Welcome to Urdubiography
Home > Showbiz >Master Inayat Hussain  

 

 

Master Inayat Hussain

Master Inayat Hussain was born on 1916 in Lahore. He was born in a musical family. He was the student of Ustad Bare Ghulam Ali Khan. Master Inayat Hussain was a wonderful musician. Master Inayat Hussain had composed very remember able songs like “payal mein geet hain cham cham ke, ulfat ki nai manzil ko chala, dil deta hai ro ro dehai kisi se koi piyar na kare” and many more. Master Inayat Hussain has given music in 60 films. Master Inayat Hussain was died on 24 March 1993. In this page, you will read Master Inayat Hussain, Musician, Biography In Urdu.

Master Inayat Hussain Biography

Master Inayat Hussain Photo

Pakistan ki mosiqi ka fakhar, Master Inayat Hussain Lahore ke andiron Bhati darwaza mein 1916 mein paida howae. Khandani tor par mosiqi wirse mein mile. Wajibi si taleem ke bad khandani dastor ke mutabiq mosiqi ki taleem hasil karna shuru ki. Harmonium ki taleem apne mamoon Ustad Behar Bakhash se hasil ki. Classical mosiqi ki baqaedah taleem Khan Sahab Bare Ghulam Ali Khan se hasil ki. Master Inayat Hussain bohat hi surelye the aur is par Ustad Bare Ghulam Ali Khan ki nazar e Inayat ne unhein waqayi Master Inayat Hussain bana deya. Ustad Bare Ghulam Ali Khan ne mosiqi ke tamam raz Master Inayat Hussain par wa kar deye aur un ki khososi tawajah ne Master Inayat Hussain mein ese roshni paida ki jis ka izhar unhon ne apni filmi mosiqi mein is tarah kiya ke un ke banaye howae geet amar ho gaye aur aaj bhi sune walon ke kanon mein ras gholte hain.

Apne ibtedai dinon mein Master Inayat Hussain ne golokari ke sath sath adakari bhi ki. Mumbai aur Kolkata ke mukhtalif theateron mein kaam kiya aur neem classical gaiki mein un ka naam bare ehtaran se leya jane laga. Nawab of Rampur ne un ki shurat ke pesh e nazar unhein apne darbar se musalik kar leya lekin ye arsa kuch ziyadah nahi hai. Bad azan mukhtalif gramophone companies ke sath kaam kiya. Is dor mein gramophone companies record par composer ka naam nahi likhti thein lekin is ke bawajod mosiqi ko samajhne wale log un ke kaam ki shanakht kar sakte the. Un gramophone companies mein Colombia gramophone recording company, Hans Masters Voice aur Jaino phone recording company ke naam qabil e zikar hain. Master Inayat Hussain ne in gramophone companies mein nihayat umdah aur arfa kaam kiya. Aaj jab ke nifs sadi se ziyadah arsa ho chukka hai,hawwa e nobahar ki tarah is ke subuk jhunke mashor kun hain. Malka e mosiqi Roshan Aara Begum ki gai hoi thumri ho ya dadra, ya phir Malka e Phukhraj jesi sahib e aslob maghniya ki gai hoi ghazal, Master Inayat Hussain ne har sif e mosiqi aur har fankar ke sath pora pora insaf kiya.

Apni uhad ke nihayat pur soz aur surile golokara Zenat Begum ke gale se ese ese Urdu aur Punjabi geet gawaye jis ki missal milna mushkail hai. Master Inayat Hussain ne gramophone company ke sath taqreban 9 baras kaam kiya, is ke bad 1946 mein un ko aik Punjabi film “kamli” mili jo Lahore hi mein taiyar hoi. Film business ke etebar se flop ho gai magar mosiqi ke etebar se Master Inayat Hussain ke leye kaam ke darwaze khol gai. Is film mein Master Inayat Hussain ne Ustad Barkat Ali Khan se bhi geet gawaya tha.

Qayam e Pakistan ke baad un ki pheli film “hichkole” thijo 1949 mein numaish ke leye pesh hoi. Master Inayat Hussain ne taqreban 36 saal film industry mein kaam kiya. Baz uqat unhon ne kai kai saal tak koi kaam nahi kiya. Is ki wajah ye thi ke wo dheme mizaj ke insan the aur kaam apni lagan se karte the.dosri aik wajah ye bhi thi ke wo ziyadah tar nagme ragon mein banate the jis ke leye waqat aur mehnat darker hote hain. Yehi wajah hai ke film “anar kali” mein Anwar Kamal Pasha ki jald bazi ki wajah se Master Inayat Hussain ne teen nagme compose karne ke bad Anwar Kamal Pasha ko jawab de deya kyun ke wo kaam jaldi chahate the aur Master Inayat Hussain apni tabyat ke mutabiq kaam karna chahate the. Film “anar kali” ka baqi music us waqat ke dosre namwar mosikar Rashed Atre ne compose kiya.

