Welcome to Urdubiography
Home > Showbiz > Khawaja Khurshid Anwar  

 

 

Khawaja Khurshid Anwar

Khawaja Khurshid Anwar was born on 21 March 1912 at Miyanwali. His father Khawaja Ferozuddin Ahmed was a famous lawyer. Khawaja Khurshid Anwar has done M.A in philosophy from Government College Lahore in 1935 and in 1936, he passed the ICS exam. Khawaja Khurshid Anwar started his career in music in 1939 from All India Radio. In 1941, his first film “kamai” was released from Mumbai. Khawaja Khurshid Anwar was music director. Khawaja Khurshid Anwar was given music in 18 films in which “intezar, ghonghat. Heer ranjha and koyal” included. Khawaja Khurshid Anwar was died on 30 October 1984. In this page, you will read Khawaja Khurshid Anwar In Urdu.

Khawaja-khurshid-anwar

Khawaja Khurshid Anwar In Urdu

Khawaja Khurshid Anwar 21 March 1912 ko Miyanwali mein paida howae. Unke walid aik mashor wakil the. Khawaja Khurshid Anwar ne 1935 mein Government College Lahore se Falsafe mein M.A karne ke baad 1936 mein ICS ka intehan pass kar leya lekin College ke ibtedai zamane mei jan inqalabi tanzeem nijawan Bharat sabha ke rehnuma Bhagat Singh apne do sathiyon ke sath Lahore Bristol jail mein saza e mout ka intezar kar rahe the to usi tanzeem ka rukun hone ki padash mein Khawaja Khurshid Anwar ko bhi jail jana para aur baad mein yehi wajah rahi ke angrez sarkar ne unhen Indian civil service ke leye munasib na samjha.

Pakistan ke taraqi pasand sahafi I A Rehman ka kehna hai ke wo aik bomb case mein dhare gaye the lekin baghair koi muqadma qaim howae apne walid ke asar o rasokh ki wajah se un ki jald hi golo khalasi ho gai. I.A Rehman ne mazid bataya ke Khawaja saheb khase kam go aur tanhai pasand waqaya howae the aur un ki qarebi dosti sirf Faiz Ahmed Faiz se thi.

Khawaja Khurshid Anwar ka aik dilchaps waqiya sunate howae I A Rehman ne bataya ke aik dafa jab Khawaja Khurshid Anwar ki mulaqat hoi to Khawaja Saheb apne dheme andaz mein goya howae ke “tumhari sehat achi malom hoti hai, is ka matlab hai ke tumhara zehan so chukka hai.” Apne uhad ke is azeem mosiqar ke takhliqi safar ka aghaz wese to 1939 mein all India radio Lahore se hota hai lekin ye baat 1941 ki hai jab un ki tarteb de hoi mosiqi ki pheli film “karmai” Mumbai se release hoi aur yun golokara Raj kumai ki awaz mein “mahi we ratan” se Khawaja Khurshid Anwar ke moseqi ke safar ka aghaz hota hai.

1953 mein Mumbai se Lahore mutaqil hone ke bad unhon ne majmoi tor par 18 filmon ki misiqi tarteb di jin mein intezar, ghonghat, heer ranjha aur koyal jesi kamyab filmein shamil hain. Film intezar ka gana “chand hanse duniya base roye mera piyar” Khawaja Khurshid Anwar ki musiqi mein golokarah Noor Jahan ka gaya howa phela gana hai. 1940 aur 50 ki dihayon ke Lahore ko agar fun o adab ka gehwarah kaha jaye to beja na ho ga, ye wo dor tha jab mall road parpurani Anarkali ke qareb waqeya Pak Tea house mein inqalabi shura, adeb aur mosiqar garama garam chai ki bhap aur cigrate ke dhuein ke dabez badalon mein fan o adab ki barikiyon par raat gaye tak behas kiya karte the.

