Welcome to Urdubiography
Home >> Showbiz >>Mathira  

 

 

Mathira

Mathira was born on 25th February 1992 in Harare,Zimbabwe. She is a Pakistani model, dancer, singer, and Television host. Mathira is a all rounder performer, she announced to perform in different professions of showbiz in 2014. Now Mathira is starting a singing very soon. Mathira said that, it is a surprise for my fans. Matira has recorded some songs and its video will complete very soon. She said that, she signed some projects in India also. This year of 2014 is a new direction for my career and success. Mathira Khan also signed different projects of fashion industry. In this page, you can see the information and news about Mathira Pakistani Actress In Urdu.

Mathira Pakistani Actress

Mathira Photo

Maroof actress model Mathira ne 2014 mien apni all rounder performance se showbiz ke mukhtalif shobon par raaj karne ka aelaan kar diya. Aik taraf to Mathira film aur Tv mien acting ke johar dikhaeyngi, jab ke mezbani ke sath sath mauseeqi ki duniya bhi apni salahiyaten mutarif karwaengi. Mathira ne singing ki duniya mien qadam rakhte hue kuch geet record kar liye hain. Jab ke in ki video mukammal hote he aik ranga rang launching taqreeb ka ineqaad bhi kiya jaega. Is hawale se Mathira ne bataya ke Pakistan he nahi Indai mien bhi kuch project sign kiye hain. Jis ki wajah se rawa’n baras mien mukhtalif andaaz ke sath choti aur barhi screen par jalwagar hoti rahongi. Film Tv ke ilawa music jaise mushkil tareen shobey mien qismat aazmai ka faisla bohat soch samajh kar liya tha. Is ke liye main ne aik behtareen composition wale geet ko record kiya hai aur ab is geet ka video bhi banaya jaega. Jo ben ul aqwami meyar ke mutabiq ho ga. Inho ne kaha ke main janti hon ke music aik mushkil kaam hai aur is ke liye music ki samajh bojh hona bohat zarori hai. Main music ko samajhti hon aur jin logon ne meri awaaz sun rakhi hai wo jante hain ke main acha gaa sakti hon. Isi liye main ne acting, modeling aur hosting ke baad singing ke shobey mien qadam rakha hai. Yeh mere chahne walon ke liye surprise ho ga, magar mujhe umeed hai ke jab wo mera geet sunege to use khob enjoy karenge.

Urdu zuban mien record kiye jane wale geet mien nachne aur jhomne ke liye hum ne original saaz istemal kiye hain. Jahan tak geet ke video ka talluq hai to us ko jadeed technology ke sath shoot kiya jaega, ta ke mera geet sirf Pakistani channels par he nahi, bal keg her mulki music channels se bhi on ear ho sake. Aik sawal ke jawab mien Mathira ne bataya ke main all rounder rahon aur bataur all rounder acting, modeling, hosting aur singing jari rahegi. Kisi aik shobey mien mustaqil kaam karne ke barey mien kabhi nahi socha tha. Is liye mujhe jo bhi kaam acha lagta hai, main zaroor kar rahi hon, lekin film ka naam apne role aur film ki kahani ke barey mien kuch nahi bata sakti. Kyun ke main ne yeh iradah kiya hai ke 2014 mien apne chahne walon ke sath sath mukhalfeen ko bhi surprise don to is le liye sab ko sabar karna ho ga. Mujhe andaza hai ke meri tezi se barhti shohrat ko dekhte hue mere mukhalfeen ki tadaad barh rahi hai. Lekin is se mujhe koi farq nahi parhta. Jin logon ko mujh se jalan hoti hai wo jalte rahe. Mera focus apne kaam ki taraf hai. Jis ko jari rakhongi. Main janti hon ke mere munfarid andaaz hosting aur bollywood ki taraf se milne wale response ke bad bohat se mukhalfeen news paper aur news channels par tanziya beyan jari karte rehte hain, ta ke main dil bardashta ho jaon, lekin yeh in ki khaam khayali hai. Main ne apne kaam ke hawale se rawa’n baras ke liye jo schedule tarteeb diya hai. Is mien film, TV aur music ke ilawa beron mumalik programs mein performance bhi shamil hai. Is liye yeh saal meri kamiyabiyon aur career mien nae direction ka saal hai. Mathira ne aik sawal ke jawab mien bataya ke fashion industry ke liye bohat se projects sign kiye hain.

Fashion shows mien cat walk to nahi lekin Tv commercials aur photo shoot ke projects mien kaam karongi. Bohat se Multinational brands ne is silsila mien apni products ki tasheer ke liye sign kiya hai. Jis ke liye Malaysia mien bhi kuch photo shoot kiye jaenge. Inho ne kaha ke hamare mulk mien private productions ke banner taley bohat se ache drama banae ja rahe hain. Is liye ab aane wale nae dramas mien, main baqaiyda kuch sanjeeda roles mien dikhai dongi. Main chahti hon ke jo log meri fankarana salahiyaton ke hawale se aksar tanz o mazah karte rehte hain. Wo dekh saken ke main sanjeeda kaam karne ki aehal hon aur ab in ko mere kaam ke zariye he behtar jawab milega.

Farooq Sheikh Salman Khan Dua Malik
Emma Watson Bushra Ansari Ahsan Khan

 

 

 

 

@Copy right 2012-2014 www.urdubiography.com