Welcome to Urdubiography
Home >> Showbiz >>Shahrukh Khan  

 

 

Shahrukh Khan

Bollywood Hero Shahrukh Khan Photo

Shahrukh khan is the king of Bollywood film industry. He was born on 2nd November 1965 in New Delhi, India. Shahrukh khan married with Punjabi hindu woman named Ghori in 25th October 1991. He has one daughter named Suhana and two sons named Aryan and Abram. Shahrukh khan worked first time in the film DIl Aashna Hai. Shahrukh khan had been worked in more than 50 films. He hosted the very famous TV show Kaun Banega Crorepati. Shahrukh khan received 14 film fare award for best actor and nominated 30 times for film fare award. He received Padmashri award from Indian Government in 2005. Shahrukh khan added in the list of GQ for best dressed man. He received Global diversity award in British. In this page you can see the biography of shahrukh khan In Urdu and Roman Urdu.

 

Shahrukh Khan Biography

2 November 1965 ko India ke dar ul hukomat New Delhi mein paida hone wale shahrukh khan ko king khan ya Bollywood ke badshah ka khitab yun he nahi mil gaya. Is ke piche in ki barson ki mehnat aur gher mamooli salahiyatein hain. Inho ne bilashuba apne mulk ki filmy history par gehre naqoosh murattab kiye hain aur in ke zikar ke bagher yeh tareekh mukammal nahi ho sakti. Shahrukh khan ki zindahi ke ibtedai 5 baras India ke city Mangalore mein basar hue, jahan in ke dada us waqt chief engineer ki hesiyat se bandargah par taainaat the. Tahum Dilip Kumar ki tarah shahrukh khan ke aabao ajdaad ka talluq bhi Peshawar se tha aur wo bhi qissa khuwani bazaar mein raha karte the. Lekin taqseem hing se pehle yeh gharana Delhi muntaqil ho gaya tha. Shahrukh khan ke dada Afghanistan mein paida hue the. Shahrukh khan ki waldah Latif Fatima aik engineer ki beti thin, jo sarkari mulazim the. Latif Fatima ke barey mein yeh bhi kaha jata hai ke wo Indian national Army ke aik Major General Shahnawaz Khan ki le palak beti thin, lekin Army is ki tardeed karti hai. Khud shahrukh khan ka is silsile mein yeh kehna hai ke Major General Shahnawaz in ke walid ke azeez the.

Wo batate hain ke in ke waldain ki mulaqat khasey filmy andaaz mein hui thi. Waldah ko car mein safar ke dauran hadsa pesh aa gaya tha. Walid sahib ne inhe na sirf hospital pohanchaya tha, bal ke in ki jaan bachane ke liye khoon bhi diya tha. Is accident ke badaulat hone wali shanasaai ka natija shadi ki soorat mein nikla. Shahrukh khan ka kehna hai ke wo waldah ki taraf se Hyderabadi, walid ki taraf se Pathan aur dadi ki taraf se Kashmiri hain. Delhi ke senate Columba School mein taleem ke dauran wo aik laiq aur mumtaz talib e ilm the. Tahum college ki taleem ke dauran in ka ziyada waqt Theater Action Group ke sath stage dramas mein hissa lete hue guzarne laga. Mass communications mein masters karne ka in ka iradah bhi inhe sargarmiyon ki wajah se pora na ho saka aur inho ne acting mein he career banane ki thaan li.

Isi dauran shahrukh khan ko aik gehre sadmey se do chaar hona parha. In ki umer 20 baras kam thi. Jab in ke walid ka inteqal ho gaya. Walid se in ki qurbat aur wabistagi bohat gehri thi. In ke inteqal ke sadmey ki shiddat apni jagah thi, lekin isi saneha ki badaulat unho ne apne balbotey par zindagi guzaarne ka hunar seekh liya. 1991 mein wo filmy duniya mein qismat aazmai ka iradah le kar Mumbai aa gae lekin is maidan mein kuch banne se pehle, usi saal 25 October ko inho ne Ghori naami aik Punjabi hindu ladki se shadi kar li. Wo khud apni jagah apne mazhabi aqaiyd par karband rahe, tahum unho ne biwi par apna mazhab tabdeel karne ke liye zor nahi diya.

1997 mein shahrukh khan aik bete ke baap bane, jis ka naam inho ne Aryan rakha. 2000 mein in ki beti Suhana is duniya mein aai. 2013 mein shahrukh khan aur Ghori khan aik aur bete k eke waldain bane, jis ka naam inho ne Abram rakha hai. Yeh bacha Surrogate Mother ke zariye hasil kiya gaya hai.Mumbai ke sahili ilaqey mein 100 crore rupey ki lagat se banae gae in ke bungalow mein shahrukh khan ki barhi behan Shehnaz bhi in ke sath rehti hain.

