Welcome to Urdubiography
Home >> Showbiz >>Katrina Kaif  

 

 

 

Katrina Kaif

Katrina Kaif Photo

Katrina Kaif is one of the beautifull and talented actoress of Bollywood. Katrina Kaif born on 16th July 1983 in Hong Kong. She worked in Hindi, Telugu and Malayalam films. Her father is a businessman and British citizen. Katrina has six sisters and one brother. Katrina mother devoted her life for social work. For her social work she has to travell many countries. With her mother Katrina travelled to France, China, Japan, Switzerland, Poland, Hawaii and Balgium. She spent 3 years in London. At the age of 14 Katrina won a beauti contast and then she enter in showbiz industry. At the age of 17 she was taking part in London Fashion week where she meet a producer name Kaizad Gustad, Katrina work with him in a film called "Boom". Film was not a big success but in Cannes Film Fastival it was apricated. Katrina work with many famous actors of Hindi film like Salman Khan, Akshey Kumar, Ranbir Kapoor, Imran khan, Amir Khan, Hirithik Roshan and Shahrukh Khan. Some of her films are Sarkar, Hum ko dewana kar gai, Partner, Welcome, Race, Singh is king, New York, Agab Prem ki ghazab kahani, De dana dan, Rajniti, Tesmar khan, Zindagi na mile gi dobara, Aik tha tiger, Doom3, Bang bang and Mere brother ki dulhaniya.

Katrina Kaif Biography In Urdu

Haseen chehre aur dilkash khandokhal ki malik Katrina Kaif ko aam tor par sirf Bollywood adakara ke tor par phechana jata hai, jab ke unhon ne Telugu aur Malayalam zaban ki filmon mein bhi kaam kiya hai. Wo is waqat Baharat ki sab se ziyadah mawza lene wali adakaraon mein shamil hain. Un ki kamyabi mein un ke husun aur jismani dilkashi ne un ki adakari se bhi ziyadah aham kirdar ada kiya hai. Katrina 16 July ko Hong Kong mein paida hoein. Saal ke bare mein ikhtelaf paya jata hai. Baz kaghizaat ke mutabiq wo 1983 aur baz ke mutabiq 1984 mein piada hoein. San e paidaiah ke bare mein Katrina aur un ki waldah bhi taadiq karne se qasir hain.
Katrina Kaif ke bayan ke mutabiq un ke walid aik Kashmiri bussinessman aur bartanvi shehari hain. Katrina ke naam mein Kaif ka lahiqa un hi ki niabat se laga howa hai, is se phele wo apni angrez walidah Suzanne Turquotte ki nisbat se apna naam Katrina Turquotte likhti thein. Katrina ki 3 behanen un se choti aur 3 un se bar hai jab ke aik bhai sab se bare hain. Yun wo kul 8 bhai behan hain. Katrina abhi choti hi thi ke un ke walden ke darmiyan talaq ho gai. Katrina Kaif ese apni badqiamati qarar deti hai ke un ki parwarish mein un ke walid ka koi dakhal nahi hai. Ye kami wo aaj tak mehsos karti hain. Un ki waldah ne apne bachon ki talim ziyadah tar ghar hi par America se bazariya dak ane wale courses ki madad se ki. Waldah ne jawani hi mein apni zindagi falahi kaamon mein waqf kardene ka ahad kar liya tha. Inhi masrofiyat ki wajah se unhein yakebad degare kai mulkon mein rehna para. Yun Katrina bhi Hong Kong mein apni paidaish ke bad waldah ke sath China, Japan,


