Welcome to Urdubiography
Home >> Showbiz >>Sonakshi Sinha  

 

 

Sonakshi Sinha

Sonakshi Sinha Photo

Sonakshi Sinha is a dabangg girl. She is an actress of Indian film industry. Sonakshi Sinha daughter of the very famous actor named Shatrughan Sinha. She was born on 2nd June 1987 in Patna, India. Sonakshi graduated in fashion designing. She has twin brother and she is a younger sister of her twin brother. Sonakshi also worked as a costume designer for the films. She started her debut from the film Dabangg with Salman Khan. Salman Khan introduced her in the Bollywood film industry. Sonakshi Sinha received film fare and iifa awards and many other awards in her 4 year career. Before she came in to the Indian film industry, Sonakshi Sinha reduced 30 kg weight in three months. She said that, she likes animals, specially dogs and cats. Sonakshi Sinha is a very talented and dabangg actress. In this page you can see the Biography about Sonakshi Sinha.

Sonakshi Sinha Biography In Urdu, Hindi

2010 mein Sonakshi Sinha par jab Salman Khan ki nazar e inayat hui to Sonakshi Sinha ki zindagi mein aik haseen inqelab aa gaya. Is se chand maah pehle tak jo log bhi Sonakshi Sinha ko dekhte the, in ke zehan mein shayad aik lamhe ke liye bhi khayal nahi aata hoga, ke aik roze yeh ladki Indian cinema kiscreen par tehalka macha degi aur unginat dilon ki dharkane tez karne ka sabab bana karegi. Wo gandumi rangat, ache khase mutapey aur mamoli nain naqsh ke sath qatai taur par aik aam si ladki dikhai deti thi. Is ke chehre par qabil e zikar chez sirf in ki aankhen thin, magar yeh barhi barhi hairan si aur bolti hui aankhen bhi is kea am se sarapa ki wajah se koi jadoo nahi jagati thin.

Phir hua yeh ke Salman Khan ne inhe filmy pardey par lane ka hatmi faisla kar liya, jis ke bad is ne mehaz 3 month mein 30 kg weight kam kar ke aik chota mota record qaiym kar diya. Sonakshi Sinha ka weight kya kam hua, in ke andar se goya aik nae Sonakshi Sinha baraamad ho gai. Is ke nain naqsh dilkash ho gae. Aankhen ghazab dhane lagin aur khadokhal aik haseen saanche mein dhal gae. Khas taur par filmy camera ko in ka sarapa bohat pasand aaya aur is ne kuch is tarah inhe mazeed sanwar kar screen par pesh kuya ke is ki pehli film Dabbang mein ise dekhne wale beshumar log dil thaam kar reh gae aur filmy duniya ki is reet se to aap waqif he honge ke agar kisi ki pehli film superhit ho jae aur in ki shakhsiyat bhi logon ki nazron se hoti hui in ke dilon mein utar jae to is ke bad har qadam par kamiyabiyan in ki muntazir rehti hain.

Chunache pehli film ki kamiyabi ke bad se Sonakshi Sinha ne murh kar nahi dekha. Agar in ki 1, 2 films nakaam bhi ho gai to is se in ke liye koi farq nahi parha. Baaz filmy naqadeen ne to yeh khayal bhi zahir kiya tha ke wo past ki Dream girl Hema Malini ka mutabadil sabot ho gi aur nae daur ki dream girl kehlaegi. Dilchasp baat yeh hai ke filmy duniya mein mutarrif hone ke liye inhe apne walid Shatrughan Sinha ka hawala istemal karne ki zarorat nahi parhi, jo past ke aik nihayat aeham actor rahe hain. Sirf villain ke taur par he filmy duniya mein inho ne aik shandar aur sunehra daur nahi guzara, bal ke hero ke taur par bhi in ke credit par chand films hain, magar Sonakshi Sinha ko films mein lane ka zariya Salman Khan bane, jo in ki pehli film ke hero bhi the. Is film ne 2010 mein aamdani ke lihaaz se baqi films ko peeche chor diya.

