Welcome to Urdubiography
Home > Showbiz >Nisar Bazmi

 

 

Nisar Bazmi

Nisar Bazmi was born in 1 December 1924 at Mumbai. He started his career from All India radio in 1944 from the drama “Nadir Shah Durrani”, all the songs of the play was super hit. 1962 Nisar Bazmi came to Pakistan. Nisar Bazmi has composed music of 115 Pakistani and Indian films. His famous songs are “ho tamana aur kia jan e tamana aap hain”, “chalo acha howa tum bhol gaye”, “yun zindagi ki raah mein takra gaya koi”, “khuch log roth kar bhi lagte hain kitne piyare”, “ranjish hi sahi dil hi dukhane ke leye aa”, “jo bacha thaw o lutane ke leye aaye hain”, “hum chale to humare sang sang nazare chale”, “ye mehfil jo aaj saji hai”, “mora jiya na lage”, “ranjish hi sahi dil hi dukhane ke leye aa”, “ye watan tumhara hai tum ho pasban is ke”, “mera piyar tere jewan ke sang rahe ga”, “Allah hi Allah kiya karo.” Nisar Bazmi worked with many Great singers like Mehdi Hassan, Noor Jahan, Mohammad Rafi, Asha Bhosle, Lata Mangeshkar, Rona Laila, Naheed Akhtar, Mehnaz Alamgeer. Nisar Bazmi has received many Nigar Awards and a Pride of Performance award. Nisar Bazmi died on 22 March 2007. In this page, you can read Nisar Bazmi Biography In Urdu.

Nisar Bazmi Biography

Nisar Bazmi Photo

Pakistan ke mashor mosiqar aur lazawal dhunon ke khaliq 1 December 1924 mein Mumbai ke zila Khandis ke sadder muqam Jal gaoon mein paida howae. Un ka asal naam Nisar Ahmed Bazmi tha. Nisar Bazmi ke walid Syed Qudrat Ali ka taluq mosiqi se na tha. Bachpan mein Nsar Bazmi mashor Bharti mosikar Amman Aki Khan se mutasir the. Un hi ki rafaqat ki wajah se 13 saal ki umar mein Nisar Bazmi nohat se ragon par abor hasil kar chuke the.

1944 mein unhon ne Mumbai radio station se nashar hone wale drame “Nadir Shah Durrani” ki mosiqi tartib di. Is kheel ke sare geet super hit howae aur is ke sath hi kamyabi ne un ke qadam chomme. Ye saal un ki zindagi ka sunheri saal sabit howa. Nisar Bazmi ki shurat agle do saal mein All India Radio ke studios se nikal kar Mumbai ke film studios mein pohanchi aur director A R Zamindar ne unhen apni pheli film “Jamna Paar” ke gane compose karne ki peshkash ki. Ye film 1946 mein release hoi aur phir agle 12 baras ke doran Nisar Bazmi ne 40 filmon ki mosiqi di. Aap ne Lita, Asha, Mana De aur Mohammad Rafi jese fankaron se gane gawaye. Rafi ki awaz mein fil “Khoj” ka gana “Chand ka dil tot gaya, rone lage sitare” 1940 ke ashre ke akhiri barson mein All India radio se khub khub chala.

Mumbai mein behpanah peshawarana masrofiyat ke bawajod Bazmi sahib muawze ke etebar se mosiqaron ki C category mein shamil the. Is hesiyat mein unhon ne pheli bar Anand Bakhshi ko bator nagma nigar film “Bhola Admi” mein mutarif karwaya aur Kaliyan Ji Anand Ji jori ko sazindon ki jagah se utha kar mosiqaron ki saf mein shamil karane mein aham kirdar ada kiya.1962 mein Nisar Bazmi Pakistan aaye. Mumbai mein wo aik naamwar mosikar shumar hote the aur Lakshmi Kant Piyare Lal jese musician un ki muawnat mein kaam kar chuke the. Lekin Pakistan mein qadam jamana bhi koi aasan kaam na tha kyun ke yahan filmi falak par us waqat mosiqi ke kai aftab o mehtab roshan the.

