rafahi kamon mein bhi barh charh kar hissa leti hain aur is maqsad ki khatir aksar auqat inho ne apni adakarana salahiyatein bhi bila muaawza pesh ki.

Mathira Salman Khan Sonal Chauhan
Janet Jackson Shakira Jerry Lewis

 

 

 

 

 

 

@Copy right 2012-2015 www.urdubiography.com