Welcome to Urdubiography
Home >> Showbiz >>Sylvester Stallone  

 

 

 

 

 

Sylvester Stallone

Hollywood action hero Sylvester Stallone Photo

Sylvester Stallone is known as Italian stallion. He is a successful action hero of Hollywood film industry. Sylvester Stallone are also the story writer, producer and director. He was born on 6th July 1946 in American City New York. Sylvester is 68 years old. Sylvester Stallone received his early education from Neuter Dam Academy and Lincoln High School. After more education he admitted in Chariot Military Academy, Miami dead college and University of Miami. Sylvester Stallone started his career in 1970 from the film “ The Party of Kitty and Stud’s ”. The very famous film of Sylvester Stallone was “ Rocky ”, which was released in 1976. This film wrote by Sylvester Stallone. He got three marriages and he has 5 children’s. In this page you can see the information and biography about Sylvester Stallone In Urdu and Roman Hindi.

Sylvester Stallone Biography In Hindi

Duniya bhar mein films ke shaiyqeen mein sab se ziyada tadaad Hollywood ki action films ke shaiqeen ki hai aur jo log action films dekhte hain, wo actor Sylvester Stallone ke naam se ba khobi waqif hain. 5 ft 9 inch qadamat o qamat wale in kohna mushq actor ne kae yadgaar action films ki hain. Bal ke agar yeh kaha jae ke Sylvester Stallone ka naam he action films ki kamiyabi ki zamanat hai to ghalat na ho ga. Wo sirf aik actor he nahi bal ke kamiyab kahani navees, filmsaaz aur director bhi hain.

Hollywood ke in fankaar ka janam 6th July 1946 ko American City New York mein paida hue. Sylvester ki umer jab 9 baras hui to waldain mein alehdgi ho gai aur wo apni waldah ke sath rehne lage. Inho ne apni ibtedai taleem Neuter dam Academy aur Lincoln High School se mukammal ki. Jis ke bad inho ne Chariot Military Academy, Miami Dead College aur University of Miami se mazeed taleem hasil ki. 1969 ke bad Sylvester ke maali halaat bohat kharab ho gae the. In ke paas rehne ka thikana bhi na tha. 3 week tak New York ke aik park mein raat basar karne ke bad inhe bus stop par aik film audition ke liye diya gaya poster nazar aaya. Agarcha yeh 1 teesre darjey ki film thi, lekin baqaul Sylvester Stallone ke inhe us waqt 2 he option nazar aae ya to kahin chori ki jae ya phir is film mein qismat aazmai jae. Yun Sylvester Stallone ne apne filmy career ka aaghaz 1970 mein teesre darjey ki film The Party of Kitty and Stud’s se kiya.

Stallone ko is film ka muaawza 200 dollars mila tha. Isi film ko bad mein Italian Stallion ke naam se release kiya gaya, jis ne bohat maqboliyat hasil ki. Yeh naam inho ne apni famous film Rocky tak mein bhi use kiya. Inhe aaj tak isi naam se jana jata hai. Sylvester ne apne career ke ibtedai daur mein teesre darjey ke theater mein live performance bhi den. 1970 mein Sylvester Stallone ko film No Place To Hide mein aik mukhtasir role ki peshkash hui. Isi film se stallone ke filmy career ka sahi maeyno mein aaghaz hua. 5 baras tak inhe ne 6 films mein kaam kiya, jis se in ke career mein istehkaam to paida hua, lekin us waqt tak inho ne koi aesi film nahi kit hi, jis ki karkardegi ki wajah se in ka shumar superstars mein kiya jata. 1975 mein inho ne Mohammad Ali aur Chuck Wepner ke darmiyan boxing match dekha. Wo is se itne mutassir hue ke forum aik film Rocky ki kahani likh daali. Yeh kahani inho ne sirf 20 ghanton mein mukammal kit hi. Jab yeh kahani filmsazon ko dikhai to ise filmane ke liye kae directors aur producers tayyar ho gae aur is script ke liye Sylvester Stallone ko 3 lac 50 thousand dollars ki peshkash bhi hui, lekin sab he kehna tha ke film ke markazi role ke liye kisi super star ko cast kiya jae. Yeh challenge stallone ko manzoor nahi tha. Isi wajah se is film ki aksbandi takheer ka shikaar ho gai. Tahum koshishon ke bad producer John G Avid Son ne is film ke liye sarmayakari par aamadgi zahir kar di aur director Robert Karloff ne is ki direction dene ki haami bhar li. Yun 1976 mein yeh film release hui. Yeh is baras ki behtareen film qarar paai aur is baras ke academy awards mein in ki 10 nominations hui. Jin mein se 4 par kamiyabi hasil hui,lekin badqismati se stallone behtareen actor ka award hasil nahi kar pae. Rocky ki kamiyabi ke bad agle baras isi ka sequel release hua. Yeh film bhi kamiyab rahi aur yun Sylvester Stallone Hollywood ke super star ban age. 1982 mein Sylvester Stallone ne aik aur film First Blood ka script likha, jis ka markazi role John Rambo tha. Yeh film bhi maqboliyat ke kae record qaiym kar gai aur Sylvester Stallone Hollywood ke sab se maqbool action hero ban gae. In dono films ki maqboliyat ka andaza is baat se bhi lagaya ja sakta hai ke in dono ke sequels ke tehat kae films banai gai hain. Bal ke yeh bhi kaha jata hai ke jab bhi stallone ke career ka graph niche ki taraf jane lagta hai, wo Rocky ya John Rambo ka sahara lete hain.