Master Inayat Hussain ne apne 36 saala dor mein taqreban 60 filmon mein mosiqi di jin mein 22 ke qareeb Punjabi filmen hain. Un ki tarteb di hoi mosiqi mein film “gum naam” mein Iqbal Bano ka gaya howa geet “payal mein geet hain cham cham ke” na sirf zaban e zad e aam howa balke Iqbal Bano ko bhi shuhrat ki bulandion par le gaya. Ye film 1954 mein release hoi thi. 1955 mein aik film “qatil” release hoi jis ka gana bhi Iqbal Bano ki hi awaz mein tha. Bol the “ulfat ki nai manzil ko chala” is gane ne bhi us dor mein tehalka macha deyaaur zaban e zad o aam howa.

Master Inayat Hussain buzurgon ko bohat mante the aur un ke mazarat par hazri dete rehte the. Multan mein Shah Shams Tabrez ke mazar par khososi tor par jate the. Un se riwayat hai ke film “gum naam” mein “payal mein geet hain cham cham ke” aur Anwar Kamal ki film “qatil” mein “ulfat ki nai manzil ko chala” donon geet unhon ne Shah Tabrez ke mazar par dua magne ke bad compose kiye. Buzurgon ki is nazar ka natija dekhiye ke donon hi geet Iqbal Bano ne gaye aur wo bhi amar ho gaein. Film “ishq par zor nahi” ka ye geet sun kar bhi log jhoom uthte hain “dil deta ro ro duhai kisi se koi payar na kare.”

1956 mein film “Naila” bani. Ye Pakistan ki phli rangeen film thi. Is film mein Shamim Aara heroin jab ke in ke muqabil Santosh Kumar aur Darpan the. Ye film box office par super hit thi. Is ki mosiqi itni lajawab thi ke Mala Begum ki pehchan ban gai. Is film mein Mala begum ne itne khubsorat geet gaye ke aaj bhi logon ko bhale lagte hain. Master Inayat Hussain ke 1949 se 1965 tak ke dor ko aap aik sunehri dork eh sakte hain. Jis mein unhon ne khubsorat naghmat takhliq kiye. Naghmon aur ghazalon ko situation ke mutabiq compose kiya aur ragon ko donon isleb mein istemal kiya. Koi geet ya ghazal rag Malkonas, Malhar, pahari aur Je je winti mein hai, kahein Bheron hai to kisi mein Darbari ka teez aahang hai aur ye turra e imtiaz sirf Master Inayat Hussain ka hai. Aap tamam golokaron se mehnat karwate the is leye un ko mushkil mosikar bhi kaha jata tha. Phir 1967 se 1970 tak aap film industry ke leye kaam karte rahe. Is doran bhi khubsorat kaam kiya. 1973 se 1985 tak ke zamane mein aap ne 22 filmon ki mosiqi tarteb di jin mein ziyadah tar Punjabi filmen thein. Is dor mein un ki shuhra e afaq film “mola jaat” bhi shamil hai jis ne Pakistan ki tarikh mein record business kiya aur sab se ziyadah cinema haalon mein numaish pazeer rahi.

Master Inayat Hussain ne ghair filmi ghazalen aur geet bhi compose kiye jin mein Inayat Hussain Bhatti, Munawar Sultana, Malka e Pukhraj,Dilshad Begum aur Malka e mosiqi Roshan Aara Begum ne awaza ka jadu jagaya. Zindagi ke akhiri 10 saalon mein wo ziyadah tar amraz ka shikar rahe aur is wajah se wo majalis waghairah se kat gaye the. Yadasht kamzor ho gait hi, aur asabi aur dimaghi tor par bhi mazor ho gaye aur phir 24 March 1993 ko un ka sur shanas zehan behar e sakot ke surron mein dob gaya.

Mehdi Hassan Noor Jahan Munir Hussain
Altaf Hussain Waheed Murad Asif Ali Zardari

 

 

 

 

@Copy right 2012-2014 www.urdubiography.com