Is Lahore mein wese to Khawaja Khurshid Anwar ke hum asron mein kai bare naam hain lekin un mein Faiz Ahmed Faiz, Ustad Daman aur Rajander Singh Bedi jesi shakhsiyat numayan hain. Shayad yehi wajah hai ke in doston mien aik dosre ke shubon ki jhalak saf nazar aati hai. Khawaja Khurshid Anwar mosikar hone ke elawa aik kamyab tamseel nigar, shair aur hidayatkar bhi the. Bahesiyat hidayatkar unhon ne humraz, chingari aur ghonghat jesi filmein banaein aur in filmon ki mosiqi bhi tarteb di. Khawaja Khurshid Anwar ke janne walon mein Arshad Mehmmod ka naam bhi aata hai. Arshad Mehmmod mosikar hone ke sath sath Pakistan ke phele mosiqi par shaya hone wale jaride ke mudir bhi hain. Nojawani ke dinon mein Arshad Mehmmod Lahore mein recording company EMI se munsalik the jahan Khawaja Khurshid Anwar apni mosiqi record karwaya karte the.

Arshad Mehmmod ne bataya ke aik dafa Khawajah sahib ne mosiqar Baba Chishti se kaha ke “tum ne Noor Jahan se Punjabi gane gawa kar is ki awaz ki tamam loch kharab kar di hai. Lakht e jigar ka gana “chanda ki nagri se aaja re nindya” jesa gana kyun nahi banaya. Mosikar Wazir Afzal Khawaja Saheb ke baqaidah shagird the aur un ke kaam mein Khawaja Khurshid Anwar ke suron ki jhalak bhi saf nazar aati hai. Wazir Afzal kehte hain ke Khawaja sahib se ziyadah mashriqi classic mosiqi ka idrak shayad hi kisi aur mosikar ko ho. Aksar naqadeen e mosiqi k akhayal hai ke Pakistan mein 40 se le kar 70 ki dehai tak jo mosiqi takhliq hoi is ki missal baad ke adwar mein dekhne ko nahi milti. Ye phochne par ke kiya is ki wajah Pakistan mein jamhori riwayat ki kami to nahi hai, I A Rehman ne kaha ke haqiqat ye hai ke us dor ke ziyadah tar mosikaron ki feham o farasat ka irteqa taqseem se phele ka hai aur ye wo muhol tha jis ki kami bad mein bohat shidat se mehsos ki gai aur ki jarahi hai.

Goya pe dar pe lagne wale marshal laws se na sirf humare siyasi shaor ki namo ko bigara balke humare fani shaor ka phalna pholna bhi ruk gaya. Yehi wajah hai ke dosra marshal law lagne se phele hi fani shaor ke bigar ka aghaz ho chuka tha. Khuwaja Khurshed Anwar ke bête Irfan Khuwaja aaj kal America mein muqeem hain. Un ka kehna hai ke shayad hi koi esa din guzarta ho jab mujhe apne walid ki koi baat yad na aati ho agar kisi din nab hi aaye to un ka koi paristar phone ya E mail kar ke un ki yad dela deta hai. Duniya ka har fankar aik esi takhliq ki tamana karta hai jo rehti duniya tak logon ko us ka naam yad delati rahe. “kasb kamal kun ke aziz jahan shoi” ki tashrih mosiqi ki jehat mein Khuwaja Khurshed Anwar ki takhliq kardah mosiqi se behtar shayad hi koi aur mosikar kar sake.

30 October 1984 ko Bare Sagheer Pak o Hind ka ye maya naz mosikar hum se juda howa aur isi saal un ke hum asar Faiz Ahmed Faiz, Rajandar Singh Bedi aur Ustad Daman bhi rukhsat howae. Khawaja Khurshid Anwar ne apni pori zindagi fan ke mamle mein kabhi samjhota nahi kia. Khawaja Khurshid Anwar Anwar ki mout par Ahmed Rahi ne kaha izat ki roti to sab kahate hain lekin izat se bhoka rena sirf Khawaja Khurshid Anwarko aata tha.

Mehdi Hassan Noor Jahan Munir Hussain
Altaf Hussain Waheed Murad Asif Ali Zardari

 

 

 

 

@Copy right 2012-2014 www.urdubiography.com