Filmi mosiqi mein ye zamana the Khursheed Anwar aur Rashed Attre ka. Usi zamane mein Baba Chishti, Feroz Nizami, Robin Ghosh, Master Abdullah, Suhail Rana aur Hassan Latif bhi apne fan ke johar dekha rahe the. Zitadah commercial sathah par ye Manzor Ashraf, Debo, Nashad, A Hameed, Saleem Iqbal, Tassaduq, Lal Mohammad Iqbal, Rehman Warma, Bakhshi Wazir. Khalil Ahmed aur Wazir Afzal ka zamana tha.

Maroof mosikaron ke is jhurmat mein apne leye jagah paida karna koi aasan kaam na tha. 2 baras ki shaded jido jehad ke bad unhen Afzal Ahmed Karem Fazli ne apni film “Esa bhi hota hai” ke leye muntakhib kiya. Is film ke leye Bazmi sahib ne Noor Jahan ki awaz mein “Aaye aaye piyar ke din aaye” 19 take mein record kiya. Ye Pakistan mein record hone wali Nisar Bazmi ki pheli composition thi. Film to 1965 mein release hoi lekin Noor Jahan ka gana “ho tamana aur kia jan e tamana aap hain” waba ki tarah pore mulk mein phel gaya. Isi shurat ki bunyad par Bazmi sahib ko film “head constable” mili jo “esa bhi hota hai” se sal bhar phele release ho gai.

Is film ke bad Pakistani film industry ke darwaze Nisar Bazmi par khol gaye. Phir “hatim tai”, “adil” aur 1967 mein jab “lakhon mein aik” release hoi to Nisar Bazmi ka tota bolne laga. “chalo acha howa tum bhol gaye” is gane ne aag laga di aur isi baras Mehdi Hassan ki awaz mein nfilm “aag” ka gana “yun zindagi ki rah mein takra gaya koi” release howa. Agle baras hidayatkar Fareed Ahmed ki film “andalib” release hoi “khuch log roth kar bhi lagte hain kitne piyare.”

Ab Pakistan ki filmi duniya mein mosiqi se taluq rakhne wale har shakhas par ye haqiqat ayan ho gai Mumbai ka ye mosikar mehaz tafrehan yahan nahi aaya balke aik waze maqsad ke sath yahan mustaqil qayam ka iradah rakhta hai. Pakistan aane ke bad chand hi baras ke arse mein unhon ne bator mosikar aik muziz muqam hasil kar leya. Kyun ke ghazal ki gaiki ke leye darker neem classical dhunon se le kar fok aur pop music ki dharakti pharakti composition tak unhein har tarah ki bandishon mein kamal hasil tha.

Mehdi Hasan aur Noor Jahan jese manjhe howe golokaron ke sath sath Rona Laila aur Ikhlaq Ahmed jesi nikhez awazon ko bhi nikharne sawarne ka muqa diya. Mehdi Hassan ka geet “ranjish hi sahi dil hi dukhane ke leye aa” aur “ ik sitam aur meri jan abhi jan baqi hai” aaj bhi suniye to dil udas ho jata hai.

Malka e Taranum Noor Jahan ke bare mien kai mosikaron ko ye shikayat thi ke wo recording se sirf 10 minute phele aati hain aur pheli hi take mein gana record karwa ke rukhsat ho jati hain. Aik interview ke doran Malka e Taranum ne eteraf kiya ke wo yaqinan esa karti hain lekin sirf naam nehad mosikaron ke sath. Madam ne missal dete howe kaha ke Nisar Bazmi sahib ki rehearsal par mein hameshah waqat se phele pohanchti hun aur suron ke utar charhao ki mashq karti hun kyun ke wo aik azeem mosikar hain aur fan ki barikiyon se na sirf khud aagah hain balke dosron ko samjhane ki salahiyat bhi rahte hain.