2003 ke bad Sylvester Stallone ne films mein bataur villain kaam karna shuru kiya, lekin 3 baras bad he wo aik bar phir action films ke hero ke taur par jalwagar hone lage. 2010 se inho ne films ka aik naya silsila The Expendables ke naam se shuru kiya hai, jis ki abhi tak 2 films release ho chuki hain aur teesri bhi isi baras mutawaqqa hui hai. Sylvester Stallone ne apne career mein ziyada tawajja action films par he markooz rakhi hai. Agarcha in ki kuch films ko nakami ka bhi saamna karna parha hai, lekin is se Sylvester Stallone ke career par negative asar nahi parha. 1995 mein inho ne film Judge Dredd mein aik aise munsif ka role ada kiya jo mujrim ko saza sunane ke bad is par khud he amaldaar aamad bhi karta tha. In ki kamiyab films mein Death Race 2000, Cannonball, Rocky, F.L.S.T., Nighthawks, First Blood, Cobra, Over The Top, Lock Up, Tango & Cash, Cliffhanger, Assasins, Daylight aur The Expendables shamil hain. Inho ne aik Hindi film Kambakht Ishq mein bhi bataur mehmaan actor kaam kiya hai. Is ke ilawa inho ne chand TV series mein bhi apni acting ke johar dikhae hain. Rocky ki kamiyabi ke bad inhe kae masnoaat ke advertisement mein kaam karne ki peshkash hui, jin mein inho ne kaam bhi kiya. Khas taur par wo tobacco ki masnoaat ki tasheer mein bohat sargaram rahe hain.

Sylvester Stallone ne abhi tak 3 shadiyan ki hain. 1974 mein jab in ki umer 28 baras thi to inho ne Sasha Zaik se shadi kar li, in dono ke 2 bete hain. 1985 mein Sasha se divorce ke bad stallone ne Rocky 4 ki actress par Jet Nelson se shadi kar li. Is shadi ka anjaam 2 baras bad he divorce ki soorat mein nikla. Is ke 10 baras bad Sylvester Stallone ne American model Jennifer Fallon se shadi kar li, jo tahaal barqarar hai. In dono ke 3 bache hain. Sylvester Stallone action hero hone ki wajah se aksar apni films ki aksbandi ke dauran zakhmi hote rahe hain. Khas taur par Rocky 4 ki aksbandi ke dauran jab actress Adolf Lofgren ne, inhe ki farmaiysh par in ke seene par ghonsa mara to stallone ko 4 din ICU mein guzaarne parhe. Jab ke film Escape To Victory ki aksbandi ke dauran azeem footballer Peele ki kick rokte hue stallone apni ungli turhwa bethe the. Kuch arsaa qabal The Expendables ki aksbandi ke dauran actor Steve Austin ke sath aik scene ki aksbandi karwate hue stallone ki garden ki haddi buri tarah mutassir hui aur ab in ki garden mein metal ki plate laga di gai hai. Yehi nahi bal ke paidaiysh ke waqt stallone ke face par scissor lagne ki wajah se face ka aik hissa waqti taur par maflooj ho gaya tha, jis ke asraat aaj bhi in ki zabaan aur face ke aik taraf maujood hain. Wo 68 baras ki umer hone ke bawajood aaj bhi kamiyab action hero samjhe jate hain. Is baras in ki 2 films The Expendables 3 aur Reach Me release hui hain.

 

Mathira Salman Khan Sonal Chauhan
Educated Bollywood Stars Shakira Emma Watson

 

 

 

 

@Copy right 2012-2014 www.urdubiography.com