Shahrukh khan ko pehli bar markazi kirdar dehli mein he aik TV series Dil Dariya mein mila, lekin is ki takmeel mein takheer ke baiys in ki aik aur TV series Fauji 1988 mein pehle release ho gai aur bataur actor wohi in ke career ka nuqta e aaghaz qarar paai. Mumbai muntaqil hone ke bad inhe pehli baar jsi film mein kaam karne ka mauqa mila wo Dil Aashna hai thi, jo bataur director Hema Malini ki pehli film thi. Is film ke milne tak shahrukh khan ne jis qadar kathin jaddojehad ki aur jin sabar aazma marhalon se guzre, in ki daastan khasi dil kharash hai. Is film ki peshkash mausool hone se aik din pehle shahrukh khan ne apni tamam koshishon mein nakami ke bad Delhi wapis jane ka faisla kar liya tha, lekin in ki jaib mein kiraya nahi tha. Agar in ki jaib mein train ka ticket hota to wo Delhi wapis ja chuke hote aur aaj hum shayad kisi King Khan ke naam se aashna na hote.

shahrukh khan ke sath aik bar phir TV series wala muamla hua. In ki film Dil Aashna Hai late ho gai aur in ki dosri fil Dewana 1992 mein release ho gai, jis mein inho ne Devya Bharti ke maqabil aur Rishi Kapoor ke sath sanvi Hero ke taur par kaam kiya tha. Yehi in ki pehli film qarar paai jo hit bhi ho gai. Yun sahi maeyno mein Bollywood ke darwaze shahrukh khan ke liye khul gae. Is film par inhe best new actor ka film fare award bhi mil gaya. Tab se ab tak shahrukh khan 50 se zaiyd films meion kaam kar chuke hain, jin ke mauzoaat mein action, comedy, romance sab he shamil hain. Is ke sath sath inhe kar baar famous TV program kaun Banega Crorepati ke host banne ka sharf bhi hasil hua hai. Jis mein wo khasey kamiyab rahe. Us wat wo duniya ke dosre daulatmand tareen actor hain. Aik andaze ke mutabiq in ki daulat 600 million American dollars ke masawi hai. In ki 1995 mein release hone wali film DIl Wale Dulhanniya Lejaenge. Mumbai ke aik cinema Maratha Mandir mein abhi tak lagi hui hai, jo is saal December 2014 mein utaar li jaegi. Is film ko 10 film fare awards mile. Khud shahrukh khan 30 martaba film fare award ke liye nominate ho kar 14 martaba best actor ka award hasil kar chuke hain. 2005 mein inhe india ka sarkari award padmashri bhi mil chukka hai.

Saal 2008 mein American jarida news week ne inhe duniya ki 50 ba asar shakhsiyat ki list mein 41 number par shumar kiya, jab ke saal 2011 mein famous mahana jarida GQ ke british addition mein in ka naam best dressed man ki list mein shamil kiya gaya. France ki hukomat bhi inhe showbiz se mutalliq 2 aala tareen aezazaat se Nawaz chuki hai. Jab ke haal he mein british mein inhe Global diversity award se bhi nawaza gaya hai. Is ke ilawa bhi shahrukh khan kae aezazaat apne naam kar chukr hain.

Apni 2 films Chalte Chalte aur Kal Ho Na Ho 2003 ke dauran wo back bone ki shaded takleef London mein surgery karani parhi shahrukh khan, actress Juhi Chawla ke sath shirakatdari mein aik film company bhi chala rahe hain. Jis ke tehat wo kae kamiyab films bana chuke hain. 2008 mein inho ne Juhi aur in ke husband ke sath shirakat mein Indian premier league ki aik team bhi 75.09 million dollars ki boli de kar kharidi aur is ka naam Kolkata Knight Riders rakha. 2009 mein yeh league ki ameer tareen team thi aur is ki brand value 42.1 million dollar thi. Shahrukh khan falahi kamon aur imdadi sargarmiyon mein bhi hissa lete hain. Khas taur par hospitals ko shahrukh khan bhari donations dete hain. Shahrukh khan sirf apne mulk mein he nahi bal ke bohar se deegar mumalik mein bhi bohat maqbool hain aur india mein box office par inhe number one samjha jata hai. Shahrukh khan ki kamiyab tareen films ke naam yeh hain.

Bazigar 1993, dil to pagal hai 1997, kuch kuch hota hai 1998, mohabbatein 1998, devdas 2002, chak de india 2007, my name is khan 2010, ra one, don 2 2011, jab tak hai jaan 2012, jab ke 2014 mein happy new year aur fan in ki mutawaqqa films hain.

Aamir Khan Salman Khan Ahsan Khan
Mathira Bushra Ansari Noor Jahan

 

 

 

 

@Copy right 2012-2014 www.urdubiography.com