1972 mein Raza Meer ki film “naag mani” ka gana “sajna re” Bazmi sahib ne is ki dhun S D Burman ki composition “rangila re” se mutasir ho kar tarteb di. Baqol Nisar Bazmi ye meri janib se aik bare mosikar ko khiraj e tehseen tha. Is se phele Bazmi sahib ne 9th class ki aik 13 saala bangali talba Rona Laila ko daryaft kiya aur film “aasra” mein ye gana gavawa “nena taras gaye, piya aaye na sari raat” jab Bazmi sahib “nag mani” ka gana “sajna re” compose kar rahe the to un ke zehan mein Rona Laila ki awaz thi. Raza Meer ne kaha ke Madam Noor Jahan ko is composition mein gawa kar dekhein. Bazmi sahib ne kaha ke jitni high pitch unhein chahiye wahan shayad Madam na pohanch sakhein. Jab Madam ko kisi ne ye baat batai to wo Bazmi sahib ke pas aayein “Bazmi sahib suna hai ke esa bhi koi scale hai jahan main nahi pohanch sakti.” Is par Bazmi sahib ne Noor Jahan se “Sajna re” ki tan lagwai aur phir ye geet unhi ki awaz mein record karwaya.

Isi tarah “umrao jan” ka ye gana “jo bacha tha wo lutane ke leye aaye hain” Bazmi sahib Rona Laila se aur film producer Hassan Tariq Noor Jahan se gawana chahate the. Bazmi sahib akhiri waqat tak khafa rahe. Is gane ki recording mein 19 take lage. Bazmi sahib phir bhi mutmain na howae lekin jab ye gana super hit howa tab un ka mode durust howa. Lekin is tarah ke waqeyat se Nisar Bazmi aur Noor Jahan mein badzani paida ho gai phir duniya ne ye bhi dekha ke Noor Jahan ne sazindon se Bazmi sahib ke leye kaam ka boycott karwa deya. Is ke niteje mein un ka dil Lahore ki filmi siyasat se uchat hone laga aur 1981 mein wo Karachi shift ho gaye.

Lekin is se phele wo Alamgeer (hum chale to humare sang sang nazare chale), Tahira Syed (ye mehfil jo aaj saji hai) ko filmi duniya se mutarif karw gaye. Asad Amanat Ali Khan se “mora jiya na lage”, Mehdi Hassan se gana “ranjish hi sahi dil hi dukhane ke leye aa” aur “ye watan tumhara hai tum ho pasban is ke”, Mehnaz se “mera piyar tere jewan ke sang rahe ga” aur Naheed Akhtar se “Allah hi Allah kiya karo” gawa gaye. 1968 mein film “Saiqa” ki mosiqi par aur 1970 mein film “Anjuman” ke music par Nisar Bazmi ne “Nigar Award” hasil kiya 1972 mein “Meri zindagi hai Nagma” 1979 mein “Khak aur khoon” aur 1986 mein film “Hum aik hain” ki mosiqi par bhi unhein isi award se nawaza gaya.

Karachi mien akhiri 20 baras unhon ne apne kuch shagird paida kiye lekin ziyadah tar waqat gosha nashini mein apni ullad ke sath ghuzara. 54 saala career, 115 Pakistani aur Hindustani filmein, aik sheri majmua “phir saz e sada khamosh hai”, darjan bhar Nigar award, aik Pride of Performance, 8 pasmandigan ulladein aur lakhon sogwaron ka wirsa chor kar 22 March 2007 mein aap is duniya se rukhsta ho gaye.

Madam Noor Jehan Mehdi Hassan Waheed Murad
Agha Talish Nusrat Fateh Ali Khan  

 

 

 

 

@Copy right 2012-2014 www.urdubiography.com