Switzerland, France, Balgium, Poland aur Hawaii mein bhi rahein. Sab se akhir mein wo Londan aayein jahan unhon ne sirf 3 saal guzare lekin samjha ye jata hai ke unhon ne London hi mein parwarish pai aur taleem hasil ki. Beharhal wo Bartaniya ki shehri hain aur abhi tak wo Baharat mein "work visa" par kaam karti hain. Katrina ne 14 saal ki umar mein Hawaii mein aik muqabla e husan jeetne ke bad modling ke raste se showbiz ki duniya mein qadam rakha tha. 17 saal ki umar mein wo London mein engineering ki taleem hasil kar rahi thein lekin unhen is se dilchaspi nahi thi, chunacha wo us doran bhi modling kar rahi thein aur London Fassion Weak mein bhi hissa le rahi thein. Wahen un ki mulaqat Kaizad Gustad nami us producer se hoi thi jis ne"Boom" India mein banai thi. Film flop ho gai tahum Cannes Film Festival mein ese kafi saraha gaya. Katrina Kaif ka lehja Bartanvi tha. Film mein un ki maqalmon ki adaigi par bhi kafi tanqed hoi aur esa laga ke Katrina ka filmi career yahi khatam ho gaya. Katrina ne mayos ho kar Telugu filmon ka rukh kiya lekin behtar talafuz ke sath Urdu sekhne ki koshishen bhi shuru kar dein. Telugu mein unhon ne apni pheli film "Malliswari" ke leye 75 lac moawza wasol kiya jo us dor mein south ki kisi bhi filmi heroin ke leye bohat bhari moawza tha. 2005 mein Katrina ne film "Sarkar" mein mukhtasir sa role kiya. Film "Main ne piyar kyun kiya" mein unhen Salman Khan ke muqabil heroin ka kirdar mila. Sunne mein aya ke Salman Khan un ka hath tham liya tha aur unhi ki wajah se ye role mila, lekin aane wale barson mein sahafiyon ki sar tor koshishon ke bawajod Katrina ne ye atiraf nahi kiya ke Salman se un ke taluqat hain. 2010 mein jab un ke darmiyan bohat doriyan thein tab Katrina ne man liya ke mazi mein wo aur Salman aik dosre ki mohabat mein giraftar the. 2006 mein Katrina film "Hum ko diwana kar gai" mein Akshey Kumar ke muqabil jalwagar hoien. Sahi mainon mein un ke filmi career ka aghaz


2007 mein howa. Us saal un ki 4 filmen "Namaste London, Apne, Partner aur Welcome" release hoien aur charon kamyab rahein. 2008 mein un ki "Race, Singh is king aur Yovraj" release hoien. Us waqat tak naqad unhen aik filmi showpiece hi shumar kar rahe the. 2009 mein "New York" ki release ke bad un ki adakarana salahiyaton ko bhi taslem kar liya gaya. Is film ke leye wo Film Fare Awrad ki behtareen adakara ke leye bhi namzad hoien. Is ke bad ke barson mein un ki filmon mein "Agab preem ki ghazab kahani, De dana dan, Rajniti, Tesmar Khan, Zindagi na mile gi dobara, Aik tha tigar, Jab tak hai jan aur Dhoom3" shamil hain. In ki akhiruz zikar film ne Bollywood ki ab tak ki tarikh mein sab se ziyadah bussines kiya. 2014 mein un ki 3 filmen "Bang bang, Phantom aur Jagga jassos" release hoien. Film "Mere baradar ki dulhan" mein agarcha Katrina Kaif ke sath Imran Khan aur Ali Zafar donon hi ne kaam kiya lekin Ali Zafar Katrina ke sath ziyadah jache aur film ki promotion ke doran Katrina, Ali Zafar ki tarifon mein zameen asman ke qalabe milati rahen.


Katrina bohat kam go hai. Dil ke mamlat par to kiya aam mozuaat par bhi kam hi zaban kholti hain. Is leye ye khena mushkil hai ke unhein kis se dili muhabat hai ya wo kis se shadi ka irada rakhti hain. Beharhaal pechle dinon un ke Ranbir Kapoor se zordar mashqe ki khabren garam thein aur shadi ke imkanat bhi zahir kiye jarahe the. Lekin ye baat bhi qabil e ghor hai ke Salman Kahan se bhi un ki tajdid e marasim ho chuki hai. Salman Khan un ka phela phela piyar hain. Sehra kis ke sar sajta hai ye to waqat hi bataye ga.

Mathira Salman Khan Sonal Chauhan
Educated Bollywood Stars Farooq Sheikh Anwar Maqsood

 

 

@Copy right 2012-2014 www.urdubiography.com