2 june 1987 ko Patna mein paida hone wali Sonakshi Sinha ka star Gemini hai. Wo 2 twins bhaiyon ki choti behan hain, jinho ne fashion designing kiya hai aur in ka isi profession mein career banane ka iradah tha. Inho ne films ke liye costume designer ke taur par bphat pehle kaam bhi shuru kar diya tha. Pehli baar 2005 mein inho ne film Mera Dil Le Ke Dekho ke malbosaat design kiye the. 2008 aur phir 2009 mein inho ne Lakme fashion week mein ramp par walk bhi ki, lekin bataur model sonakshi ziyada hulchul machine mein kamiyab na rahi, jis ke bad inho ne showbiz ki duniya mein pas pardah he rehne ka faisla kiya tha, lekin qismat ne inhe dabangg girl banane ka faisla kar rakha tha. Pehli he film mein inho ne sirf apne zahiri sarapa ki wajah se he nahi, bal ke barhe stars ke samne apni pukhta aur pur aitemad acting ki wajah se bhi daad sameti. Salman Khan aur in par filmaya hua Rahat Fateh Ali Khan ka song Tere Mast Mast Do Nain, in par goya chipak kar reh gaya aur in ki mast nasheeli aankhen pori film par chaa gai. Is film ke bad apne mulk ke filmy rasaiyl ke sar e warq par aur news paper ke filmy additions mein to in ki ranga rang pictures ka sailaab aa he gaya, lekin ben ul aqwami jareede Make some ke Indian addition mein bhi inhe sar e warq par barhe aehtemam se chapa gaya. 2011 mein go ke Sonakshi Sinha ki koi film release nahi hui thi, lekin usi saal sonakshi apni pehli he film par film fare aur iifa samait dheron dosre awards samet’ti rahi.

2012 mein in ki 4 films release hui. Rowdy Rathore mein in ke sath Akshay Kumar the. Yeh film dhere dhere ziyada aamdani ki taraf barhte hue aakhirkar blockbuster sabit hui. Dosri film Joker mein bhi in ke hero Akshay Kumar he the, magar yeh film nakaam rahi. Phir Ajay Devgan ke sath Son Of Sardar aur Salman Khan ke sath Dabangg 2 ki kamiyabi ne Joker ki nakami ko jald he pas manzar mein dhakel diya. 2013 mein sonakshi ki pehli film qadre purane pas manzar mein Lootera thi, jis mein Ranveer Singh in ke hero the, go ke film ne oosat darjey ka business kiya, lekin sonakshi aur Ranveer ko apni acting par naqadon se daad mili. Once Upon A Time In Mumbai ke sequel mein Sonakshi Sinha aik bar phir Akshay Kumar ke sath nazar aai. Rambo Rajkumar mein inho ne Shahid Kapoor ke sath aur Bullet Raja mein Saif Ali Khan ke sath kaam kiya. Hollywood mein aik bar phir Sonakshi Sinha Akshay kumar ke sarh nazar aai. Jab ke Hollywood ki animated film Rio – 2 ki heroin Jewel ke role ke liye in ki awaaz use ki gai hai aur isi ke liye Sonakshi Sinha ne aik song bhi gaya hai, jis ke bad inhe umeed nazar aane lagi hai ke shayad Hollywood ki films mein kaam karne ke liye bhi inhe bulawa aa jae. Sonakshi Sinha abhi gher shadi shuda hain aur sardast kisi filmy actor se I ki shadi ka koiimkaan bhi nazar nahi aata hai. Kisi actor ke sath ziyada garma garam qisam ka koi scandal bhi abhi tak samne nahi aaya hai. In ke walid ki taraf se films mein khasa khul kar kaam karne ki ijazat sahi, lekin private zindagi mein kafi pabandiyan aaiyd hain. Late night parties mein jane aur naujawan heroes ke sath dates waghera ke chakkar mein parhne ki, in ke walid ki taraf se ijazat nahi hai. Sonakshi Sinha ko animals se aur khas taur par dogs, cats se bohat piyar hai. Sonakshi in ke tahaffuz aur behtari ke liye kaam karne wali aik NGO ke liye modeling bhi kar chuki hain. 2014 mein filhal in ki 2 films Action Jackson aur Tewar aai hain. Apne 4 sala career mein Sonakshi Sinha 8 barhe aur kae chote mote Indian awards hasil kar chuki hain.

Mathira Salman Khan Sonal Chauhan
Educated Bollywood Stars Farooq Sheikh Emma Watson

 

 

 

 

@Copy right 2012-2014 www.urdubiography.com