Welcome to Urdubiography
Home >> Showbiz >>Steven Seagal

 

 

 

 

Steven Seagal

Hollywood Hero Steven Seagal Photo

Steven Seagal is a 7th degree black belt actor. He is a martial art hero in Hollywood film industry. Steven Seagal was born on 10th April 1952 in American Estate Michigan. After this his parents shifted in California and here Steven Seagal completed his education of high school. With the studies he started the education of Aikido, the kind of martial art. Steven had to go to Japan at the age of 19th with his Father. In Japan he took the training of martial art. Steven Seagal received one to seven grade of black belt in Japan. We can say him, the Bruce Lee of White leather. Steven came back to America in 1974 and he met Aikido instructor Miyako Fujitani. Steven went to Japan again with Miyako Fujitani and married with her. He made his debut film named “ Above The Law ” in 1988. Steven Seagal received the honor of reserve deputy sheriff in Luciana. He got 3 marriages and he has six children’s. In this page you can see the information and biography about Steven Seagal in Urdu.

Steven Seagal Biography

Hollywood mein bataur martial art hero qadam rakhne wale Steven Seagal 10th April 1952 ko American estate Michigan mein paida hue. Jis ke forum bad in ke parents California muntaqil ho gae. Jahan steven ne apni high school ki taleem mukammal ki. Jab steven school mein the to apni umer chupate hue inho ne aik aise restaurant mein bartan dhone ka kaam shuru kar diya jahan ka aik cook martial art ke mahir the. Is cook ne steven ki harkaat mein gher mamoli phurti dekhte hue steven ko martial art ki bunyadi technique sikhai. Jis ke bad Steven Seagal ne martial art ki qisam Aikido ki baqaida taleem lena shuru kar di. 19 baras ke hue to is ke walid ko 2 baras ke liye Japan jana parha. Steven bhi apne walid ke sath Japan chale gaey aur wahin par martial art ki training lete rahe. Yahan tak ke steven ne 1 se 7 grade tak ki black belt hasil kar li. Inhe white leather ka Bruce Lee kaha ja sakta hai.

1974 mein America wapsi par in ki mulaqat khatoon Aikido instructor Miyako Fujitani se hui. Jin ke sath steven aik bar phir Japan aa gae aur in dono ne shadi kar li. Steven ke susar aik Aikido academy mein head instructor the. Un ke retire hone ke bad yeh jagah Steven Seagal ne sanbhal li. Biwi se alehdgi ke bad steven Mexico chale gae, jahan martial art ki tarbiyat dene lage. 1983 mein America wapsi ke bad California mein Aikido academy khol li. 1987 mein Warner Brothers Studios mein inho ne martial art ke kamalaat dikhae to bohat se filmsaaz mutassir hue aur kae films mein kaam karne ki peshkash hui, jinhe Steven Seagal ne script parhne ke bad radd kar diya. Tahum inho ne apni likhi hui story par film banane ka faisla kiya aur yun 1988 mein in ki pehli film Above The Law release hui. Jo box office par hit sabit hui. Is ke bad Steven Seagal ki lagataar 3 films box office par kamiyabi ke jhande garhne meinkamiyab rahin. 1994 mein On Deadly Ground ko naqadon ki taraf se tanqeed ka saamna karna parha. Jis ke bad inho ne apni films cinemas par release karne ke bajae Direct to video films ki production karna shuru kar di. Yeh tajurba kamiyab raha aur in ki films mini screen par pasand ki jane lagi. In ke 2 music album bhi release ho chuke hain.

Steven Seagal ki films mein martial art aur qanoon ka ansar roles mein numaya rehta hai. Shayad is ki wajah in ki martial art mein maharat aur filmy career ke dauran aik police academy se graduation karna hai. Inho ne qanoon nafiz karne walon ke sath kae kaam anjaam diye hain. Isi liye Steven Seagal ko American estate Luciana mein reserve Deputy Sheriff ka aezaaz hasil hai.

Steven ne 3 shadiyan ki aur in ke 6 bache hain. Wo budhmat ke manne wale hain. Jaise bohat se cento logy ke manne wale hain. Yahan yeh baat bhji batate chale ke films mein qanoon ka rakhwala aur Luciana ka reserve Deputy Sheriff apni zindadgi mein kae muqaddmat ka shikar ho chukka hai, jin mein ziyada tar khuwateen ki taraf se jinsi taur par hirasan karne, muaahedon ki khilafwarzi aur yahan tak ke in mein insanon ki tijarat tak ke ilzamaat shamil hain. Jin se inho ne lakhon dollars kharch kar ke jaan churai hai.

Mathira Salman Khan Sonal Chauhan
Educated Bollywood Stars Farooq Sheikh Emma Watson

 

 

 

 

@Copy right 2012-2014 www.urdubiography.com